ფილტრი

ვაკანსიები

vip

რეგიონული ჟურნალისტიკის პროგრამა

ID 53963

"რადიო თავისუფალი ევროპა/რადიო თავისუფლება" (რთე/რთ) აცხადებს განაცხადებს მიღებას 2018-2019 რეგიონული ჟურნალისტიკის პროგრამისთვის. პროგრამა ფინანსდება ჩეხეთის რესპუბლიკაში აშშ-ის საელჩოს მიერ და იმართება "რადიო თავისუფლების" მიერ. 2017-2018 წლის პროგრამის წევრები შეარჩიეს მოლდავეთიდან, საქართველოდან, სომხეთიდან და უკრაინიდან.

პროგრამის მიზანია აღმოსავლეთის პარტნიორობის ქვეყნების პერსპექტიულ ჟურნალისტების ხელის შეწყობა პროფესიულ განვითარებაში, მედიის თავისუფლებისა და დამოუკიდებლობის მხარდასაჭერად.

სტიპენდიატებს კონკურსის მეშვეობით შეარჩევენ აღმოსავლეთის პარტნიორობის ქვეყნებიდან და მათ რთე/რთ-ის ადგილობრივ ბიუროებში გაანაწილებენ. ისინი ჩართული იქნებიან ბიუროს ყოველდღიურ საქმიანობაში, სადაც ისინი სრულ განაკვეთზე იმუშავებენ ყველა ჟურნალისტურ პლატფორმაზე და მონაწილეობას მიიღებენ სარედაქტორო დისკუსიებში რთე/რთ-ის პროფესიონალების დახმარებისა და მეთვალყურეობის პირობებში. 

ინგლისური ენის ცოდნა არ არის აუცილებელი.

პროგრამა 8 თვე გრძელდება, დაახლოებით 2018 წლის 1 ნოემბრიდან 2019 წლის 30 ივნისის ჩათვლით. პროგრამის ფარგლებში დაგეგმილია ვიზიტი რთე/რთ-ის შტაბ-ბინაში, პრაღაში, დამატებითი პროფესიონალური განვითარებისათვის.

პროგრამის მონაწილეები პროგრამის მთელი ხანგრძლივობის განმავლობაში მიღებენ თვიურ სტიპენდიას ადგილობრივი ხელფასის შკალის მიხედვით, სამუშაო ადგილს რთე/რთ-ის შესაბამის ბიუროში. ასევე მათ გადაუხდიან პრაღაში გამგზავრებისა და საცხოვრებელი ბინის ღირებულებას. საცხოვრებლით უზრუნველყოფილი იქნებიან ის სტიპენდიატებიც, რომლებსაც ადგილობრივ ბიუროში სხვა ადგილიდან ჩასვლა მოუწევთ.

განაცხადის წარდგენა შეუძლიათ ჟურნალისტებს აზერბაიჯანიდან, მოლდავეთიდან, საქართველოდან, სომხეთიდან და უკრაინიდან.

განაცხადის შეგაგზავნა შესაძლებელია 2018 წლის 24 სექტემბრის ჩათვლით, ელ. ფოსტაზე: [email protected]

სასტიპენდიო პროგრამის შესახებ დამატებითი ინფორმაციის მისაღებად იხილეთ ვებგვერდი.

განთ. გუშინ 17:38

ბოლო ვადა 24 სექტემბერი 00:00

vip

მიღება ახალგაზრდა მეწარმეთა სკოლაში

ID 53696

"კრისტალის" ახალგაზრდა მეწარმეთა სკოლა, პროგრამა "YES-Georgia"-ს ფარგლებში, აცხადებს მიღებას შემდეგ ქალაქებში: თელავი, თბილისი, გორი, ახალციხე, ქუთაისი, ზუგდიდი, ბათუმი.

კანდიდატი უნდა აკმაყოფილებდეს შემდეგ მოთხოვნებს:

  • მეწარმეობის გამოცდილება ან ინტერესი განვითარდეს, როგორც მეწარმე
  • ასაკობრივი დიაპაზონი: 16-28 წელი. 


