ID 38834
სასწავლო პროგრამა საჯარო მოხელეებისთვის

კონტაქტი

GFSIS

cbgl@gfsis.org

დეტალური ინფორმაცია

თბილისი

ბოლო ვადა: 27 ოქტომბერი

კომენტარი

სასწავლო პროგრამა საჯარო მოხელეთა პროფესიული უნარ-ჩვევების ასამაღლებლად.

საქართველოს სტრატეგიისა და საერთაშორისო ურთიერთობების კვლევის ფონდი (რონდელის ფონდი) აცხადებს კონკურსს 2017-2018 წლის სასწავლო პროგრამაში - "საჯარო მოხელეთა პროფესიული შესაძლებლობების ზრდა გადაწყვეტილების მიღებასა და მოლაპარაკების წარმართვის ტექნიკაში" მონაწილეობის მისაღებად. პროგრამა გამიზნულია საშუალო რგოლის საჯარო მოხელეებისა და სამოქალაქო საზოგადოების წარმომადგენლებისათვის და ითვალისწინებს მათი პროფესიული უნარ-ჩვევების ამაღლებას პოლიტიკის შემუშავებისა და მოლაპარაკების წარმართვის პროცესში. 

7-თვიანი სასწავლო კურსის განმავლობაში მონაწილეები მიიღებენ თეორიულ და პრაქტიკულ ცოდნას საჯარო მართვის, პოლიტიკის დაგეგმვისა და ანალიზის, ასევე მოლაპარაკებათა წარმართვის სფეროებში. ფონდის მენტორების უშუალო ხელმძღვანელობით ქვეყნისათვის აქტუალურ საკითხებზე შეიმუშავებენ პოლიტიკის დოკუმენტებს, რომელთა საჯარო განხილვაც გაიმართება სასწავლო პროგრამის ბოლოს. საუკეთესო ნაშრომები დაიბეჭდება ცალკე პუბლიკაციად. პროგრამა ასევე ითვალისწინებს სასწავლო ვიზიტს ესტონეთში ევროინტეგრაციის ესტონური გამოცდილების გაზიარების მიზნით.

ლექციები გაიმართება საღამოს საათებში. სამუშაო ენა არის ქართული. 

კონკურსში მონაწილეობის მისაღებად ძირითადი მოთხოვნებია:

  • უმაღლესი განათლება
  • საჯარო სტრუქტურაში ან სამოქალაქო სექტორში მუშაობა 
  • სამუშაო გამოცდილება ერთ-ერთ სფეროში: ევროინტეგრაცია, ჯანდაცვა და სოციალური დაცვა, გარემოს დაცვა და მდგრადი განვითარება, განათლება და მეცნიერება, კონფლიქტები და მოლაპარაკების წარმოება, დემოკრატიული განვითარება, გენდერული თანასწორობა და ეროვნული ინტეგრაციის საკითხები.


შერჩევის პროცესი:

დაინტერესებულ პირებს გთხოვთ, გამოაგზავნოთ რეზიუმე/CV შემდეგ ელექტრონულ მისამართზე: cbgl@gfsis.org

საჯარო სტრუქტურაში დასაქმებულებს გთხოვთ დამატებით მოგვაწოდოთ თქვენი უწყებიდან ოფიციალური წარდგინების წერილი.

კანდიდატების შერჩევა მოხდება გასაუბრების საფუძველზე. პრიორიტეტი მიენიჭება საჯარო მოხელეებს. 

განაცხადის მიღების ბოლო ვადაა 27 ოქტომბერი, 2017, 18:00 სთ.

პროგრამას საქართველოს სტრატეგიისა და საერთაშორისო ურთიერთობების კვლევის ფონდი (რონდელის ფონდი) ახორციელებს 2009 წლიდან შვედეთის საერთაშორისო განვითარების და თანამშრომლობის სააგენტოს (შიდა) ფინანსური მხარდაჭერითა და ესტონეთის დიპლომატიის სკოლასთან პარტნიორობით (EDK). 

დამატებითი ინფორმაციისთვის მიმართეთ პროგრამის კოორდინატორს ხატია შალამბერიძეს: ტელ: 2 47 35 55 (სამსახური), 5 91 00 49 14 (მობილური), ელ. ფოსტა: cbgl@gfsis.org