ID 53856
სტაჟირება სივრცის კონსულტანტის პოზიციაზე ბათუმში

კონტაქტი

იუსტიციის სახლი

დეტალური ინფორმაცია

აჭარა

ბათუმი

ბოლო ვადა: 21 სექტემბერი

კომენტარი

იუსტიციის სახლი საქართველოს იუსტიციის სამინისტროს მმართველობის სფეროში მოქმედი  საჯარო სამართლის იურიდიული პირია, რომლის ფარგლებშიც სახელმწიფო სერვისების  უმრავლესობაა მოქცეული. იუსტიციის სახლის ძირითად ფუნქციას მომხმარებლისათვის ერთი ფანჯრის პრინციპით, კომფორტულ გარემოში, მარტივი პროცედურებითა  და მაღალი ხარისხით,  სერვისების მიწოდება წარმოადგენს. შესაბამისად, მისი საქმიანობა მუდმივად მიმართულია  მომსახურების ხარისხის განვითარებაზე,  ხელმისაწვდომობის ზრდასა და მომხმარებლისთვის მრავალფეროვანი  და ინოვაციური სერვისების შეთავაზებაზე. მარტივი პროცედურებისა და მრავალფეროვანი სერვისების დანერგვით, სწრაფი და ეფექტური ნაბიჯების გადადგმით, იუსტიციის სახლი მნიშვნელოვნად ამარტივებს  მოქალაქეების ურთიერთობას სახელმწიფოსთან. ყოველდღიურად, მთელი საქართველოს მასშტაბით მოქმედ ფილიალებში,  20 000-ზე მეტ საქართველოს და უცხო ქვეყნის მოქალაქეს 400 - მდე  სერვისს აწვდის.

 

სსიპ „იუსტიციის სახლი“ აცხადებს სტაჟირებას ბათუმის იუსტიციის სახლის სივრცის კონსულტანტის პოზიციაზე.

 

ადგილმდებარეობა: ბათუმი (შერიფ ხიმშიაშვილის #7)

სტაჟირება საწყის ეტაპზე არის არაანაზღაურებადი

სტაჟირების ხანგრძლივობა: 3 თვე.

სამუშაო საათები: სრული სამუშაო განაკვეთი.

 

მოთხოვნები:

  • IV კურსის სტუდენტი ან ბაკალავრი;
  • ქართულის (C1) შესაბამის დონზე ცოდნა;
  • აუცილებელია ინგლისური ან/და სხვა უცხო ენის ცოდნა;
  • აუცილებელია საოფისე კომპიუტერული პროგრამების ცოდნა;
  • სამოტივაციო წერილის ველის შევსება;
  • რეკომენდატორის მითითება.

 

უნარები:

  • კომუნიკაბელურობა;
  • ლოგიკური აზროვნება;
  • კეთილგანწყობა;
  • დახვეწილი მეტყველება;
  • მოქალაქეთა თავაზიანად მომსახურების უნარი;
  • მოტივირებულობა;
  • გუნდურად მუშაობის უნარი.

 

ძირითადი მოვალეობები:

  • სსიპ „იუსტიციის სახლში“ მოსულ მოქალაქეთა მოძრაობის ტრაექტორიის დარეგულირება. ხედვის არეალში მოხვედრილ მოქალაქესთან კომუნიკაციის დამყარება და მათი გადამისამართება სათანადო მიმართულებით;
  • მოქალაქეთა მოთხოვნების განსაზღვრა, რიგის მართვის სისტემის საშუალებით ბილეთის ამობეჭდვა და შესაბამის სივრცეში გადამისამართება;
  • სსიპ „იუსტიციის სახლში“ მოსულ მოქალაქეთა მომსახურება, მათთვის ზოგადი კონსულტაციის გაწევა, მომსახურების მიწოდებისათვის აუცილებელი ფორმების გაცემა და შევსების პროცესში დახმარება;
  • მოქალაქეთა დახმარება ფოტო-ჯიხურითა და თვითმომსახურების სხვა სისტემებით სარგებლობის პროცესში;
  • მომსახურების სივრცეების, მათ შორის საბავშვო სივრცისა და თვითმომსახურების სივრცეების მოწესრიგება;
  • მომსახურების დარბაზში სპეციალურად გამოყოფილ ადგილებში საინფორმაციო ბროშურებისა და კორპორატიული ატრიბუტიკის განთავსება;
  • უშუალო ხელმძღვანელის დროული ინფორმირება მომსახურების პროცესში წამოჭრილი პრობლემების შესახებ;
  • უშუალო ხელმძღვანელის დროული ინფორმირება ყველა იმ საკითხზე, რომელმაც შესაძლოა იმოქმედოს ორგანიზაციის რეპუტაციაზე;
  • სსიპ „იუსტიციის სახლში“ მომსახურების პროცესთან დაკავშირებულ დაგეგმილ და მიმდინარე პროექტებში ჩართულობა;
  • უშუალო ხელმძღვანელის მიერ გაცემული სხვა დავალებების შესრულება.

 

საკონკურსო თემატიკა

  • საქართველოს იუსტიციის მინისტრის 2015 წლის 25 ივლისის №85 ბრძანება „საჯარო სამართლის იურიდიული პირის - იუსტიციის სახლის დებულების დამტკიცების შესახებ“.

 

კონკურსის ეტაპები:

  • განცხადებების გადარჩევა;
  • გასაუბრება.

 

თუ გსურთ, გახდეთ იუსტიციის სახლის გუნდის წევრი, მზად ხართ განვითარებისა და კარიერული წინსვლისთვის მიჰყევით ბმულს, გაიარეთ რეგისტრაცია საჯარო სამსახურის ბიუროს მიერ ადმინისტრირებულ ვებ-გვერდზე http://www.hr.gov.ge და მისი საშუალებით გამოაგზავნეთ განაცხადი შესაბამის ვაკანსიაზე - სტაჟირება სივრცის კონსულტანტის პოზიციაზე ბათუმის იუსტიციის სახლში

 

განაცხადის გაკეთების ბოლო ვადაა 21.09.2018.