ID 912
მოქალაქეთა ჩართულობის საგრანტო კონკურსი

კონტაქტი

EWMI

დეტალური ინფორმაცია

კომენტარი

აღმოსავლეთ-დასავლეთის მართვისინსტიტუტის (EWMI) სამოქალაქო საზოგადოების განვითარებისა და მოქალაქეების ჩართულობის პროექტი (ACCESS) იწვევს არასამთავრობო ორგანიზაციებს, განსაკუთრებით რეგიონულ ორგანიზაციებს, მოქალაქეთა ჩართულობის საგრანტო (COG) კონკურსში მონაწილეობის მისაღებად.

COG-ის მიზანია ხელი შეუწყოს სამოქალაქო ორგანიზაციებისა და მათი თანამოაზრე მოქალაქეების ისეთ ერთობლივ ღონისძიებებს, რომლებიც ადგილობრივი თემის პრიორიტეტულ საკითხებს ეხმიანება. 

საპროექტო საქმიანობები შეიძლება მოიცავდეს ადვოკატირებას, საგანმანათლებლო და საინფორმაციო კამპანიებს,  მოქალაქეთა მობილიზებას კონკრეტული საკითხების გადასაწყვეტად, მოქალაქეთა გააქტიურების და ჩართულობის სხვადასხვა მეთოდს. 

მოქალაქეთა ჩართულობის საგრანტო კონკურსში მონაწილეობის მიღება შეუძლიათ საქართველოში რეგისტრირებულ არასამთავრობო ორგანიზაციებს. პრიორიტეტი მიენიჭება ორგანიზაციებს, რომლებიც საქმიანობენ საქართველოს რეგიონებში ან წარმოადგენენ თბილისში არსებული ორგანიზაციის რეგიონულ ფილიალს/წარმომადგენლობას.

COG-ის საგრანტო პროგრამის ფარგლებში დაფინანსდება ოთხი პროექტი. თითოეული პროექტის ბიუჯეტი 15 000 აშშ დოლარს, ხოლო ხანგრძლივობა ერთ წელს არ უნდა აღემატებოდეს. 

აპლიკაციების მიღების ბოლო ვადაა 2017 წლის 28 დეკემბერი, 16:30 საათი.

წარდგენა: საგრანტო განაცხადი და სხვა მოთხოვნილი დოკუმენტები ელ. ფოსტით უნდა გააგზავნოთ მისამართზე [email protected] ელ. ფოსტის სათაურში (subject) უნდა ჩაწეროთ “COG PROGRAM”. 

საგრანტო კონკურსის შესახებ დამატებითი ინფორმაციის მისაღებად იხილეთ ვებგვერდი.

ACCESS-ი 6,897,000 მილიონი აშშ დოლარის ღირებულების პროექტია, რომელსაც ამერიკის შეერთებული შტატების საერთაშორისო განვითარების სააგენტო (USAID) აფინანსებს და აღმოსავლეთ-დასავლეთის მართვის ინსიტუტი (EWMI) ახორციელებს. პროექტის ადგილობრივი პარტნიორები არიან კონსულტაციის და ტრენინგის ცენტრი (CTC) და სამოქალაქო განვითარების სააგენტო (სიდა).