ID 886
საგრანტო კონკურსი სოციალური საწარმოს შექმნის მსურველთათვის 20000 ლარი

კონტაქტი

ევროპის ფონდი

დეტალური ინფორმაცია

საქართველო

თანდართული ფაილი: epfound.zip

კომენტარი

ევროპის ფონდი იწვევს სამოქალაქო საზოგადოების ორგანიზაციებს სოციალური მეწარმეობის პროგრამის ფარგლებში გამოცხადებულ საგრანტო კონკურსში მონაწილეობის მისაღებად.

საგრანტო კონკურსის მიზანია, სამოქალაქო საზოგადოების ორგანიზაციების ფინანსური მდგრადობის ხელშეწყობის მიზნით, მხარი დაუჭიროს ახალი სოციალური საწარმოების ჩამოყალიბებას და არსებული სოციალური საწარმოების განვითარებას.

საგრანტო კონკურსში მონაწილეობა შეუძლიათ: სოციალური საწარმოს შექმნით დაინტერესებულ, საქართველოში რეგისტრირებულ სამოქალაქო საზოგადოების ორგანიზაციებს; არსებული სოციალური საწარმოს განვითარებით დაინტერესებულ, საქართველოში რეგისტრირებულ სამოქალაქო საზოგადოების ორგანიზაციებს.

განაცხადების წარდგენის ვადაა 2017 წლის 26 ოქტომბერი, 17:00.

სოციალური საწარმოს ჩამოყალიბებით ან არსებული სოციალური საწარმოს გაუმჯობესებით დაინტერესებული სამოქალაქო საზოგადოების ორგანიზაციების მიერ წარმოდგენილი პროექტის საერთო ბიუჯეტი არ უნდა აღემატებოდეს 20,000 ლარს.

განმცხადებლებმა ევროპის ფონდში სრული საპროექტო განაცხადი უნდა წარადგინონ არაუგვიანეს 2017 წლის 26 ოქტომბრის 17:00 საათისა, ელექტრონული ფოსტის შემდეგ მისამართზე: tlagurashvili@epfound.ge (გთხოვთ, წერილის სათაურის ველში მიუთითოთ: SE Grant Competition).

საგრანტო კონკურსის შესახებ დამატებითი ინფორმაციის მისაღებად იხილეთ თანდართული ფაილი.