ID 46848
დისტანციური მომსახურების ოპერატორი

კონტაქტი

europebet

[email protected]

დეტალური ინფორმაცია

თბილისი

ბოლო ვადა: 2 მაისი

კომენტარი

"ევროპაბეთი" 2010 წლის ნოემბრიდან მოღვაწეობს ქართულ ბაზარზე და იკავებს ერთ-ერთ წამყვან პოზიციას ბუკმეიკინგის და ონლაინ თამაშების სფეროში. კომპანიის მიზანსა და ძირითად ფასეულობას წარმოადგენს მომხმარებლისათვის ხარისხიანი მომსახურებისა და პროდუქტების ფართო არჩევანის მიცემა, ხოლო კომპანიის თანამშრომლებისათვის, კომფორტული და შემოქმედებითი სამუშაო გარემოს შექმნა, რომელიც მიმართულია თანამშრომლის პროფესიული ზრდისა და განვითარებისკენ.

2015 წლის ივნისიდან "ევროპაბეთი" შეუერთდა ბეტსონ ჯგუფს (Betsson Group; დაფუძნებული შვედეთში, სათაო ოფისი მალტაზე). ბეტსონ ჯგუფი 53 წელია ოპერირებს ევროპის ბაზარზე და წარმოდგენილია სტოკჰოლმის საფონდო ბირჟაზე. 

კომპანია "ევროპაბეთი" (europebet.com) განაგრძობს ზრდას და ამიტომ, ჩვენ ვეძებთ ახალ თანამშრომლებს დისტანციური მომსახურების ოპერატორის პოზიციაზე.

ვაკანტური პოზიცია: 7
სამუშაო საათები: 12 საათიანი დღე/ღამის ცვლები
ანაზღაურების სისტემა: მინიჭებული კატეგორიის შესაბამისად
სარგებელი: ჯანმრთელობის დაზღვევა, კვება

როლი: დისტანციური მომსახურების ოპერატორი პასუხობს მომხმარებელთა შეკითხვებს და ეხმარება მათ ანგარიშთან და ფსონებთან დაკავშირებული პრობლემების მოგვარებაში. საკომუნიკაციო არხებს წარმოადგენს ჩატი, e-mail და სხვა წერილობით საკომუნიკაციო საშუალებები. 

თუკი გიყვართ სპორტი ან/და ინტელექტუალური თამაშები, გიყვართ ადამიანების დახმარება და გსურთ განავითაროთ საკუთარი შესაძლებლობები, მაშინ ეს ვაკანსია თქვენთვისაა.

შერჩევის ეტაპის გადალახვის შემდეგ თქვენ გაივლით 3 კვირიან ტრენინგს, რომლის მანძილზეც შეისწავლით პროდუქტებსა და მომსახურების სტანდარტებს. ტრენინგის წარმატებით დასრულების შემთხვევაში თქვენ დასაქმდებით კომპანიაში.

მოთხოვნები:

  • უმაღლესი განათლება ბიზნესის ან/და ჰუმანიტარული მეცნიერებების მიმართულებით;
  • მომსახურების სფეროში მუშაობის გამოცდილება;
  • კლავიატურაზე სწრაფად ბეჭდვის უნარი;
  • ქართული ენაზე გამართულად წერის უნარი; 
  • არასტანდარტულ, დღისა და ღამის, ცვლებში მუშაობის შესაძლებლობა;


ჩვენ გთავაზობთ:

ჩვენ გთავაზობთ როლს, რომელშიც შეგიძლიათ გამოავლინოთ საკუთარი ეფექტური კომუნიკაციისა და პრობლემების გადაწყვეტის უნარები. ჩვენი მისიაა მომხმარებელს შევთავაზოთ საუკეთესო მომსახურება მთელ აზარტული თამაშების ბიზნესში და ამიტომაც, მუდმივად ვზრუნავთ ჩვენი თანამშრომლების პროფესიულ განვითარებაზე. კომპანია თქვენთვის უზრუნველყოფს ბაზარზე მზარდ კონკურენტუნარიან სახელფასო ანაზღაურებას, ხელსაყრელ საბონუსე სისტემასა და კომფორტულ სამუშაო გარემოს. კოლეგიალურ და მეგობრულ გარემოს, სადაც შესაძლებლობა გაქვთ სრულად გამოავლინოთ საკუთარი პოტენციალი და ჩამოყალიბდეთ პროფესიონალად. 

თუ თვლით, რომ აკმაყოფილებთ ვაკანსიის მოთხოვნებს და გაქვთ სურვილი, შემოუერთდეთ "ევროპაბეთის" დიდ გუნდს, გთხოვთ 2018 წლის 2 მაისამდე გამოაგზავნოთ თქვენი CV/რეზიუმე ელექტრონულ მისამართზე [email protected] და წერილის სათაურში მიუთითოთ ვაკანსიის დასახელება "დისტანციური მომსახურების ოპერატორი".