ახალგაზრდა მეწარმეთა სკოლაში შეისწავლით:

  • მეწარმისთვის საჭირო უნარებს და ინსტრუმენტებს;
  • როგორ ვაქციოთ ბიზნეს იდეა ბიზნეს მოდელად;
  • "ბიზნეს მოდელის ტილოს" შექმნას;
  • ბიზნეს პროექტის წერას;
  • ფინანსურ დაგეგმარებას.


მონაწილეთა შერჩევა მოხდება აპლიკაციებისა და გასაუბრების საფუძველზე. "მეწარმეობა ახალგაზრდებისთვის" ტრენინგ კურსი ორ თვიანია და მოიცავს 2 დონეს. პირველ დონეზე მონაწილენი გაივლიან ზოგად კურსს მეწარმეობაში, რომელიც ჩატარდება საქართველოს 7 რეგიონში, თუმცა მასში მონაწილეობის მიღება საქართველოში მცხოვრებ ყველა ახალგაზრდას შეეძლება. მეორე დონეზე მონაწილეები შეისწავლიან ბიზნეს იდეების გარდაქმნას ბიზნეს პროექტებად; ამ დონეზე მხოლოდ ის მონაწილეები იქნებიან გადაყვანილნი, რომელთაც ზუსტად აქვთ გადაწყვეტილი ბიზნეს პროექტის წერა და მისი პრაქტიკაში განხორციელება. მეორე დონის ტრენინგები ჩატარდება ქუთაისსა და თბილისში და მოიცავს რამოდენიმე დღიან ინტენსიურ კურსს ( მონაწილეების სამგზავრო და საცხოვრებელი ხარჯები მთლიანად დაიფარება პროგრამის მიერ). მე-2 დონის კურსდამთავრებულები მომზადებულ ბიზნეს გეგმებს წარადგენენ მისო "კრისტალის" შეფასების კომისიასთან; საუკეთესო ბიზნეს პროექტები შესაბამისად მიიღებენ თანადაფინასებას მისო "კრისტალისგან".

კურსის დამთავრების შემდეგ ყველა მონაწილეს გადაეცემა სერტიფიკატი. პროგრამის ფარგლებში დაგეგმილია 30 სტარტაპის თანადაფინანსება. 

დაინტერესებულმა პირებმა 2018 წლის 31 სექტემბრის ჩათვლით უნდა შეავსონ სააპლიკაციო ფორმა შემდეგ ბმულზე: სარეგისტრაციო ფორმა

შერჩეულ კანდიდატებს უშუალოდ პროგრამის წარმომადგენლები დაუკავშირდებიან. 
დამატებითი კითხვების შემთხვევაში დარეკეთ ცხელ ხაზზე: 32 2 02 20 20 ან გვეწვიეთ Facebook: ახალგაზრდა მეწარმეთა სკოლა.

პროგრამის შესახებ: პროგრამა "Yes-Georgia" ხორციელდება 2015 წლის სექტემბრიდან ფონდი "კრისტალის" მიერ, სს მისო "კრისტალთან" და "PH International"-თან ერთად, რომელთაც 2018 წელს შემოუერთდა "ჯუნიორ ეჩივმენტი" (JAG). პროგრამას ფინანსურ მხარდაჭერას უწევს ამერიკის შეერთებული შტატების საერთაშორისო განვითარების სააგენტო (USAID).

2016 წლიდან "ახალგაზრდა მეწარმეთა სკოლაში", რომელიც პროგრამა "YES-Georgia"-ს ფარგლებში შეიქმნა, 1 630 განაცხადი შემოვიდა. 418 ახალგაზრდა იქნა მიღებული სკოლაში, რომელიც 330-მა ახალგაზრდამ წარმატებით დაამთავრა. ბიზნეს პროექტები წარმოადგინა 138 კურსდამთავრებულმა, რომელთაგან 35-მა მიიღო თანადაფინანსება მისო "კრისტალისგან".

