თუ ხართ აქტიური მეწარმე და ფიქრობთ, რომ თქვენი ბიზნესის უკეთ სამართავად მარკეტინგული მომსახურებები გჭირდებათ, მაშინ ეს შესაძლებლობა დაგაინტერესებთ:

სააგენტო “აწარმოე საქართველოში”, მსოფლიო ბანკის მხარდაჭერით, იწყებს ახალ პროექტს მარკეტინგისა და გაყიდვების მიმართულებით, რომელიც მცირე და საშუალო საწარმოებს, სააგენტოს მიერ შერჩეული მარკეტინგული კომპანიებისგან მომსახურების მისაღებად, 10 000 ლარამდე თანადაფინანსებას სთავაზობს.

პროექტში ჩართვისათვის უნდა მიმართოთ სააგენტოს „აწარმოე საქართველოში“ რეგიონულ საკონსულტაციო ცენტრს, სადაც თქვენ:

• გაივლით სიღრმისეულ ბიზნეს-დიაგნოსტიკას და დაადგენთ თქვენი ბიზნესის საჭიროებებს
• შეარჩევთ შესაბამის საკონსულტაციო მომსახურებას
• მომსახურებით სარგებლობისთვის მიიღებთ 90%-მდე თანადაფინანსებას

თუ დიაგნოსტიკის შედეგად თქვენს საწარმოს მარკეტინგული მომსახურებების საჭიროება დაუდგინდა, თქვენ შეძლებთ ისარგებლოთ სააგენტოს მიერ შერჩეული მარკეტინგული და კომუნიკაციების კომპანიის მომსახურებით და მიიღოთ 10 000 ლარამდე თანადაფინანსება.

მონაწილეობის კრიტერიუმები დაინტერესებულ მეწარმეთათვის

• რეგისტრირებულია გადასახადის გადამხდელად, ხელშეკრულების გაფორმებამდე ერთი კალენდარული წლით ადრე.
• რეგისტრირებულია რეგიონული საკონსულტაციო ცენტრის წევრად.
• ბიზნესის მიღებული შემოსავალი, სააგენტოსთან ხელშეკრულების გაფორმებამდე წინა 12 თვის განმავლობაში არის ან აღემატება 30 000 ლარს.
• არ არის სახელმწიფოსა და მუნიციპალიტეტის, აგრეთვე სს„საპარტნიორო ფონდის“ მიერ პირდაპირი ან არაპირდაპირი წილობრივი მონაწილეობით შექმნილი იურიდიული პირი.
• არ არის ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად I ან II კატეგორიის საწარმოს მიერ წილობრივი მონაწილეობით შექმნილი იურიდიული პირი.
• არ აქვს სახელმწიფოს მიმართ საგადასახადო დავალიანება (გარდა იმ შემთხვევისა, თუ საგადასახადო დავალიანების გადახდევინება გადავადებულია ან მისი გადახდის ვალდებულება შეჩერებულიაკანონის საფუძველზე).
• არ არის რეგისტრირებული მოვალეთა რეესტრში.
• საქმიანობა არ შედის შეზღუდული საქმიანობების ჩამონათვალში ( იხ. ბრძანების დანართი)

მომსახურებით სარგებლობის ეტაპები

• მომსახურებით სარგებლობის მსურველი მეწარმე საკუთარი პირადი სივრციდან ან ადგილზე ვიზიტით მიმართავს თავისივე რეგიონის საკონსულტაციო ცენტრს.
• მეწარმე რეგისტრირდება ცენტრის ონლაინ ქსელში და ქმნის პირად სივრცეს.
• მეწარმე ცენტრში ან თავის ონლაინ პირად სივრცეში წარმოადგენ სშესაბამის დოკუმენტაციას, რაც ამტკიცებს მის შესაბამისობას მოცემულ კრიტერიუმებთან.
• მეწარმე ცენტრის თანამშრომელთან ერთად გადის ბიზნეს დიაგნოსტიკას.
• დიაგნოსტიკის შედეგები განიხილება 30 კალენდარული დღის ვადაში და დგინდება მეწარმე სუბიექტის საჭიროებების შესაბამისი მომსახურებ(ებ)ის ჩამონათვალი.
• თუ ჩამონათვალი მოიცავს რეკომენდაციას საკონსულტაციო მომსახურების მიღებასთან დაკავშირებთ, მეწარმე სუბიექტი, სააგენტოს პარტნიორი ორგანიზაციების მომსახურებებიდან ირჩევს მისთვის სასურველ მომსახურებას.
• არჩეულ საკონსულტაციო კომპანიას, სააგენტოს "აწარმოე საქართველოში" და მეწარმეს შორის ფორმდება სამმხრივი ხელშეკრულება, სადაც ზუსტდება თანამშრომლობის სხვა დეტალები.

