ID 985
საგრანტო კონკურსი სამცხე-ჯავახეთში მცირე ბიზნესის დასაწყებად 6500 ლარი

კონტაქტი

ტოლერანტი

დეტალური ინფორმაცია

საქართველო

თანდართული ფაილი: 1-1.zip

კომენტარი

ბუნების დაცვის მსოფლიო ფონდის (WWF) კავკასიის ოფისის პროექტის - "საქართველოში უნიკალური ტყეების კონსერვაცია დაცული ტერიტორიების დაარსების გზით" ფარგლებში, ასოციაცია "ტოლერანტი" ახალციხის მუნიციპალიტეტის - ვალეს, წყალთბილას, პამაჯის, ურავლის, ანდრიაწმინდისა და ასპინძის მუნიციპალიტეტის - ძველის თემებისათვის აცხადებს გრანტების კონკურსს.

საგრანტო პროგრამის მიზანია ბუნებრივი რესურსების მდგრადი მოხმარების და მცირე ბიზნესის დაწყებისა და განვითარების/გაფართოების სტიმულირება; სამცხე-ჯავახეთის ადგილობრივი მოსახლეობისა და ბიზნესის გარემოსდაცვითი ინიციატივების ხელშეწყობა სოფლის მეურნეობის, ტურიზმის, ენერგეტიკისა და სხვა რელევანტური ეკონომიკური საქმიანობის სექტორებში.

კონკურსში მონაწილეობა შეუძლია ფიზიკურ პირს ან საქართველოში რეგისტრირებულ ეკონომიკური საქმიანობის უფლების მქონე მცირე სამეწარმეო სუბიექტ(ებ)ს. შესაძლებელია ორი ან მეტი სუბიექტის ურთიერთშეთანხმების მემორანდუმით გაერთიანება. მათი როლი, პასუხისმგებლობები და სარგებელი ცალსახად გამიჯნული უნდა იყოს საკონკურსო განაცხადში.

თანხის მაქსიმალური ოდენობა ერთი სუბიექტისთვის შეადგენს 6500 ლარს. პროექტის ხანგრძლივობა არ უნდა აღემატებოდეს 6 თვეს.

განაცხადის წარდგენის ბოლო ვადაა 25 მაისი, 2018 (18:00 საათი). 

განაცხადი უნდა წარმოდგენილი უნდა იყოს ელექტრონულად [email protected] ან ამობეჭდილი 1 ეგზემპლარი სამცხე-ჯავახეთის რეგიონული ასოციაცია "ტოლერანტის" ოფისში მისამართზე: ახალციხე, რუსთაველის ქ # 47, საკონტაქტო პირები ცირა მესხიშვილი 599513622, გოჩა ნათენაძე 599580560

პროექტში განაცხადის შევსება ხდება აპლიკაციის ფორმის მიხედვით. იხ. დანართი. განაცხადებს განიხილავს საგრანტო კომისია.