ID 981
მცირე საგრანტო კონკურსი გურიის რეგიონში

კონტაქტი

სამოქალაქო საზოგადოე

დეტალური ინფორმაცია

საქართველო

კომენტარი

პროექტი „მონაწილეობითი CHARRETTE გურიის ტურიზმის განვითარების სტრატეგიისთვის", რომელიც დაფინანსებულია საქართველოში ევროკავშირის დელეგაციის მიერ და რომელსაც ახორციელებს ოზურგეთის, ჩოხატაურისა და ლანჩხუთის მუნიციპალიტეტები ორ არასამთავრობო ორგანიზაციასთან, სამოქალაქო საზოგადოების ინსტიტუტი და ოზურგეთის ახალგაზრდა მეცნიერთა კლუბი, აცხადებს მცირე გრანტების კონკურსს.

პროექტის „მონაწილეობითი CHARRETTE გურიის ტურიზმის განვითარების სტრატეგიისთვის" მიზანია ადგილობრივი ხელისუფლების, საზოგადოების და ეროვნული სააგენტოების ერთობლივი ძალისხმევით გურიის ტურიზმის სექტორის მდგრადი და ყოვლისმომცველი განვითარების ხელშეწყობა რეგიონის მიმზიდველობის გაზრდის გზით.

საგრანტო განაცხადების წარმოდგენის ბოლო ვადაა 2018 წლის 25 მაისი 18:00 საათი.

მცირე გრანტების პროგრამის მიზანია გურიის რეგიონში სამოქალაქო ჩართულობის წახალისება და სხვადასხვა ადგილობრივ აქტიორებს შორის თანამშრომლობის წახალისება; მოქალაქეებსა და ადგილობრივ თვითმართველობას შორის პირდაპირი თანამშრომლობის წახალისება; ადგილობრივი აქტიორების ჩართულობის ზრდა, მათი იდეების განხორცილების წახალისებით. 

საგრანტო კონკურსში მონაწილეობის მიღება შეუძლიათ გურიის რეგიონის თემებს ან არასამეწარმეო არაკომერციულ იურიდიულ პირებს, კლუბებს, დარეგისტრირებულ ან საინიციატივო ჯგუფებს.

მცირე გრანტები არ გაიცემა კერძო ინვესტიციებსა თუ ბიზნეს ორგანიზაციებზე.

პროექტის ბიუჯეტის ქვედა ზღვარია 2000 ევრო, ხოლო ზედა ზღვარი 5 000 ევრო. სასურველია სხვა წყაროებიდან დამატებითი დაფინანსების მოძიება.

მცირე გრანტების კონკურსს ადმინისტრირებას გაუწევს ოზურგეთის ახალგაზრდა მეცნიერთა კლუბი, რომელიც 1995 წლიდან აქტიურად არის ჩართული გურიის რეგიონის განვითარებაში. ორგანიზაციის მიზანია: ხელი შეუწყოს გურიის რეგიონში სამოქალაქო, საჯარო და ბიზნეს სექტორების განვითარებას, მათ საჭიროებაზე მორგებული თანამედროვე და ეფექტური საგანმანათლებლო-საკონსულტაციო მომსახურებით; რეგიონის სტრატეგიული განვითარების პრიორიტეტების გათვალისწინებით ინოვაციური პროექტების ინიცირებით და განხორციელებით".

საგრანტო კონკუნრის შესახებ დამატებითი ინფორმაციის მისაღებად იხილეთ ვებგვერდი.