განთ. 11 სექტემბერი 10:32

ბოლო ვადა 31 ოქტომბერი 00:00

vip

ჟურნალისტური ნამუშევრების კონკურსი

ID 53636

საქართველოს ზრდასრულთა განათლების ქსელი აცხადებს კონკურსს საუკეთესო ჟურნალისტური ნამუშევრის გამოსავლენად, ზრდასრულთა განათლების თემაზე.

ზრდასრულთა განათლების კონკურსის მიზანია საზოგადოების ცნობიერების ამაღლება ზრდასრულთა განათლების (ფორმალური და არაფორმალური) შესახებ.

კონკურსში განსახილველად მიიღება, 2018 წლის იანვრიდან 2018 წლის 1 ნოემბრის ჩათვლით ტელე-რადიო სიუჟეტი ან რეპორტაჟი, ბეჭდვით, ელექტრონულ მედიაში გამოქვეყნებული პუბლიკაცია (სტატია, ესსე) ან ფოტო-რეპორტაჟი თემაზე: "საქართველოს განათლების რეალობა და პრობლემები".

კონკურსში გამარჯვებულისათვის საქართველოს ზრდასრულთა განათლების ქსელმა დააწესა ჯილდო - 1000 ლარი.

საკონკურსო მასალების მიღების ბოლო ვადაა 2018 წლის 2 ნოემბერი.

კონკურში მონაწილეობის მისაღებად თანდართული შევსებული სააპლიკაციო ფორმა და საკონკურსო მასალები მოგვაწოდეთ ელ-ფოსტის შემდეგ მისამართზე: [email protected]

საკონტაქტო პირი: თინათინ ხარშილაძე
საქართველოს ზრდასრულთა განათლების ქსელი ტელ: (+995) 32 2 22 25 84
ვებ-გვერდი: http://www.gaen.org.ge

საქართველოს ზრდასრულთა განათლების ქსელი 2014 წელს შეიქმნა. მისი მიზანია საქართველოში ზრდასრულთა განათლების პრინციპების პოპულარიზაცია, საზოგადოების ცნობიერების ამაღლება ზრდასრულთა განათლების მნიშვნელობის შესახებ ისეთი სისტემის შექმნის ხელშეწყობა, რომელიც პასუხობს ქვეყანაში არსებულ გამოწვევებს და უზრუნველყოფს განათლების თანაბარ ხელმისაწვდომობას საქართველოში მცხოვრები ნებისმიერი ზრდასრული ადამიანისთვის.

კონკურსი ტარდება გერმანიის სახალხო უნივერსიტეტთა ასოციაციის საერთაშორისო თანამშრომლობის ინსტიტუტის (DVV International) საქართველოს ფინანსური მხარდაჭერით.

განთ. 10 სექტემბერი 10:31

ბოლო ვადა 2 ნოემბერი 00:00

vip

სტაჟირება აშშ-ში საჯარო და არასამთავრობო სექტორში მომუშავე პირებისთვის

ID 53597

"საერთაშორისო განათლების ამერიკული საბჭოები" აცხადებს განაცხადების მიღებას პროფესიული პრაქტიკის პროგრამაზე.

პროგრამა განკუთვნილია 25-დან 35 წლამდე საჯარო ან არასამთავრობო სექტორში მომუშავე პირებისთვის და ითვალისწინებს 5-კვირიან სტაჟირებას ამერიკის საკანონმდებლო ორგანოებში. პროგრამა სრულად ფინანსდება ამერიკის სახელმწიფო დეპარტამენტის მიერ. 

პროგრამის მიზანია ფინალისტებმა გაიღრმავონ ცოდნა ამერიკის საკანონდებლო პროცესებზე, გააცნობიერონ საზოგადოების როლის და მოქალაქეთა პოლიტიკაში ჩართულობის მნიშვნელობა, დამყარდეს თანამშრომლური ურთიერთობა ამერიკულსა და უცხოურ ორგანიზაციებს შორის, ერთობლივი ძალებით შემუშავდეს საერთო პრობლემის პრაქტიკული გადაწყვეტა.

2019 წლის პროგრამის ქართველი ფინალისტები კონკურსის საფუძველზე შეირჩევიან.