✅ გაცნობებთ, რომ სსიპ „აწარმოე საქართველოში“ საკონსულტაციო ცენტრების სერვისებით სარგებლობა უკვე მთელი საქართველოს მასშტაბით არის შესაძლებელი, მათ შორის თბილისშიც. 12 აგვისტოდან, საქართველოს ყველა რეგიონში ფუნქციონირებს პარტნიორი საკონსულტაციო ცენტრები, სადაც მეწარმეს შეუძლია გაიაროს ბიზნეს დიაგნოსტიკა და ჩაერთოს საკონსულტაციო სერვისების თანადაფინანსების პროგრამაში.

✅ როგორც მოგეხსენებათ „აწარმოე საქართველოში“ საკონსულტაციო ცენტრებში (აჭარა, სამეგრელო-ზემო სვანეთი და კახეთი) დიაგნოსტიკაზე ჩაწერა ხდება ცენტრებში ადგილზე ვიზიტის გზით. პროცედურა განსხვავებულია საქართველოს სხვა რეგიონებში არსებული მეწარმეებისთვის. პარტნიორ საკონსულტაციო ცენტრებში ბიზნეს დიაგნოსტიკის გავლის მიზნით მეწარმე ჯერ უნდა დაუკავშირდეს სააგენტოს „აწარმოე საქართველოში“ ცხელ ხაზს: 15 25 და შემდეგ მოხდება მისივიზიტის შესაბამის ცენტრში დაჯავშნა.

ჰორიზონტი ევროპა კვლევისა და ინოვაციების დარგში ევროკავშირის ძირითადი დაფინანსების პროგრამაა, რომლის ბიუჯეტი 95,5 მილიარდი ევროა. აღნიშნული თანხა, შვიდი წლის განმავლობაში (2021-2027) გრანტების სახით გაიცემა. პროგრამა მხარს უჭერს ევროკავშირის პოლიტიკის შექმნასა და განხორცილებას კვლევებისა და ინოვაციების სფეროში, ქვეყნებს შორის თანამშრომლობის გაღრმავების, ახალი ცოდნისა და ტექნოლოგიების შექმნისა და გავრცელების გზით .

„ჰორიზონტი ევროპას“ სხვადასხვა საგრანტო სქემების ფარგლებში დაფინანსების მოპოვება შეუძლიათ როგორც კვლევით დაწესებულებებს (მათ შორის უსდ-ებს), აგრეთვე მცირე და საშუალო მეწარმეებს, რომელთაც აქვთ ინოვაციური იდეა და საერთაშორისო თანამშრომლობის ფარგლებში სურთ მათი დანერგვა/განვითარება.

პროგრამის შესახებ დამატებით ინფორმაცია შეგიძლიათ იხილოთ პროგრამის ოფიციალურ გვერდზე: https://research-and-innovation.ec.europa.eu/funding/funding-opportunities/funding-programmes-and-open-calls/horizon-europe_en

პროგრამისა და მასში მონაწილეობის შესახებ ყველაზე ამომწურავ და ზუსტ ინფორმაციას მოგცემთ მისი “სამუშაო პროგრამები”. დოკუმენტების სანახავად დაფინანსებისა და ტენდერების პორტალის ვებგვერდის ზედა ველზე უნდა დააჭიროთ “How to Participate” და შემდგომ “Reference Documents”. დაფინანსებისა და ტენდერების პორტალის მარცხენა ზოლში - სანავიგაციო პანელზე, პროგრამირების პერიოდის გრაფაში მიუთითეთ: 2021-2027. პროგრამის არჩევის ფილტრის გრაფაში ჩასვით: Horizon Europe (HORIZON). იხილეთ სამუშაო პროგრამების სრულია სია შემდეგ ბმულზე.

