ID 51032
საწყობის კოორდინატორი - ქუთაისი

კონტაქტი

საქართველოს აეროპორტ

[email protected]

დეტალური ინფორმაცია

იმერეთი

ქუთაისი

ბოლო ვადა: 12 აგვისტო

თანდართული ფაილი: 182702-uag-app-form.zip

კომენტარი

შპს "საქართველოს აეროპორტების გაერთიანება" აცხადებას ვაკანსიას საწყობის კოორდინატორის პოზიციაზე. 

სამუშაო ადგილი: ქუთაისი
სამუშაო გრაფიკი: სრული

მოვალეობები:

  • ბაზრის კვლევის ფარგლებში, პოტენციურ მომწოდებლებთან შეხვედრების და კონსულტაციების წარმოება;
  • დასავლეთ საქართველოში მომწოდებლისგან ქუთაისის აეროპორტამდე ან სხვა დანიშნულების ადგილამდე მატერიალური ფასეულობების ტრანსპორტირების ორგანიზება, ასევე ქუთაისის აეროპორტიდან სხვაგან გაგზავნილი მატერიალური ფასეულობების ტრანსპორტირების ორგანიზება, ასევე ლოჯისტიკის მენეჯერის და საწყობის მენეჯერის დახმარება საჭიროებისამებრ სხვა მატერიალური ფასეულობების ტრანსპორტირების პროცესში;
  • მატერიალური ფასეულობების ქუთასისის საერთაშორისო აეროპორტის საწყობში მიღება-ჩაბარების აქტების მომზადება;
  • მიღებული მატერიალური ფასეულობების აღრიცხვა, საჭიროებისამებრ საინვენტარო ნომრის მინიჭება ლოჯისტიკის და საწყობის მენეჯერებთან შეთანხმებით, დასაწყობება და საჭიროებისამებრ დადგენილი ლიმიტების დაცვით გაცემა, კომპანიაში არსებული წესების შესაბამისად საწყობის მენეჯერთან შეთანხმებით;
  • ქუთაისის საერთაშორისო აეროპორტში შემოსული და აეროპორტიდან გაგზავნილი მატერიალური ფასეულობების აღრიცხვა;
  • ქუთასისის საერთაშორისო აეროპორტის საწყობიდან თანამშრომლებისთვის თუ სხვა პირებისთვის გადაცემული მატერიალური ფასეულობების აღრიცხვა მათი მფლობელების მიხედვით, ამ სააღრიცხვო მონაცემების და მატერიალური ფასეულობების მდგომარეობის პერიოდული შემოწმება; 
  • ქუთაისის საერთაშორისო აეროპორტის საწყობის ელექტრონული ბაზის და საჭირო დოკუმენტების წარმოება, მატერიალური ფასეულობების მოძრაობის - პირველადი მიღების, გაცემის, თანამშრომელთა შორის გადაბარების, დაკარგვის, დაზიანების, შეკეთების, გახარჯვა-გადამუშავების, საწყობში დაბრუნების აღრიცხვა (მათ შორის, ელექტრონულად) და ამ სააღრიცხვო მონაცემების პერიოდული შემოწმება;
  • მატერიალურ ფასეულობათა მოძრაობის აღრიცხვასთან დაკავშირებული პირველადი სააღრიცხვო-საბუღალტრო დოკუმენტაციის წარმოება და უშუალო ხელმძღვანელთან შეთანხმებით ბუღალტერიისათვის სისტემატური მიწოდება, საჭიროებისამებრ შიდა გადაზიდვის სასაქონლო ზედნადების დადასტურება;
  • ქუთაისის საერთაშორისო აეროპორტში მატერიალური ფასეულობების ნაშთების რაოდენობისა და ფიზიკური და თვისობრივი მდგომარეობის მუდმივი კონტროლი და დანაკლისის, ზედმეტობის, დაზიანების, დაკარგვისა თუ დაზიანების საფრთხის, დადგენილ კრიტიკულ ოდენობამდე შემცირების შესახებ უშუალო ხელმძღვანელის დროული ინფორმირება;
  • ქუთაისის საერთაშორისო აეროპორტში მატერიალური ფასეულობების ხარჯვის, ცვეთის და დაზიანების სპეციფიკის შესახებ, აეროპორტის ლოჯისტიკური პროცესების ხარვეზების შესახებ, აეროპორტში მატერიალური ფასეულობების მოძრაობის (განსაკუთრებით ხარჯვის) სავარაუდო პროგნოზის შესახებ უშუალო ხელმძღვანელისთვის ინფორმაციის წარდგენა;
  • მატერიალური ფასეულობების ყაირათიანად და დანიშნულებისამებრ მოხმარების მონიტორინგი;
  • გამოუსადეგარი მატერიალური ფასეულობების შესახებ ინფორმაციის პერიოდული მიწოდება ლოჯისტიკის და საწყობის კოორდინატორისათვის;
  • ინვენტარიზაციის და სხვადასხვა სააღრიცხვო მონაცემების შემოწმება-შედარების პროცესში მონაწილეობა;
  • ხელმძღვანელობის მიერ მოთხოვნილი ფორმით ლოჯისტიკური საკითხების, საწყობის და მატერიალური ფასეულობების შესახებ ინფორმაციის მომზადება;
  • სამუშაო პროცესთან დაკავშირებული ინფორმაციის კონფიდენციალურობის დაცვა კომპანიის მიერ დადგენილი წესით და ფორმით;
  • სამუშაო პროცესთან დაკავშირებული (შექმნილი, მიღებული, გაგზავნილი, გადამუშავებული და სხვა) ფიზიკური თუ ელექტრონული დოკუმენტების მოწესრიგებულად და ორგანიზებულად შენახვა;
  • მიღებულ კორესპონდენციაზე და ხელმძღვანელის დავალებებზე დროული და ეფექტური რეაგირება;
  • მოსამზადებელი დოკუმენტების შეთანხმება კანონმდებლობით, კომპანიის აქტებით ან ხელმძღვანელის დავალებით განსაზღვრულ საჭირო სუბიექტებთან;
  • სამუშაო პროცესის უწყვეტობის უზრუნველყოფა და შესაბამისი სამსახურებიდან პროცესის შეფერხების შემთხვევაში უშუალო ხელმძღვანელის დროული ინფორმირება;
  • მოქმედ კანონმდებლობაში და სტანდარტებში ცვლილებებისა და სიახლეების რეგულარული მონიტორინგი და მათი სამუშაო პროცესში დანერგვა;
  • სამუშაო პროცესების განზოგადება, ხარვეზების გამოვლენა და რეკომენდაციების წარდგენა უშუალო ხელმძღვანელისათვის;
  • საქმიანობის სფეროში არსებული ინოვაციების და საუკეთესო პრაქტიკის მოძიება და დანერგვა;
  • სამუშაო პროცესისათვის საჭირო სახარჯი მასალებისა და ინვენტარის საჭირო ოდენობითა და კომპლექტაციით არსებობის უზრუნველყოფა;
  • სამუშაო პროცესში შრომის უსაფრთხოების, სანიტარიის ნორმების და სახანძრო უსაფრთხოების მოთხოვნათა დაცვა;
  • გაწეული სამუშაოს შესახებ ზეპირი და წერილობითი პერიოდული ანგარიშგება უშუალო ხელმძღვანელთან, ამ უკანასკნელის მიერ განსაზღვრული სახით ანდა კომპანიაში დანერგილი წესებისა თუ გავრცელებული საუკეთესო პრაქტიკის შესაბამისად;
  • კომპანიის ხელმძღვანელობისა თუ უშუალო ხელმძღვანელის მიერ დაკისრებული სხვადასხვა მოვალეობების შესრულება.