მასში მონაწილეობის მისაღებად დაინტერესებულმა კანდიდატებმა უნდა შეავსონ ელექტრონული ანკეტა მისამართზე: https://ais.americancouncils.org/pfp

ნახევარფინალისტები შეირჩევიან ანკეტების საფუძველზე და მათ გასაუბრებები ჩაუტარდებათ ამერიკული საბჭოების თბილისის ოფისში. ფინალისტების შესახებ საბოლოო გადაწყვეტილებას დამოუკიდებელი კომისიის წევრები იღებენ ამერიკული საბჭოების ვაშინგტონის ოფისში.

პროგრამაში მონაწილეობის მისაღებად კანდიდატი უნდა აკმაყოფილებდეს შემდეგ პირობებს: 

  • უნდა ფლობდეს ინგლისურ ენას (ჰქონდეს Paper-Based TOEFL–ში 500–ზე, IBT–ში 60–ზე, IELTS 6–ზე მეტი ქულა ან გავლილი ჰქონდეს საუნივერსიტეტო დონის ინგლისურენოვანი პროგრამა არანაკლებ ერთი სემესტრისა); თუ კანდიდატი გახდება ნახევარფინალისტი და არ ექნება ზემოთხსენებული საბუთ(ებ)ი, ამერიკული საბჭოები მას თავად ჩაუტარებს TOEFL–ს
  • უნდა ჰქონდეს მინიმუმ ბაკალავრის ხარისხი;
  • უნდა ჰქონდეს საჯარო სექტორში ან არაკომერციულ სექტორში მუშაობის გამოცდილება (მაგ., საკანონმდებლო, აღმასრულებელი, ან არასამთავრობო სექტორი);
  • უნდა ჰქონდეს სურვილი მომავალშიც იმუშაოს საჯარო სექტორში;
  • უნდა ავლენდეს ლიდერულ და ურთიერთთანამშრომლობის უნარებს. 

პროგრამაში 2019 წლის გაზაფხულზე მონაწილეობის მისაღებად განაცხადის შეტანის ბოლო ვადაა 2018 წლის 5 ნოემბერი. პროგრამის სავარაუდო პერიოდია 2019 წლის აპრილი-მაისი. 

დამატებითი ინფორმაციისთვის დაგვიკავშირდით: საერთაშორისო განათლების ამერიკული საბჭოები ჭავჭავაძის 35ა; თბილისი 0162. ტელ: (995 32) 229-21-06, 229-132-72, 2291-32-52 ელ. ფოსტა: [email protected] და [email protected] ვებ საიტი: http://professionalfellows.americancouncils.org/ 

განთ. 8 სექტემბერი 11:10

ბოლო ვადა 5 ნოემბერი 00:00

vip

დემოკრატიის სკოლის პროგრამა პანკისის მოსახლეობისთვის

ID 53567

აღმოსავლეთ ევროპის ცენტრი მრავალპარტიული დემოკრატიისათვის იწყებს აპლიკაციების მიღებას პანკისის დემოკრატიის სკოლაში.  თუ ხარ სტუდენტი, სამოქალაქო საზოგადოების ორგანიზაციის წარმომადგენელი, საჯარო მოხელე, ჟურნალისტი, პოლიტიკური პარტიის წევრი, ან უბრალოდ, პოლიტიკით დაინტერესებული აქტიური ადამიანი, მაშინ ეს სკოლა შენთვისაა!

დემოკრატიის სკოლა წარმოადგენს ინტენსიურ საგანმანათლებლო პროგრამას, რომელიც განკუთვნილია ადგილობრივი თვითმმართველობის, არასამთავრობო სექტორის, მედიის, პოლიტიკური პარტიების, აკადემიური წრეების წარმომადგენლების, წარმატებული სტუდენტებისა და თანამედროვე დემოკრატიის საკითხებით დაინტერესებული აქტიური მოქალაქეებისთვის 18 წლიდან. ჩვენი პოლიტიკური განათლების ცენტრები 2011 წლიდან საქართველოს ოთხ ქალაქში ფუნქციონირებს ბათუმი, ქუთაისი, გორი და თელავი, რომელთაც წელს თბილისის და პანკისის დემოკრატიის სკოლაც შეემატება. პანკისის დემოკრატიის სკოლა განახლებულ სასწავლო მოდულს მოიცავს და პროგრამის ფარგლებში დაგეგმილია სასწავლო ვიზიტები, ტრენინგები პანკისში და სხვა დამატებითი აქტივობები.

