ID 49704
ბუღალტერი

კონტაქტი

ევრო კრედიტი

[email protected]

დეტალური ინფორმაცია

თბილისი

ბოლო ვადა: 30 ივნისი

კომენტარი

მიკროსაფინანსო ორგანიზაცია - მისო "ევრო კრედიტი" აცხადებს ვაკანსიას ბუღალტრის თანამდებობაზე.

მიკროსაფინანსო ორგანიზაცია "ევრო კრედიტი" ხელმისაწვდომს ხდის ფულად რესურსებს მოსახლეობის ფართო ფენებისთვის ფინანსური პროდუქტების მეშვეობით. ამჟამად ბაზარზე წარმოდგენილი ვართ ავტომობილით უზრუნველყოფილი სესხებით. 

მისო "ევრო კრედიტი" მზარდი ორგანიზაციაა, რომელიც თანაბრად აძლევს თითოეულ თანამშრომელს კარიერული ზრდისა და განვითარების საშუალებას. კომპანია თავისი თანამშრომლებისათვის ქმნის სასიამოვნო სამუშაო გარემოს და უზრუნველყოფს დამატებითი ბენეფიტებით.

ძირითადი მოვალეობა: კომპანიის ბუღალტრული აღრიცხვის წარმოება კომპანიის ფინანსური პოლიტიკის შესაბამისად IFRS სტანდარტებზე დაყრდნობით, საქართველოს შემოსავლების სამსახურის და ეროვნული ბანკის მიერ დადგენილი რეგულაციების გათვალისწინებით.

მოვალეობები:

  • კომპანიის ბუღალტრული აღრიცხვის წარმოება;
  • კომპანიის ფინანსური პოლიტიკით გათვალისწინებული სააღრიცხვო პერიოდების ზედმიწევნით ზუსტი დაცვა; (დღის, თვის, კვარტლის დახურვა, შემოსავლების სამსახურის მიერ დადგენილი დეკლარაციების ვადაში წარდგენა)
  • სააღრიცხვო პერიოდების გათვალისწინებით ფინანსური ანგარიშგებების-ბალანსის, მოგება ზარალის უწყისის და ფულადი სახსრების მოძრაობის უწყისის მომზადება;
  • ცალკე მდგომი იურიდიული პირების ფინანსური ანგარიშგების კონსოლიდაცია;
  • შემოსავლების სამსახურის მიერ გათვალსიწინებული დღგ-ს მოგების, ქონების და სხვა სათანადო დეკლარაციების მომზადება და წარდგენა;
  • საბანკო ოპერაციების წარმოება
  • აუდიტორებისათვის ინფორმაციის დამუშავება და მიწოდება;
  • მენეჯმენტისათვის ინფორმაციის დამუშავება და მიწოდება. 


საკვალიფიკაციო მოთხოვნები:

  • უმაღლესი განათლება ბიზნესის მართვის სფეროში, ფინანსების, აღრიცხვის, აუდიტის მიმართულებით;
  • სასურველია ACCA-ს ან ანალოგიური კვალიფიკაცია. პირველი ორი დონის სერთიფიკატი ჩაითვლება უპირატესად.
  • ბუღალტრის პოზიციაზე მინიმუმ 3 წლიანი სამუშაო გამოცდილება - საბანკო საფინანსო სფეროში გამოცდილების მქონეებს მიენიჭებათ უპირატესობა.
  • აღრიცხვის პროგრამის გამოყენების უნარები - ცოდნა და მუშაობის გამოცდილება.
  • შემოსავლების სამსახურთან, აუდიტორებთან ურთიერთობის გამოცდილება.
  • MS Office, Excel-ის სრულყოფილი ცოდნა, ბრუნვითი უწყისიდან - ფინანსური ანგარიშების აწყობის და ანალიტიკური ცხრილების მომზადების უნარი/გამოცდილება. 
  • ქართული და ინგლისური მაღალ დონეზე ცოდნა.
  • მათემატიკური, ლოგიკური და ანალიტიკური აზროვნების გამოკვეთილი უნარი.


დამატებითი უნარები:

  • პუნქტუალური, მოწესრიგებული, დისციპლინირებული; 
  • იდეების სრულყოფილად ჩამოყალიბებისა და გადმოცემის უნარი;
  • სიახლეების ადვილად ათვისების უნარი;
  • ექსტრემალურ სიტუაციებში რაციონალური გადაწყვეტილების სწრაფად მიღების უნარი;
  • სტრესულ გარემოში ეფექტურად მუშაობის უნარი.


სამუშაო პირობები:

  • სრული განაკვეთი: ორშაბათი-პარასკევი, 10:00-19:00 
  • ანაზღაურება: კვალიფიკაციის შესაბამისად;
  • გამოსაცდელი ვადა: 3 თვე.


დაინტერესებულ პირებს გთხოვთ, გამოაგზავნოთ თქვენი CV შემდეგ ელ.ფოსტაზე: [email protected] და სათაურის ველში აუცილებლად მიუთითოთ პოზიციის დასახელება. 

განაცხადის მიღების ბოლო ვადაა 2018 წლის 30 ივნისი.

შემდეგი ეტაპისათვის კომპანია დაუკავშირდება მხოლოდ შერჩეულ კანდიდატებს.

გისურვებთ წარმატებას!