ID 891
საგრანტო კონკურსი სათემო ორგანიზაციების გასაძლიერებლად 15000 ლარი

კონტაქტი

ევროპის ფონდი

დეტალური ინფორმაცია

საქართველო

თანდართული ფაილი: epfound-smallgrant.zip

კომენტარი

"ევროპის ფონდი" აცხადებს საგრანტო კონკურსს საქართველოში ახლად რეგისტრირებული სამოქალაქო საზოგადოების ორგანიზაციებსთვის. 

კონკურსი მიზნად ისახავს ახლად დაარსებული სათემო ორგანიზაციების ინსტიტუციურ გაძლიერებასა და ადგილობრივ დონეზე გადაწყვეტილების მიღების პროცესში მათი მონაწილეობის ხელშეწყობას, აქტუალური სათემო პრობლემების გამოვლენისა და მოგვარების მიზნით.

საკონკურსო პროექტებისთვის გათვალისწინებული საგრანტო თანხის მაქსიმალური ოდენობა შეადგენს 15,000 ლარს თითოეულ პროექტზე. პროექტით გათვალისწინებული აქტივობების ხანგრძლივობა არანაკლებ 8 თვეს უნდა შეადგენდეს.

კონკურსში მონაწილეობა შეუძლიათ საქართველოში რეგისტრირებულ, ახლად დაარსებულ, არამომგებიან, არაკომერციულ სსო-ებს, რომლებსაც მინიმუმ ერთწლიანი სამუშაო გამოცდილება აქვთ. კონკურსში მონაწილეობის უფლება არ აქვთ პოლიტიკურ პარტიებსა და ორგანიზაციებს, რომლებსაც პროექტის მიზნებსა და ამოცანებთან ნებისმიერი სახის ინტერესთა შეუთავსებლობა აქვთ.

განმცხადებლებმა ევროპის ფონდში სრული საპროექტო განაცხადი უნდა წარადგინონ არაუგვიანეს 2017 წლის 15 დეკემბრის 17:00 საათისა, ელექტრონული ფოსტის შემდეგ მისამართზე: [email protected] (გთხოვთ, წერილის სათაურის ველში მიუთითეთ: EMC Small Grant Competition).

საკონტაქტო ინფორმაცია
ევროპის ფონდი, თბილისი, კავსაძის ქ. 3, მე-2 სართული, ტელ.: 225 39 42/43. საკონტაქტო პირი: ნათია მელაძე, პროგრამის მენეჯერი ([email protected]).