პანკისის ხეობაში მცხოვრები პირების გარდა, აპლიკაციების გამოგზავნაა შეუძლიათ მსურველებს კახეთის რეგიონიდან.

დემოკრატიის სკოლის პროგრამა უფასოა. მსმენელად შერჩევისთვის აუცილებელი პირობაა სკოლის სრულ პროგრამაზე დასწრება, რაც მოიცავს 5–საათიან ტრენინგებს კვირაში ორჯერ 2018 წლის ოქტომბრიდან 2019 წლის თებერვლის ჩათვლით. ტრენინგების ძირითადი ნაწილი ჩატარდება თელავის დემოკრატიის სკოლაში სამშაბათს და ოთხშაბათს 12:00 – 17:00 საათებში.

მეტი ინფორმაციისთვის EECMD-ის და/ან დემოკრატიის სკოლების შესახებ ეწვიეთ ვებ-გვერდს: https://goo.gl/xDaQJy

მონაწილეობის მსურველებმა უნდა შეავსონ აპლიკაციის ფორმა 2018 წლის 23 სექტემბრის ჩათვლით. შერჩეულ კანდიდატებთან ჩატარდება გასაუბრება.

განთ. 7 სექტემბერი 15:52

ბოლო ვადა 23 სექტემბერი 00:00

vip

ინგლისური ენის შესწავლის ხელმისაწვდომობის სასტიპენდიო პროგრამა

ID 53556

„დემოკრატიული ჩართულობის ცენტრების ქსელი“ თელავის წარმომადგენლობა და ამერიკული ორგანიზაცია PH International-ი ამერიკის შეერთებული შტატების სახელმწიფო დეპარტამენტის დაფინანსებით იწყებს „ინგლისური ენის შესწავლის ხელმისაწვდომობის სასტიპენდიო პროგრამას“ (English Access Microscholarship Program).

პროგრამა მიზნად ისახავს ხელმისაწვდომი გახადოს ინგლისური ენის შესწავლა მოზარდებისთვის სოციალურად დაუცველი და ეკონომიკურად შეჭირვებული ოჯახებიდან. გარდა იმისა, რომ ბავშვები შეისწავლიან ინგლისურ ენას, ისინი, ასევე ეზიარებიან ამერიკულ კულტურასა და წეს-ჩვეულებებს და განავითარებენ ლიდერის თვისებებს.

პროგრამა განკუთვნილია 14-18 წლამდე მოზარდებისთვის სოციალურად დაუცველი და შეჭირვებული ოჯახებიდან და ხორციელდება საქართველოს რეგიონებში, 18 სხვადასხვა ადგილზე: ქუთაისში, ფოთში, ამბროლაურში, ჯოყოლო/დუისში, თელავში, ბათუმში, მესტიაში, გორში, ყაზბეგში, ზუგდიდში, ახალქალაქში, ნინოწმინდაში, მარნეულში, დუშეთში, საგარეჯოში, რუსთავში, ახალციხესა და ოზურგეთში.

თითოეულ ქალაქში შეირჩევა პროგრამის მონაწილე 25 მოსწავლე. შერჩეული 25 მოსწავლე გადანაწილდება 2 ჯგუფში წინასწარი ტესტირების საფუძველზე, ისე, რომ თითოეულ ჯგუფში მოსწავლეთა რაოდენობა არ აღემატებოდეს 13-ს. პროგრამის მონაწილეებს ჩაუტარდებათ ინგლისურის სამი ორსაათიანი გაკვეთილი კვირის განმავლობაში. გაკვეთილი ჩატარდება არასასკოლო საათებში.

