ID 43300
სამაგისტრო პროგრამები საფრანგეთში 2018-2019

კონტაქტი

განათლების საერთაშორ

დეტალური ინფორმაცია

საქართველო

ბოლო ვადა: 22 თებერვალი

კომენტარი

სასტიპენდიო პროგრამა „სამაგისტრო პროგრამები საფრანგეთში 2018-2019“ წარმოადგენს სსიპ - განათლების საერთაშორისო ცენტრის სასტიპენდიო პროგრამას, რომლის საფუძველია სსიპ -განათლების საერთაშორისო ცენტრს,  საფრანგეთის საელჩოს საქართველოში და კამპუსს ფრანსს შორის 2015 წლის 1 დეკემბერს გაფორმებული ხელშეკრულება პარტნიორობის შესახებ.

პროგრამის საშუალებით საქართველოს მოქალაქეებს, ან პირადობის ნეიტრალური მოწმობის და/ან ნეიტრალური სამგზავრო დოკუმენტის მფლობელებს, შესაძლებლობა მიეცემათ მოიპოვონ სტიპენდია საფრანგეთში მაგისტრის აკადემიური ხარისხის მისაღებად, როგორც ფრანგულენოვან, ასევე ინგლისურენოვან პროგრამებზე. სტიპენდია გაიცემა სსიპ - განათლების საერთაშორისო ცენტრის მიერ გამოცხადებულ ღია კონკურსში გამარჯვების საფუძველზე. გადაწყვეტილების მიმღები ორგანოა სასტიპენდიო პროგრამის ფარგლებში შექმნილი საერთაშორისო საკონკურსო კომისია.

სასტიპენდიო პროგრამაში მონაწილეობის მიღება შეუძლიათ საქართველოს მოქალაქეებს, რომელთა ასაკი არ აღემატება 30 წელს. მოპოვებული აქვს ბაკალავრის ან/და შემდგომი საფეხურის აკადემიური ხარისხი ან სწავლობს საბაკალავრო პროგრამის დამამთავრებელ კურსზე; ფლობს ფრანგულ ენას (მინიმუმ DELF - B2, TCF – B2) ან ინგლისურ ენას (მინიმუმ TOEFL – 79, IELTS – 6,5).

სასტიპენდიო პროგრამის „სამაგისტრო პროგრამები საფრანგეთში 2018-2019“ ფარგლებში 2018-2019 სასწავლო წლისათვის პრიორიტეტულად განისაზღვრა შემდეგი პროგრამული მიმართულებები/დარგთაშორისი მიმართულებები/სპეციალობები: აგრარული მეცნიერებანი; განათლება; ინჟინერია; მეცნიერება/საბუნებისმეტყველო მეცნიერებანი; სოციალური მეცნიერებები; ჰუმანიტარული მეცნიერებანი; სამართალი; არქიტექტურა; საჯარო მმართველობა; მენეჯმენტი.

2018-2019 სასწავლო წელს პროგრამის განხორციელების შედეგად საფრანგეთში სამაგისტრო პროგრამებზე სწავლის მიზნით გაიცემა 17 სტიპენდია. 

დაფინანსება გულისხმობს შემდეგი ხარჯების ანაზღაურებას: სწავლის (სავარაუდო) ხარჯების საფასური; ყოველთვიური სტიპენდია - 767 ევროს ოდენობით (ათი თვის განმავლობაში); სტუდენტური დაზღვევის ხარჯები; სავიზო მოსაკრებელი; დოსიეს შექმნის ხარჯები.

საკონკურსო განაცხადების წარდგენის ბოლო ვადაა 2018 წლის 22 თებერვალი. კონკურსის საბოლოო შედეგები კონკურსანტებს ეცნობებათ 2018 წლის 31 მარტამდე.

 სასტიპენდიო პრიოგრამის შესახებ დამატებითი ინფორმაციის მისაღებად იხილეთ ვებგვერდი.