ID 1004
საგრანტო კონკურსი სახელმწიფო გრანტების მონიტორინგისთვის

კონტაქტი

CSI

დეტალური ინფორმაცია

საქართველო

თანდართული ფაილი: csi-smallgrants.zip

კომენტარი

 "სამოქალაქო საზოგადოების ინსტიტუტი" აცხადებს მცირე გრანტების კონკურსს სახელმწიფო გრანტების მონიტორინგისთვის. საგრანტო კონკურსი ცხადდება ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს მიერ დაფინანსებული პროექტის - "სამოქალაქო საზოგადოების განვითარების ინიციატივა" ფარგლებში. 

პროექტის მიზანია საქართველოში სამოქალაქო საზოგადოების ორგანიზაციების სამუშაო გარემოს გაუმჯობესება, ორგანიზაციების გაძლიერება, საზოგადოების მიმართ მათი ანგარიშვალდებულებისა და გამჭვირვალობის გაზრდა და კავშირების გამყარება სხვა აქტორებთან.

პროექტის ამოცანებია:

  • სამოქალაქო საზოგადოების ორგანიზაციების ფინანსური მდგრადობის გაზრდა, დაფინანსების წყაროების გამრავალფეროვნებით, მათ შორის სახელმწიფოსა და კერძო სექტორის მონაწილეობით, ხელსაყრელი საგადასახადო გარემოს შექმნით, ასევე მოხალისეობის ხელშეწყობით; 
  • სამოქალაქო საზოგადოების ორგანიზაციების შესაძლებლობების, ანგარიშვალდებულებისა და სანდოობის გაზრდა, რათა მათ უკეთ წარმოადგინონ ფართო საზოგადოების პოლიტიკური, ეკონომიკური, სოციალური და კულტურული უფლებები;
  • სამოქალაქო საზოგადოების ორგანიზაციების მედიასთან, ბიზნესთან და ადგილობრივ ხელისუფლებასთან უფრო აქტიური თანამშრომლობით სამოქალაქო ჩართულობის გაზრდა რეგიონებში;
  • სამოქალაქო საზოგადოების აქტორების როლის გაძლიერება პოლიტიკის დიალოგის პროცესში, განსაკუთრებით ევროკავშირთან ასოცირების ხელშეკრულების განხორციელებისას.

განაცხადების მიღების ბოლო ვადაა 2018 წლის 24 სექტემბერი, 18:00 სთ.

საგრანტო კონკურსის შესახებ დამატებითი ინფორმაციის მისაღებად იხილეთ თანდართული ფაილი.

პროექტს "სამოქალაქო საზოგადოების ინსტიტუტი" (CSI) ახორციელებს, "კონრად ადენაუერის ფონდის" (KAS) ხელმძღვანელობით არსებულ კონსორციუმთან ერთად. კონსორციუმში ასევე შედიან "საქართველოს სტრატეგიული კვლევებისა და განვითარების ცენტრი" (CSRDG), "კონსულტაციისა და ტრენინგის ცენტრი" (CTC) და "განათლების განვითარების და დასაქმების ცენტრი" (EDEC).

მსგავსი განცხადებები