ID 38339
2018-2019 წლების ფულბრაიტის სტიპენდია

კონტაქტი

ამერიკის მთავრობა

დეტალური ინფორმაცია

საქართველო

ბოლო ვადა: 8 ნოემბერი

კომენტარი

ა.შ.შ.-ის საელჩო საქართველოში აცხადებს საბუთების მიღებას 2018-2019 აკადემიური წლის ფულბრაიტის სამაგისტრო სასტიპენდიო პროგრამაზე (2018-19 Fulbright Graduate Student Program).

სასტიპენდიო პროგრამა ითვალისწინებს ა.შ.შ.-ის უნივერსიტეტების სამაგისტრო პროგრამზე სწავლის სრულ დაფინანსებას ყველა დისციპლინაში, მათ შორის ბიზნესის ადმინისტრირების სფეროში. 

კონკურსში მონაწილეობის მიღება შეუძლიათ მკვლევრებს, აკადემიურ პერსონალს, აკადემიური ინსტიტუტების ექსპერტებს.

კონკურსში მონაწილეობისათვის საჭირო კრიტერიუმები: კანდიდატი უნდა იყოს საქართველოს მოქალაქე.; კანდიდატს დამთავრებული ჰქონდეს უმაღლესი სასწავლებელი (ბაკალავრის ხარისხით); კანდიდატი სრულყოფილად უნდა ფლობდეს ინგლისურ ენას; კანდიდატმა უნდა ჩაიტაროს სრული სამედიცინო გამოკვლევები; კანდიდატი არ უნდა იყოს 30 წელზე უფროსი ასაკის; კანდიდატი არ უნდა ირიცხებოდეს აშშ-ის არცერთ უმაღლეს სასწავლებელში; არ დაიშვებიან აშშ-ის მოქალაქეები ან პირები, რომლებსაც აქვთ აშშ-ში ცხოვრების უფლება; TOEFL - მინიმუმ 80 IBT, რეკომენდებულია 100 IBT (სამართლის მიმართულებით მოითხოვება მინიმუმ 100 IBT).

განაცხადების მიღების ბოლო ვადაა 2017 წლის 8 ნოემბერი.

ფულბრაიტის სტიპენდია წარმოადგენს ა.შ.შ-ის მთავრობის ერთ-ერთ ყველაზე პრესტიჟულ სტიპენდიას. ფულბრაიტის სამაგისტრო სასტიპენდიო პროგრამის კანდიდატთა შერჩევას აწარმოებს საქართველოში ა.შ.შ.-ის საელჩო, სსიპ - განათლების საერთაშორისო ცენრი და საქართველოს ბანკი.

ფულბრაიტის სამაგისტრო სასტიპენდიო პროგრამის მთავარი დამფინანსებელია ა.შ.შ-ის სახელმწიფო დეპარტამენტის საგანმანათლებლო და კულტურის საკითხთა ბიურო. პროგრამის თანადამფინანსებლები არიან საქართველოს მთავრობა და საქართველოს ბანკი. პროგრამა ხორციელდება უილიამ ფულბრაიტის უცხოური სასტიპენდიო საბჭოს რეგულაციებით. ა.შ.შ-ის სახელმწიფო დეპარტამენტის საგანმანათლებლო და კულტურის საკითხთა ბიუროსთან გაფორმებული შეთანხმების საფუძველზე  განათლების საერთაშორისო ინსტიტუტი (Institute of International Education, New York, U.S.A.) თანამშრომლობს ა.შ.შ.-ის უნივერსიტეტების ფართო სპექტრთან, რათა უზრუნველყოს ფულბრაიტის შერჩეული კანდიდატებისთვის ყველაზე შესაფერისი აკამედიური პროგრამის მოძებნა. 

სასტიპენდიო პროგრამის შესახებ დამატებითი ინფორმაციის მისაღებად იხილეთ ვებგვერდი.