ID 940
საგრანტო კონკურსი თუშეთში ეკონომიკური განვითარების მხარდასაჭერად 15000 ლარი

კონტაქტი

Caritas Czech Republ

დეტალური ინფორმაცია

კახეთი

ახმეტა

თანდართული ფაილი: caritas-grant.zip

კომენტარი

"ჩეხეთის რესპუბლიკის კარიტასი" საქართველოში, პროექტის "ტრადიციული მეურნეობის მხარდაჭერა თუშეთში" ფარგლებში, აცხადებს საგრანტო კონკურსს თუშეთის თემში ეკონომიკური განვითარების და დასაქმების ხელშეწყობის მიზნით.

საგრანტო კონკურსში მონაწილეობის მიღება შეუძლიათ თუშეთის სოფლებში მაცხოვრებელ მცირე და მიკრო ბიზნესით დაკავებულ მეწარმეებს, ორგანიზაციებს და ფიზიკურ პირებს, რომლებიც ამ პროექტის ფარგლებში ხელს შეუწყობენ სამიზნე რეგიონის სოციალურ-ეკონომიკურ განვითარებას და მოსახლეობის დასაქმებას. უპირატესობა მიენიჭებათ იმ მეწარმეებს, რომლებიც მონაწილეობდნენ ჩეხეთის რესპუბლიკის კარიტასის მიერ ორგანიზებულ ტრენინგებში და ჩართულნი იყვნენ მიმდინარე პროექტის ან სხვა საერთაშორისო ორგანიზაციის მიერ ორგანიზებულ აქტივობებში.

გრანტის მაქსიმალური თანხა შეადგენს 15 000 ლარს, აპლიკანტს მოეთხოვება მინიმუმ 35%-იანი ფინანსური თანამონაწილეობა. გრანტით არ დაფინანსდება ხელფასები, მუშახელის შრომის ანაზღაურება, ადმინისტრაციული და სხვა ხარჯები, რომლებიც პირდაპირ არ არის დაკავშირებული პროექტის განხორციელებათან.

გრანტით დაფინანსებული აქტივობები უნდა დაიწყოს 2018 წლის 1 აპრილს და უნდა დასრულდეს 2018 წლის 31 აგვისტომდე.

საკონკურსო განაცხადების წარდგენის ბოლო ვადაა 2018 წლის 9 მარტი. აპლიკანტმა მოთხოვნილი დოკუმენტაცია უნდა წარმოადგინოს ელექტრონულად შემდეგ საფოსტო მისამართზე: [email protected]

საგრანტო კონკურსთან დაკავშირებული საინფორმაციო შეხვედრები გაიმართება 19 თებერვალს 12.00 საათზე ქვემო ალვანის კულტურის სახლის პირველ სართულზე, 15.00 საათზე ზემო ალვანის ადმინისტრაციული ერთეულის შენობის პირველ სართულზე. 

ჩეხეთის რესპუბლიკის კარიტასის პროექტი "ტრადიციული მეურნეობის  მხარდაჭერა თუშეთში" მიმდინარეობს 2015 წლიდან ჩეხეთის განვითარების სააგენტოს (CzDA) ფინანსური მხარდაჭერით. პროექტი მიზნად ისახავს ტრადიციული მეცხვარეობის, მემინდვრეობისა და მებოსტნეობის მხარდაჭერას თუშების თემში. პროექტის აქტივობები აძლიერებს მეკარტოფილეობის და მებოსტნეობის ღირებულებათა ჯაჭვს და თუშური ცხვრის მატყლის გადამუშავებას და რეალიზაციას. პროექტის შემადგენელი ნაწილი არის ალტერნატიული შემოსავლის წყაროების განვითარების ხელშეწყობა ადგილობრივი მოსახლეობისთვის.

2016 წელს ჩეხეთის კარიტასმა თუშეთში 6 ბიზნეს პროექტი დააფინანსა, რომელიც მოიცავდა სოფლის მეურნეობის და მომსახურების სფეროებს.