შევსებული აპლიკაცია უნდა მოიტანოთ „დემოკრატიული ჩართულობს ცენტრების ქსელის“ თელავის ოფისში არაუგვიანეს 2018 წლის 7 ოქტომბრისა მისამართზე: ქ. თელავი, ვაჟა-ფშაველას ქ. #3 (მერიის შენობის უკან).

აპლიკაციის შევსების ინსტრუქცია იხილეთ თანდართულ ფაილში.

 

დამატებითი ინფორმაციისთვის დაგვიკავშირდით: 

“დემოკრატიული ჩართულობის ცენტრების ქსელი“ თელავის წარმომადგენლობა,

ინგლისური ენის შესწავლის სასტიპენდიო პროგრამა

თელავი; ვაჟა-ფშაველას ქუჩა # 3

ტელ: (995) 350 27 19 07

მობ :  (995) 599 18 81 23

სამუშაო საათები: 10-დან 19 საათამდე

 

საკონტაქტო პირი: ლია იმერლიშვილი

საკონტაქტო პირის el.fosta: [email protected]

განთ. 7 სექტემბერი 14:10

ბოლო ვადა 7 ოქტომბერი 00:00

vip

კონკურსი ორგანიზაციებისთვის - მშვიდობის კორპუსის მოხალისე

ID 53434

"მშვიდობის კორპუსი" აცხადებს კონკურსს ორგანიზაციებისთვის - მშვიდობის კორპუსის მოხალისე.

განაცხადის შემოტანის საბოლოო ვადა: 16 ოქტომბერი, 2018 წ.

იხილეთ ამ განცხადების სრული ტექსტი თანდართული ფაილის სახით.

განთ. 7 სექტემბერი 13:42

ბოლო ვადა 16 ოქტომბერი 00:00

vip

სასტიპენდიო პროგრამა სადოქტორო, პოსტ-სადოქტორო და სამეცნიერო-კვლევისთვის

ID 53491

შვეიცარიის მთავრობის სტიპენდიები (Swiss Government Excellence Scholarships) საქართველოში მცხოვრებ შვეიცარიაში სწავლით დაინტერესებულ სტუდენტებს შესაძლებლობას აძლევს, მოიპოვონ სტიპენდიები სადოქტორო, პოსტ-სადოქტორო და სამეცნიერო-კვლევით საფეხურებზე 2019-2020 სასწავლო წლისათვის. 

სასტიპენდიო პროგრამასთან დაკავშირებული დეტალური ინფორმაცია შეგიძლიათ იხილოთ თანდართულ ფაილებში ან დაუკავშირდეთ შვეიცარიის საელჩოს საქართველოში.

განაცხადის წარდგენის ბოლო ვადად განსაზღვრულია 2018 წლის 23 ნოემბერი.

დამატებითი ინფორმაცია პროგრამის შესახებ იხილეთ დანართში.

 

შვეიცარიის საელჩო საქართველოში

თბილისი, კრწანისის ქუჩა N11, 0114

[email protected]

032 2 75 30 01

www.eda.admin.ch/tbilisi

განთ. 6 სექტემბერი 11:43

ბოლო ვადა 23 ნოემბერი 00:00

vip

ჩეხეთის მთავრობის სასტიპენდიო პროგრამა 2019-2020 სასწავლო წლისათვის

ID 53490

ჩეხეთის მთავრობის სასტიპენდიო პროგრამის ფარგლებში გამოცხადდა მიღება სამაგისტრო და სადოქტორო პროგრამებზე 2019-20 სასწავლო წლისათვის შემდეგი მიმართულებებით: ეკონომიკა, სოფლის მეურნეობა, ინფორმატიკა, გარემო და ენერგეტიკა.

სტიპენდიების მოპოვება შესაძლებელია როგორც ჩეხურენოვანი, ისე ინგლისურენოვანი სრული სამაგისტრო და სადოქტორო პროგრამებისათვის.

განაცხადის წარდგენის ბოლო ვადა არის 2018 წლის 30 სექტემბერი.

დამატებითი ინფორმაციისათვის იხილეთ ბმული.