პროგრამაში ქართველი მეცნიერებისა და ინოვატორების მონაწილეობის ხელშეწყობისთვის საქართველოს განათლების, მეცნიერებისა და ახალგაზრდობის სამინისტროს ბაზაზე დაარსებულია “ჰორიზონტი ევროპა” საქართველოს ეროვნული ოფისი, რომლის მთავარი მისიაა ევროკავშირის კვლევისა და ინოვაციის ჩარჩო პროგრამაში "ჰორიზონტი ევროპა" საქართველოს ჩართულობის გაძლიერება და ევროპულ კონსორციუმებში ქართველ აპლიკანტთა მონაწილობის გაზრდა.

ოფისი და მისი ეროვნული საკონტაქტო პირების ქსელი, რომელიც ფარავს პროგრამის ყველა მიმართულებას, ყველა დაინტერესებულ პირს სთავაზობენ შემდეგ მომსახურებას:

• თემატური საინფორმაციო ღონისძიებები და ტრენინგები
• კონსულტაციები დაინტერესებულ აპლიკანტებთან
• ტექნიკური დახმარება პროექტის მომზადების სხვადასხვა ეტაპზე
• დახმარება პარტნიორის მოძიებაში როგორც ლოკალურად, ისე საერთაშორისო დონეზე
• განაცხადის ‘სკრინინგის’ სერვისი მის წარდგენამდე, უცხოელი ექსპერტების მიერ
• სამგზავრო გრანტები ‘საბროკერო ღონისძიებებზე’ პარტნიორების მოძიების მიზნით
• სხვა მხარდაჭერის ზომები.

აღნიშნული სერვისების მიღება დაინტერესებულ მხარეთათვის არის უფასო.

• მეტი ინფორმაციისთვის, დეტალებს ეროვნული ოფისის საქმიანობის შესახებ ეწვიეთ ოფიციალურ გვერდს: ჰორიზონტი ევროპა
• მიმდინარე კონკურსებსა და სიახლეებს თვალი ადევნეთ ფეისბუქ გვერდზე: https://www.facebook.com/HorizonEuropeGeorgia
• ეროვნული ოფისის მიერ ორგანიზებული საინფორმაციო დღეების ხოლო ჩანაწერები იუთუბ არხზე - https://bit.ly/3Phq4VK
• ევროკომისიის მიერ გამართული საინფორმაციო დღეები - ვებგვერდი.
• ჰორიზონტის ევროპის დეშბორდი - ჰორიზონტი ევროპის ფარგლებში გამარჯვებული პროექტების შესახებ დეტალური ინფორმაცია

პროგრამით დაინტერესების შემთხვევაში, გთხოვთ იხელმძღვანელოთ მხოლოდ ოფიციალური დოკუმენტებით ევროკომისისა და ეროვნული ოფისის ვებსაიტიდან და მხოლოდ ოფიციალური კომუნიკაციის საფუძველზე.

ეროვნული ოფისის სერვისის მისაღებად გთხოვთ დაგვიკავშირდეთ:

• ელ.ფოსტა: horizoneurope@mes.gov.ge

ჰორიზონტი ევროპას ეროვნული ოფისი არის ერთადერთი წარმომადგენლობა საქართველოში. ეროვნული ოფისი ოპერირებს მოთხოვნის საფუძველზე, ოფისის წარმომადგენელი ან ეროვნული საკონტაქტო პირი თავად არ დაგიკავშირდებათ მხარდაჭერის შეთავაზებისათვის. ინფორმაციის გაზიარება ხდება მხოლოდ ევროკომისიისა და ოფისის ვებსაიტებსა და სოც.მედიაში ოფიციალურ გვერდზე.

ევროკომისიის მიერ თანადაფინანსებული ინიციატივა, „კულტურის ევროპული სივრცეები“ (European Spaces of Culture), ევროკავშირის არაწევრ ქვეყნებში კულტურულ სფეროში თანამშრომლობისთვის ახალ იდეებს ეძებს. თანამშრომლობაში ჩაერთვებიან ევროკავშირის ეროვნული კულტურის ინსტიტუტის (EUNIC) წევრები, ევროკავშირი და მისი ის ადგილობრივი პარტნიორები, რომლებიც ევროკავშირის გარეთ საქმიანობენ.

