ID 861
საგრანტო კონკურსი სამოქალაქო საზოგადოების ორგანიზაციებისთვის

კონტაქტი

ევროპის ფონდი

დეტალური ინფორმაცია

საქართველო

თანდართული ფაილი: epfound-grants.zip

კომენტარი

ევროპის ფონდი იწვევს საქართველოში რეგისტრირებულ და მოქმედ სამოქალაქო საზოგადოების ორგანიზაციებს (სსო), 2017 წლის 18 ივლისიდან 30 სექტემბრის ჩათვლით წარმოადგინონ წინასწარი ან სრული საპროექტო განაცხადი ფონდის ღია კარის საგრანტო პროგრამის გრანტის მისაღებად. 

ევროპის ფონდის ღია კარის საგრანტო პროგრამის მიზანია ხელი შეუწყოს ადგილობრივ სამოქალაქო საზოგადოების ორგანიზაციებს, საგრანტო პროექტების მეშვეობით გამოავლინონ საზოგადოების წინაშე მდგომი მწვავე პრობლემები და მოიძიონ მათი გადაჭრის ინოვაციური გზები.

ღია კარის პროგრამა ღიაა ყველა ტიპის საზოგადოებრივი ორგანიზაციისა და მათი პროექტისათვის, რომელიც ხელს უწყობს სამოქალაქო ჩართულობის გაძლიერებას და ამავდროულად, აქვს განვრცობის, რეპლიკაციის და მდგრადობის პოტენციალი.

საგრანტო კონკურსში მონაწილეობისთვის განაცხადების წარდგენის ბოლო ვადაა 2017 წლის 30 სექტემბერი.

ევროპის ფონდი ხელს უწყობს ეთნიკური, რელიგიური, ენობრივი და სექსუალური უმცირესობების ჩართულობას ქვეყნის სოციალურ და ეკონომიკურ ცხოვრებაში. ფონდი მოუწოდებს აპლიკანტ ორგანიზაციებს პროექტის შემუშავებისას გაითვალისწინონ უმცირესობებთან დაკავშირებული საკითხები და ის შესაძლო ზეგავლენა, რაც პროექტს უმცირესობების სხვადასხვა ჯგუფების წარმომადგენლებზე შეიძლება ჰქონდეს.

განმცხადებლებმა ევროპის ფონდში წინასწარი ან სრული საპროექტო განაცხადი უნდა წარადგინონ ელექტრონული ფოსტის შემდეგ მისამართზე: mkhositashvili@epfound.ge (გთხოვთ, წერილის სათაურის ველში მიუთითოთ: Open Door Grantmaking)

ევროპის ფონდის მისამართი: კავსაძის ქ. 3, მე-2 სართული. ტელ/ფაქსი: (+995 32) 225 39 42/43. საკონტაქტო პირი: ნანა გამყრელიძე, პროგრამის მენეჯერი ngamkrelidze@epfound.ge.

საგრანტო პროგრამის შესახებ დამატებითი ინფორმაციის მისაღებად იხილეთ თანდართული ფაილი.

ევროპის ფონდი 2008 წლის თებერვალიდან ფუნქციონირებს, როგორც ადგილობრივი არასამთავრობო ორგანიზაცია. ევროპის ფონდი ევრაზიის ფონდის ქსელის წევრია, რომელიც აღმოსავლეთ ევროპაში, სამხრეთ კავკასიაში, რუსეთში, ცენტრალურ აზიასა და ამერიკის შეერთებულ შტატებში მოქმედ თერთმეტ დამოუკიდებელ ორგანიზაციას აერთიანებს.