განთ. 6 სექტემბერი 11:38

ბოლო ვადა 30 სექტემბერი 00:00

vip

გაცვლითი პროგრამა მკვლევართათვის აშშ–ში

ID 53489

გამოცხადდა ამერიკის ინსტიტუტების შესწავლის გაცვლითი პროგრამა მკვლევართათვის, ეროვნული უსაფრთხოების პოლიტიკის შესახებ.

ამერიკის ინსტიტუტების შესწავლის გაცვლითი პროგრამის მიზანია 18 შერჩეული მეცნიერისთვის აშშ - ს ეროვნული უსაფრთხოების პოლიტიკის საფუძვლების გაღრმავება. ინსტიტუტი ყურადღებას გაამახვილებს აშშ-ს საგარეო და ნაციონალური უსაფრთხოების პოლიტიკის ჩამოყალიბებაზე და ამ პოლიტიკის ჩამოყალიბებაში ფედერალური მთავრობის, აზროვნების, მედიისა და საზოგადოებრივი აზრის როლზე. 

გაცვლითი პროგრამა განხორციელდება 2019 წლის 3 იანვრიდან 15 თებერვლის ჩათვლით, დელავერის უნივერსიტეტში, ნიუ-იორკის, დელავერში.

პროგრამა ფარავს პროექტით გათვალისწინებულ ყველა ხარჯს (მგზავრობა, დაბინავება, ვიზა, ჯანმრთელობის დაზღვევა, ყოველდღიური ხარჯები და ა.შ.)

მონაწილეობის მიღება შეუძლიათ 30-50 ასაკის მოტივირებულ გამოცდილ და პროფესიონალ მკვლევარებს.

დაინტერესებულმა პირებმა შევსებული სააპლიკაციო ფორმა (იხ. თანდართული ფაილის სახით) უნდა გაგზავნონ ელ-ფოსტის შემდეგ მისამართზე: [email protected] 2018 წლის 28 სექტემბრის ჩათვლით, 6:00 სთ თბილისის დროით.

განთ. 6 სექტემბერი 11:28

ბოლო ვადა 28 სექტემბერი 00:00

vip

ევროკავშირის პრიზი ჟურნალისტიკაში 2018

ID 53352

საქართველოში ევროკავშირის წარმომადგენლობა და ევროკავშირის სადამკვირვებლო მისია  აცხადებენ 2018 წლის კონკურსს „ევროკავშირის პრიზი ჟურნალისტიკაში“, რომელიც პროფესიული და ეთიკური ჟურნალისტიკის მხარდაჭერას ისახავს მიზნად.

2012 წელს დაარსებული კონკურსი წელს 7 კატეგორიაში გასცემს პრიზებს.

კონკურსში მონაწილეობის მისაღებად წარმოდგენილი უნდა იყოს ნაშრომები, რომლებიც 2017 წლის 2 ნოემბრიდან 2018 წლის 15 ოქტომბრის ჩათვლით გამოქვეყნდა.

საპრიზო კატეგორიებია:

  • ​სტატია ბეჭდურ ან ელექტრონულ მედიაში;
  • სიუჟეტი სამაუწყებლო ან ელექტრონულ მედიაში;
  • საგამოძიებო სტატია ან სიუჟეტი ბეჭდურ ან ელექტრონულ მედიაში;
  • ბლოგი/თვალსაზრისი /სვეტი ბეჭდურ, ელექტრონულ ან სამაუწყებლო  მედიაში;
  • ორიგინალური და ინოვაციური ნაშრომი ბეჭდურ,  ელექტრონულ ან  სამაუწყებლო მედიაში;
  • დოკუმენტური ფოტო, რომელიც ევროკავშირის ფასეულობებს (ადამიანის უფლებები, მათ შორის უმცირესობათა უფლებები, სოციალური სამართლიანობა, ადამიანის ღირსების პატივისცემა, სიტყვის თავისუფლება, დემოკრატია, თანასწორობა და კანონის უზენაესობა) ასახავს და გამოქვეყნებულია ბეჭდურ ან ელექტრონულ მედიაში;
  • კონფლიქტების მიმართ სენსიტიური საუკეთესო ჟურნალისტური ნაშრომი, რომელიც ხელს უწყობს საქართველოში მომხდარი სამხედრო კონფლიქტების მხარეებს შორის ნდობისა და მშვიდობის აღდგენას, ეყრდნობა ჟურნალისტური ეთიკისა და პროფესიონალიზმის მაღალ სტანდარტებს (ევროკავშირის სადამკვირვებლო მისიის სპეციალური პრიზი სამშვიდობო ჟურნალისტიკაში).

