ID 929
ღია კარის საგრანტო კონკურსი არასამთავრობო ორგანიზაციებისთვის

კონტაქტი

ევროპის ფონდი

დეტალური ინფორმაცია

საქართველო

თანდართული ფაილი: 164610-epfound-opendoor.zip

კომენტარი

ევროპის ფონდი იწვევს საქართველოში რეგისტრირებულ და მოქმედ სამოქალაქო საზოგადოების ორგანიზაციებს ღია კარის საგრანტო პროგრამაში მონაწილეობის მისაღებად. 

ევროპის ფონდის ღია კარის საგრანტო პროგრამის მიზანია ხელი შეუწყოს  ადგილობრივ სამოქალაქო საზოგადოების ორგანიზაციებს, საგრანტო პროექტების მეშვეობით გამოავლინონ საზოგადოების წინაშე მდგომი მწვავე პრობლემები და მოიძიონ მათი გადაჭრის ინოვაციური გზები. განსაკუთრებული ყურადღება დაეთმობა გენდერული და უმცირესობებთან დაკავშირებული საკითხების ანალიზს, რაც ქალებსა და მამაკაცებზე, და ასევე ეთნიკურ, რელიგიურ, ენობრივ და/ან სექსუალურ უმცირესობათა ჯგუფების წარმომადგენლებზე პროექტის საქმიანობისა და მოსალოდნელი შედეგების პირდაპირ ან ირიბ ზეგავლენას მიემართება.

ფონდის მიერ ბოლო წლებში დაფინანსებული პროექტების ანალიზმა აჩვენა, რომ მათი აბსოლუტური უმრავლესობის ბიუჯეტი საშუალოდ 40,000-45,000 ლარს შეადგენს, რაც, უმეტეს შემთხვევაში, საგრანტო პროექტის მიზნებისა და ამოცანების ადეკვატურად მიღწევის საშუალებას იძლევა. 

განაცხადების წარდგენის ბოლო ვადაა 2018 წლის 28 თებერვალი.

განმცხადებლებმა ევროპის ფონდში წინასწარი ან სრული საპროექტო განაცხადი უნდა წარადგინონ ელექტრონული ფოსტის შემდეგ მისამართზე: [email protected] (გთხოვთ, წერილის სათაურის ველში მიუთითოთ: Open Door Grantmaking)

ევროპის ფონდის მისამართი: კავსაძის ქ. 3, მე-2 სართული. ტელ/ფაქსი: (+995 32) 225 39 42/43. საკონტაქტო პირი: ნანა გამყრელიძე, პროგრამის მენეჯერი [email protected]

დამატებითი ინფორმაციის მისაღებად იხილეთ თანდართული ფაილი.