ID 984
კონკურსი სამიზნე არასამთავრობო ორგანიზაციების შესარჩევად

კონტაქტი

People In Need

დეტალური ინფორმაცია

საქართველო

კომენტარი

People In Need (PIN) პროექტის „ადამიანის უფლებები დოკუმენტური ფილმებით“ ფარგლებში აცხადებს კონკურსს სამიზნე არასამთავრობო ორგანიზაციების შესარჩევად.

კონკურსის მიზანია ადამიანის უფლებების დაცვასა და ხელშეწყობაში ადგილობრივი არასამთავრობო ორგანიზაციების მხარდაჭერა. პროექტი დაფინანსებულია ჩეხეთის საგარეო საქმეთა სამინისტროს მიერ, "TRANSITION" პროგრამის ფარგლებში და ხორციელდება სახალხო დამცველის ადამიანის უფლებათა აკადემიასთან თანამშრომლობით. პროექტი მოიცავს სენაკისა და გორის მუნიციპალიტეტებს. 

კონკურსის ფარგლებში შეირჩევა ექვსი სამიზნე არასამთავრობო ორგანიზაცია - სამი გორის და სამი სენაკის მუნიციპალიტეტში. შერჩეული ორგანიზაციები ჩაერთვებიან პროექტის განხორციელების პროცესში, მათ შორის შესაძლებლობების გაძლიერებისა და საგრანტო კომპონენტებში. 

სამიზნე ორგანიზაციები მიიღებენ გრანტებს ახალგაზრდებისთვის დოკუმენტური ფილმების ჩვენებების განსახორციელებლად შესაბამის მუნიციპალიტეტებში. ისინი, ასევე, მხარს დაუჭერენ ფილმის ჩვენებების მონაწილე ახალგაზრდებს ადამიანის უფლებებთან დაკავშირებული ინიციატივების განხორციელებაში. 

კონკურსში მონაწილეობის მიღება შეუძლიათ გორისა და სენაკის მუნიციპალიტეტებში მომუშავე არასამთავრობო ორგანიზაციებს.

კონკურსში მონაწილე ორგანიზაცია უნდა აკმაყოფილებდნენ შემდეგ პირობებს: ახალგაზრდებთან, მათ შორის, შეზღუდული შესაძლებლობის მქონე, იძულებით გადაადგილებულ და სხვა მოწყვლად ჯგუფებთან მუშაობის გამოცდილება; საგანმანათლებლო პროექტებისა და აქტივობების განხორციელების გამოცდილება (სასურველია, ადამიანის უფლებების მიმართულებით); საკმარისი ადამიანური რესურსი პროექტში მონაწილეობის მისაღებად: მინიმუმ ორი თანამშრომელი, რომელიც მონაწილეობას მიიღებს პროექტის შესაძლებლობების გაძლიერების კომპონენტში; ფასილიტაციას გაუწევს ფილმებს ჩვენებებს და ხელს შეუწყობს ახალგაზრდული ინიციატივების განხორციელებას. ორგანიზაციას უნდა გააჩნდეს გრანტის მართვის სათანადო გამოცდილება და შესაძლებლობა (ანგარიშგება, ფინანსური მართვა და ა.შ.); ტექნიკური რესურსი: სივრცე, ფილმების ჩვენებების გასამართად. ასევე სასურველია (მაგრამ არა სავალდებულო) შესაბამისი ტექნიკური აღჭურვილობის ქონა (კომპიუტერი, პროექტორი); მოტივაცია და ორგანიზაციული მზადყოფნა, პროექტის დასრულების შემდგომ შეადგინოს გეგმა და გააგრძელოს დოკუმენტური ფილმებით ადამიანის უფლებების სწავლების მეთოდოლოგიის გამოყენება. ეს უკანასკნელი გრანტის მიღების აუცილებელი პირობაა. 

განაცხადების წარდგენის ბოლო ვადაა 2018 წლის 25 მაისი.

განაცხადის ფორმა შეგიძლიათ ჩამოტვირთოთ ვებ-გვერდიდან: www.pin.ge