ID 888
კონკურსი რეგიონული ტელევიზიებისთვის

კონტაქტი

აირექსი

დეტალური ინფორმაცია

საქართველო

თანდართული ფაილი: irex-gmpp.zip

კომენტარი

IREX-ი აცხადებს ღია კონკურსს ტელევიზიებისთვის, რომლებიც დედაქალაქის ფარგლებს გარედან მაუწყებლობენ, საქართველოს მედია პარტნიორობის პროგრამაში (GMPP) მონაწილეობის მისაღებად 2018-19 წწ.

კონკურსის შედეგად პროგრამაში მონაწილეობის მისაღებად შეირჩევა რეგიონში ბაზირებული 2 ქართული ტელემაუწყებელი. პარტნიორობის მიზანია ხელი შეუწყოს ქართული მაუწყებლების, როგორც ნიუს ორგანიზაცი(ებ)ისა და მდგრადი ბიზნესების განვითარებას.

2019 წლის მარტამდე, თითოეული შერჩეული ტელევიზიის 5 თანამშრომელს შესაძლებლობა ექნება აშშ-ში გაიაროს ერთკვირიანი სტაჟირება, რომელიც მოიცავს ამერიკელი კოლეგების მუშაობაზე უშუალო დაკვირვებას, მათი გამოცდილების გაზიარებასა და ტექნიკურ კონსულტაციებს. ვიზიტების მონაწილეთა კანდიდატურები შეირჩევა ამერიკელი მონაწილეების დახმარებით, მაუწყებლის ხელმძღვანელობასთან შეთანხმებით. 

IREX-ი აქტიურად იმუშავებს გამარჯვებულ მაუწყებლებთან რათა გაცვლითი ვიზიტების მონაწილეებმა მიღებული გამოცდილება გაუზიარონ როგორც თანამშრომლებს, ასევე სხვა კოლეგებს.

IREX-ი ეძებს ისეთ ადგილობრივ ტელემაუწყებლებს, რომლებიც მზად არიან პროგრამაში მონაწილეობას მიუდგნენ სრული პასუხისმგებლობით, ძალისხმევითა და გამჭვირვალობით. შერჩეული მაუწყებლები ვალდებული იქნებიან უზრუნველყონ რეგულარული და ღია ორმხრივი კომუნიკაცია IREX-თან და იყონ მამოძრავებელი ძალა ამერიკულ პარტნიორ მედია საშუალებასთან თანამშრომლობის პროცესში, რათა მიაღწიონ რეალურ პროგრესს.

კონკურსში მონაწილეობის მისაღებად არ არის საჭირო ინგლისური ენის ცოდნა. IREX-ი უზრუნველყოფს თარჯიმნების მომსახურებას როგორც აშშ-ში სტაჟირების, ასევე ამერიკელი პარტნიორების საქართველოში ვიზიტების დროს. 

განაცხადის შემოტანის ბოლო ვადაა 2017 წლის 30 ოქტომბერი, 12:00 სთ. ღია კარის დღე ჩატარდება სამშაბათს, 17 ოქტომბერს 12 საათზე.

კონკურსის შესახებ დამატებითი ინფორმაცია იხილეთ თანდართული ფაილის სახით.

IREX-ი ვაშინგტონში, კოლუმბიის ოლქში ბაზირებული, საერთაშორისო არაკომერციული ორგანიზაციაა, რომელიც 1968 წელს დაარსდა. ჩვენი მისიაა უფრო სამართლიანი, წარმატებული და ინკლუზიური სამყაროს შექმნა, ახალგაზრდების მხარდაჭერით, ლიდერების წახალისებით, ინსტიტუციების ხელშეწყობითა და ხარისხიან განათლებასა და ინფორმაციაზე ხელმისაწვდომობის გაზრდით. საქართველოში IREX-ი 1994 წლიდან მუშაობს.