ID 49637
დავით ჭოჭუას სახელობის სტიპენდია

კონტაქტი

GCSD

დეტალური ინფორმაცია

თბილისი

ბოლო ვადა: 15 ივლისი

კომენტარი

„საქართველოს უსაფრთხოების და განვითარების ცენტრი" (GCSD) და საქართველოს საგარეო საქმეთა სამინისტრო აცხადებს კონკურს დავით ჭოჭუას სახელობის სტიპენდიის მისაღებად. 

სტიპენდიის მიზანია მხარი დავუჭიროთ ახალგაზრდა მკვლევარებსა და სტუდენტებს რეგიონული და გლობალური უსაფრთხოების, სტაბილურობის, ტერორიზმის, მისი გამოვლინებების, პრევენციული მექანიზმებისა და სხვა მომიჯნავე საკითხების შესწავლაში. 

სტიპენდიისა და კვლევის ხანგრძლივობა შეადგენს 2 თვეს და იყოფა ორ ეტაპად. პირველი თვის განმავლობაში სტუდენტი კვლევაზე იმუშავებს GCSD-ის “ტერორიზმის კვლევის ცენტრში” (TRC), ხოლო მეორე თვეს მას საგარეო საქმეთა სამინისტროში პრაქტიკის გავლის შესაძლებლობა მიეცემა. 

სასტიპენდიო პროგრამაში მონაწილეობის მიღება შეუძლიათ სოციალური და 
პოლიტიკური მეცნიერების მაგისტრატურის აკადემიურ საფეხურზე მყოფი ან უკვე მაგისტრის ხარისხის მქონე სტუდენტებს. ასევე, კვლევით ორგანიზაციებსა და Think Tank-ებში დასაქმებულ ახალგაზრდა ანალიტიკოსებსა და მკვლევარებს, რომელთა ასაკიც არ აღემატება 26 წელს. პრიორიტეტი მიენიჭება აპლიკანტებს, რომელთაც აქამდე არ ჰქონდათ საგარეო საქმეთა სამინისტროში პრაქტიკების გავლის შესაძლებლობა.

კონკურსში მონაწილეობის მიღებისათვის, აუცილებელია გამოაგზავნოთ საკვლევი თემის აბსტრაქტი, სამოტივაციო წერილი და თქვენი რეზიუმე (მაქსიმუმ 3 გვერდი) შემდეგ ელ-ფოსტის მისამართზე: [email protected]. აპლიკაციები მიიღება 15 ივლისამდე.

სტიპენდიანტს, კვლევისა და პრაქტიკის დასრულების შემდეგ გადაეცემა სერტიფიკატი და 800 ლარის ოდენობის ჰონორარი.

GCSD სტიპენდიის მიღების მსურველ პირებს სთავაზობს შემდეგ საკვლევ თემებს:

  • პოლიტიკური კონფლიქტებისა და ძალადობრივი ექსტრემიზმის დინამიკა ახლო აღმოსავლეთში. 2014-2017 წლები;
  • საერთაშორისო თანამშრომლობა გლობალური ტერორიზმთან გამკლავების მიმართულებით-გამოწვევები და შესაძლებლობები;
  • საქართველოს ტერიტორიაზე განხორციელებული ტერორისტული აქტების ისტორიული შესწავლა და ანალიზი;
  • საქართველოს წინაშე არსებული კიბერუსაფრთხოებისა და შესაძლო კიბერტერორიზმის რისკების შეფასება

დამატებით, აპლიკანტი თავისუფალია წარმოადგინოს მისთვის საინტერესო და რელევანტური საკვლევი საკითხები. 

დავით ჭოჭუა გახლდათ საქართველოში ტერორიზმის აკადემიური შესწავლის ერთ-ერთი ფუძემდებელი. მისმა წვლილმა უმაღლეს სასწავლო დაწესებულებებსა და საჯარო სექტორში შესაძლებელი გახადა საქართველოში ტერორიზმის შესახებ ცოდნა მნიშვნელოვან საფეხურზე აეყვანა.