ID 904
კინოგანათლების დაფინანსების კონკურსი 2018

კონტაქტი

შემოქმედებითი ევროპა

დეტალური ინფორმაცია

საქართველო

კომენტარი

გამოცხადდა კინოგანათლების დაფინანსების კონკურსი 2018.

კონკურსის მიზანია ევროპული აუდიოვიზუალური სექტორისადმი ახალგაზრდა მაყურებლის ინტერესის გაღვივება კინო პროდუქციასთან წვდომის გაუმრჯობესება აუდიტორიის განვითარების ხელშეწყობა.

მედია  ქვეპროგრამა აფინანსებს აქტივობებს: მაყურებლის კინო-კომპეტენციის ამაღლებისა და ევროპული აუდიოვიზუალური სფეროს მიმართ ახალგაზრდა მაყურებლის ინტერესის გაღრმავების მიზნით; აუდიოვიზუალური და კინემატოგრაფიული მემკვიდრეობისადმი ახალგაზრდა მაყურებლის ინტერესის გაზრდისადმი მიმართულ აქტივობებს; ევროპის ქვეყნებში  ევროპული და საერთაშორისო კინოპროდუქციის გავრცელების და პოპულარიზაციისადმი მიმართულ აქტივობებს.

განმცხადებელი უნდა იყოს პროექტის ლიდერი, პროექტს უნდა ჰყავდეს მინიმუმ 2 ევროპელი პარტნიორი - რომლებიც იურიდიულ პირს წარმოადგენენ. განაცხადის შეტანა შეუძლია მედია ქვეპროგრამის მონაწილე ქვეყნიდან: კერძო არაკომერციულ ორგანიზაციას, შემოქმედებით ორგანიზაციას, კავშირს, ფონდს, ქალაქს/კომუნას.

პროექტი, სასურველია ციფრული ტექნოლოგიების გამოყენების თვალსაზრისით შეიცავდეს ინოვაციურ ელემენტებს. ხელს უწყობდეს ევროპაში კინოგანათლების პოპულარიზაციასა და გავრცელებას.

პროექტი მიზნად უნდა ისახავდეს ევროპული ფილმების და აუდიოვიზუალური პროდუქციის განათლების მიზნით  გამოყენებას. პროექტს უნდა ჰყავდეს მინიმუმ 3 პარტნიორი (პროექტის ლიდერი + 2 პარტნიორი), მათგან 2 მონაწილე კინოგანათლების სფეროში უნდა მოღვაწეობდეს. ამასთან, პროექტში ჩართულები უნდა იყვნენ სხვადასხვა ქვეყნის მოქალაქეები და წარმოადგენდნენ 3 განსხვავებულ ენას. ღონისძიებები პროექტის ფარგლებში უნდა გრძელდებოდეს 24 თვის განმავლობაში.

ბიუჯეტი შეადგენს 2 მილიონ ევროს. პროექტის ხანგრძლივობაა 2 წელი.

საკონკურსო განაცხადების წარდგენის ბოლო ვადაა 2018 წლის 3 მარტი.

კონკურსის შესახებ დამარებითი ინფორმაციის მისაღებად იხილეთ ვებგვერდი.