კონკურსის მიზანია, გამოავლინოს იდეები კულტურული ურთიერთობების ახალი პროექტებისთვის, რომლებიც საერთაშორისო კულტურული ურთიერთობების სფეროში ევროკავშირის პოლიტიკის განვითარებას შეუწყობს ხელს.

საკონკურსო წინადადებების შეტანა შეუძლიათ პარტნიორთა გუნდებს: პროექტში აქტიურად უნდა მონაწილეობდნენ EUNIC-ის სულ მცირე სამი წევრი, სამი ადგილობრივი პარტნიორი და ევროკავშირის წარმომადგენლობა.

ყველა წარმოდგენილი პროექტი უნდა განხორციელდეს 2024 წლის 1 ივნისიდან 2025 წლის 31 ოქტომბრამდე პერიოდში.

ცალკეული გრანტის მოცულობა 60 000 ევრომდეა. პარტნიორების ან ნებისმიერი მესამე მხარის მიერ თანადაფინანსება სავალდებულო არ არის, თუმცა სასურველად მიიჩნევა.

საპროექტო იდეების წარდგენის ბოლო ვადაა 2023 წლის 17 დეკემბერი. საბოლოო გეგმების წარდგენა კი კანდიდატებს 2024 წლის აპრილში მოუწევთ.

დამატებითი ინფორმაცია იხილეთ ბმულზე. 

USAID-ის პროგრამა „ერთიანობა მრავალფეროვნებაშია“ (USAID Unity Through Diversity Program) იწყებს განაცხადების მიღებას საქართველოს ინტეგრაციის საგრანტო შესაძლებლობის ფარგლებში (Georgia Integration Grants Facility - IGF), რომლის მიზანია საქართველოს სამოქალაქო და ეკონომიკური ინტეგრაციის ხელშეწყობა.

USAID-ის ხუთლწლიანი (2023-2027) პროგრამა „ერთიანობა მრავალფეროვნებაშია“ ხორციელდება საქართველოს გაეროს ასოციაციის (UNAG) მიერ და მიზნად ისახავს საჯარო, კერძო და სამოქლაქო აქტორებთან მჭიდრო თანამშრომლობით საქართველოში სამოქალაქო ერთიანობისა და იდენტობის განმტკიცების, სამოქალაქო ჩართულობის, თანასწორობის და ინკლუზიური ეკონომიკური კავშირების განვითარების ხელშეწყობას.

გამოცხადების თარიღი: 2023 წლის 8 მაისი

განაცხადების მიღება: ღია კარის საგრანტო შესაძლებლობა.

საქართველოს გაეროს ასოციაცია გრანტების შესარჩევ გუნდთან/კომისიასთან ერთად წარდგენილ საპროექტო განაცხადებს სისტემატურად განიხილავს.

პირველი საინფორმაციო შეხვედრა: 2023 წლის 31 მაისი, 12:00, https://us06web.zoom.us/j/85499491396 ; Meeting ID: 854 9949 1396

ყველა საგნრატო განაცხადი უნდა გაიგზავნოს ელექტრონულად, შემდეგ ელ. ფოსტაზე: una@una.ge, ხოლო subject line -ში უნდა მიეთითოს „Georgia Integration Grants Facility“.

საგრანტო განაცხადის წარსადგენად, გთხოვთ, იხილეთ თანდართული დეტალური ინფორმაცია.

…

USAID Unity Through Diversity Program is pleased to announce the Request for Applications for the Georgia Integration Grants Facility (IGF) to support the activities that will contribute to the inclusive civic and economic development of Georgia.

USAID Unity Through Diversity Program, a 5-year program (2023-2027) implemented by the United Nations Association Georgia (UNAG) supports public, private sectors and civil society to create a comprehensive framework for addressing political, social, and societal resilience by involving Georgia’s ethnic and religious minorities in national and local policy development and by strengthening mutually beneficial social, civic, and economic linkages between minority and majority populations.

Announcement date: May 8, 2023

Applications deadline: Open Door Opportunity.

The United Nations Association of Georgia systematically reviews the submitted project applications together with the Grant Review Team/Commission.

First information meeting: May 31, 2023, 12:00, https://us06web.zoom.us/j/85499491396 ; Meeting ID: 854 9949 1396

All grant applications must be sent electronically to the following email address: una@una.ge; "Georgia Integration Grants Facility" should be indicated in the subject line.

To submit a grant application, please see the attached detailed information.