ID 43434
პრაქტიკული ჟურნალისტიკის კურსი სტუდენტებისთვის ქარტიის მედიასკოლაში

კონტაქტი

ჟურნალისტური ეთიკის

[email protected]

დეტალური ინფორმაცია

თბილისი

ბოლო ვადა: 25 თებერვალი

კომენტარი

საქართველოს ჟურნალისტური ეთიკის ქარტია ქმნის მედიასკოლას და იწყებს სტუდენტთა მიღებას. სკოლა ორიენტირებული იქნება დამწყები ჟურნალისტებისთვის პრაქტიკული უნარ-ჩვევების განვითარებაზე.

მონაწილეებს შესაძლებლობა ექნებათ 5 თვის განმავლობაში იმუშაონ სხვადასხვა მიმართულებით და გააშუქონ მიმდინარე მოვლენები. კურსის ფარგლებში სტუდენტები გაივლიან შემდეგ 5 მოდულს: ახალი ამბების გაშუქება; ინფორმაციის გადამოწმება; წერის ტექნიკა; ეთიკური დილემები; ამბის მოყოლის ფორმები.

თითოეულ მოდულს გაუძღვებიან გამოცდილი ჟურნალისტები - მაია მეცხვარიშვილი, გიორგი მგელაძე, ნინო ჯაფიაშვილი, ზვიად ქორიძე, ნათია კუპრაშვილი. მათ გარდა მოისმენენ სხვა პრაქტიკოსი რეპორტიორების მასტერ კლასებს და პრაქტიკულად მოამზადებენ ჟურნალისტურ მასალებს.

პროექტში მონაწილეობა უფასოა. კანდიდატი უნდა იყოს ბაკალავრიატის დამამთავრებელი ან/და მაგისტრატურის სტუდენტი ვისაც სურს, რომ გახდეს ჟურნალისტი.

მედიასკოლაში სწავლის მსურველებმა შეავსეთ სააპლიკაციო ფორმა. განაცხადების მიღების ბოლო ვადაა 2018 წლის 25 თებერვალი.

პირველ ეტაპზე შერჩეულ აპლიკანტებთან გაიმართება გასაუბრება, რის შემდეგაც 15 საუკეთესო მოხვდება ჯგუფში. სწავლა 1 მარტიდან დაიწყება.

საკონტაქტო ინფორმაცია:
მისამართი: თბილისი, შიო მღვიმელის ქუჩა 6ბა
ტელეფონი: 2912870
E-mail: [email protected]