ID 880
საგრანტო კონკურსი კრეატიული და ინოვაციური სასკოლო ინიციატივების მხარდასაჭერად 1500 ლარი

კონტაქტი

PH International

დეტალური ინფორმაცია

საქართველო

კომენტარი

ორგანიზაცია PH International საქართველო, ორგანიზაციასთან „მაკლეინის ასოციაცია ბავშვებისათვის“ (MAC Georgia) ერთად აცხადებს მცირე საგრანტო კონკურსს სკოლებისათვის. კონკურსი ტარდება სამოქალაქო განათლების პროგრამის „მომავლის თაობა“ მხარდაჭერით, რომელსაც ახორციელებს PH International საქართველო აშშ საერთაშორისო განვითარების სააგენტოს დაფინანსებით.

საგრანტო კონკურსი ხელს შეუწყობს ისეთი კრეატიული და ინოვაციური სასკოლო ინიციატივების დაფინანსებას, რომლებიც გაზრდის საზოგადოების ცნობიერებას და გააუმჯობესებს შშმ პირთა მიმართ დამოკიდებულებას. პროექტის განხორციელებისას მნიშვნელოვანია, რომ სკოლა გახდეს ცენტრი, რომელიც შშმ პირებს სხვადასხვა სერვისებს შესთავაზებს, მიაწვდის საგანმანათლებლო პროგრამებს, რითაც ხელს შეუწყობს შშმ პირთა აქტიურ ჩართულობას სკოლისა თუ საზოგადოებრივ ცხოვრებაში, შექმნის ისეთ გარემოს, სადაც შესაძლებელი გახდება მოსწავლეებთან, მშობლებთან, ადგილობრივ მუნიციპალიტეტებთან, არასამთავრობო ორგანიზაციებთან, მედიასა და ბიზნეს სექტორთან თანამშრომლობით ამ კატეგორიის ადამინთა შესაძლებლობების გამოვლენა, საჭირო უნარ-ჩვევების განვითარება და მათი მაქსიმალური ინტეგრაცია საზოგადოებაში.

საგრანტო კონკურსში მონაწილეობის მიღება შეუძლიათ საჯარო და კერძო სკოლებს საქართველოს მასშტაბით. განაცხადი უნდა შეავსოს პროექტის განმახორციელებელი გუნდის ლიდერმა, რომელიც შეიძლება იყოს სკოლის ადმინსიტრაციის წარმომადგენელი, სკოლის პედაგოგი, მოსწავლე ან მშობელი. გუნდის ლიდერი იქნება პასუხისმგებელი პროექტის მართვაზე, თუმცა პროექტის განხორციელებაში აუცილებელია აქტიურად იყოს ჩართული პროექტის გუნდის სხვა წევრებიც.

გრანტით დაფინანსდება პროექტები, რომლის ღირებულება არ აღემატება 1500 ლარს. გრანტების კონკურსის ფარგლებში არ დაფინანსდება ხელფასები და ჰონორარები. მხოლოდ გამონაკლის შემთხვევებში იქნება შესაძლებელი მოწვეული სპეციალისტების ჰონორარების დაფინანსება. 

კონსულტაცია საგრანტო კონკურსთან დაკავშირებით გაიმართება ონლაინ, ხუთშაბათს, 28 სექტემბერს, 4:00 საათზე, შემდეგ მისამართზე: https://www.facebook.com/civicinitiatives

განაცხადების წარდგენის ბოლო ვადაა 2017 წლის 20 ოქტომბერი.

საგრანტო კონკურსის შესახებ დამატებითი ინფორმაციის მისაღებად დამატებით ინფორმაციის მისაღებად იხილეთ ვებგვერდი.

საგრანტო კონკურსთან დაკავშირებული კონსტულტაციებისთვის ასევე შეგიძლიათ მოგვმართოთ შემდეგ ტელეფონის ნომრებზე:

ოფისი: +995 (32) 2990049; 2233338

მობილური: +995 599 188 775