კვალიფიკაცია:

  • უმაღლესი განათლება (სასურველია ეკონომიკაში ან ფინანსებში);
  • შესაბამის სფეროში მუშაობის სულ მცირე 1 წლის გამოცდილება;
  • სასურველია ინგლისური და რუსული ენების სრულყოფილი ცოდნა.

უნარ-ჩვევები:

  • გუნდური მუშაობის უნარი;
  • პირადი და კომპანიის რესურსების ეფექტიანი და ყაირათიანი გადანაწილების უნარი;
  • საკუთარი აზრის ლაკონურად გამოხატვის და პოზიციის დაფიქსირების უნარი;
  • პროაქტიული მუშაობის და ინიციატივის გამოჩენის უნარი;
  • შესაძლებლობების დანახვის და მყისიერი რეაგირების უნარი;
  • სხვისი აზრის მოსმენის, პატივისცემის და გაზიარების უნარი;
  • თანამშრომელთათვის გვერდში დგომის, მოტივაციის და სათანადო გარემოს შექმნის უნარი;
  • კრეატიული აზროვნებისა და პრობლემური საკითხების მოგვარების უნარი;
  • კონფლიქტური და კრიზისული სიტუაციების ეფექტური მართვის უნარი;
  • პრეზენტაციის და ეფექტური მოლაპარაკებების წარმართვის უნარი;
  • ეფექტური ვერბალური და წერითი კომუნიკაციის უნარი;
  • შეზღუდულ ვადებში ეფექტური მუშაობის უნარი;
  • დროის ეფექტური მართვის და ორგანიზებული საქმიანობის წარმართვის უნარი;
  • ცვლილებებთან შეგუების უნარი.

კომპიუტერული საოფისე პროგრამების სრულყოფილი ცოდნა:

  • MS Word
  • MS Excel
  • MS PowerPoint
  • MS Outlook.

გთხოვთ, მსურველებს გამოგვიგზავნოთ შევსებული სააპლიკაციო ფორმა (იხ. მიმაგრებული ფაილი) ელ. ფოსტაზე: [email protected] და საგანში მიუთითოთ ვაკანსიის დასახელება. ვაკანსიაზე განიხილება მხოლოდ ის კანდიდატურა, რომელიც აკმაყოფილებს მოთხოვნებს. 

თქვენ მიერ CV-ს გამოგზავნით, თანხმობას აცხადებთ შპს "საქართველოს აეროპორტების გაერთიანებამ" დაამუშავოს თქვენი პერსონალური მონაცემები დასაქმების მიზნით, ასევე, საჭიროების შემთხვევაში, გადასცეს აღნიშნული მონაცემები მის კონსულტანტებს. თქვენი პერსონალური მონაცემები შეინახება შპს საქართველოს აეროპორტების გაერთიანებაში 1 წლის ვადით.

გისურვებთ წარმატებას!

შპს "საქართველოს აეროპორტების გაერთიანება"
ელ-ფოსტა: [email protected]
ვებ-გვერდი: http://www.airports.ge

მსგავსი განცხადებები