პირველ ექვს კატეგორიაში გამარჯვებულები 1,250 ევროს მიიღებენ. ევროკავშირის სადამკვირვებლო მისიის პრიზი მშვიდობის ჟურნალისტიკაში კი ითვალისწინებს ლონდონში, ,,ომისა და მშვიდობის გაშუქების ინსტიტუტში“ ერთთვიან სტაჟირებას.

საკონკურსო ნამუშევრების წარდგენის ბოლო ვადაა 2018 წლის 15 ოქტომბერი.

კონკურსის წესების შესახებ დაწვრილებით იხილეთ  „ევროკავშირის პრიზის“ ვებგვერდზე.

 

განთ. 3 სექტემბერი 16:47

ბოლო ვადა 16 ოქტომბერი 00:00

vip

მედიის პრიზი 2018

ID 52546

კონკურსში „ADAMI მედიის პრიზი აღმოსავლეთ ევროპაში კულტურული მრავალფეროვნებისთვის -2018“ განაცხადების მიღება დაიწყო. პრიზი განკუთვნილია საუკეთესო სატელევიზიო, კინო და ონლაინ პროგრამებისთვის, რომლებიც ეხება მიგრაციის, ინტეგრაციის, ასევე ეთნიკური, რელიგიური თუ კულტურული მრავალფეროვნების საკითხებს.

კონკურსში მონაწილეობა შეუძლიათ სამაუწყებლო კომპანიებს, მედია პროფესიონალებს, ჟურნალისტებს, პროდიუსერებსა და რეჟისორებს, რომლებიც აზერბაიჯანში, ბელარუსში, მოლდოვში, საქართველოში, სომხეთსა და უკრაინაში მოღვაწეობენ.

„ADAMI მედიის პრიზი“ ექვს ნომინაციაში გაიცემა და გამარჯვებულები 2 ათასი ევროთი დაჯილდოვდებიან. ხოლო კონკურსანტებს, რომლებიც ფლობენ რუსულ, ინგლისურ ან ფრანგულ ენებს შესაძლებლობა აქვთ ADAMI-ის სტიპენდია მოიპოვონ და სტაჟირება გაიარონ ევროპულ მედია ორგანიზაციებში.

„ADAMI მედიის პრიზის“ ნომინაციებია: გასართობი პროგრამები (მხატვრული); ინფორმაცია (არამხატვრული); ახალი ამბები და მოკლემეტრაჟიანი არამხატვრული ფილმები; „ახალგაზრდა ადამი“; ADAMI პრიზი ვებ-გვერდებისთვის; ADAMI პრიზი ინტერნეტვიდეოებისთვის.

2018 წლის ოქტომბერში, ქალაქ მინსკში საერთაშორისო ჟიური ნომინანტებს შეარჩევს, ხოლო დაჯილდოების ცერემონიალი ნოემბერში, მოლდოვის ქალაქ კიშინიოვში გაიმართება.

განაცხადების წარდგენის ბოლო ვადებია: 2018 წლის 1 ივლისი (11/10/2016 – 31/12/2017 პერიოდში გამოქვეყნებული მასალებისთვის); 2018 წლის 1 ოქტომბერი (01/01/2018 – 01/10/2018 პერიოდში გამოქვეყნებული მასალებისთვის).

„ADAMI მედიის პრიზი“, რომელიც 2015 წელს დაარსდა, დაფინანსებულია გერმანიის საგარეო საქმეთა სამინისტროსა და „პროკრედიტ ჰოლდინგის“ მიერ.

განთ. 13 აგვისტო 14:23

ბოლო ვადა 2 ოქტომბერი 14:23