საინფორმაციიო ცენტრების ქსელი (ICN) ონლაინგამოცემებისთვის www.mtiambebi.ge და www.reginfo.ge აცხადებს ვაკანსიას სოციალური მედიის მენეჯერის პოზიციაზე. სამუშაო ადგილი – თბილისის ოფისი.

ანაზღაურება 1300 ლარი (გადასახადების ჩათვლით), სრული სამუშაო განაკვეთი.

ძირითადი მოვალეობები:

• სოციალურ ქსელებში (Facebook, YouTube, Instagram, Twitter) ორგანიზაციის გვერდებისა და არხის მართვა, პოპულარიზაცია;
• ICN-ის ჟურნალისტების მიერმომზადებული მასალების პოპულარიზაცია სხვადასხვა ფორმით; ფეისბუქის და ინსტაგრამის გვერდებისთვის ადაპტირებული კონტენტის შექმნა;
• ონლაინ გამოკითხვების ჩატარება, დისკუსიების გახსნა და კომენტარების მოდერაცია;
• სოციალური მედიის არხების სტატისტიკის წარმოება, ანალიზი და რეპორტინგი;

მოთხოვნები:

• ინგლისური და რუსული ენების ცოდნა (სასურველია);
• სოციალური პლატფორმების (Facebook, YouTube, Instagram, Twitter) მართვისა და აუდიტორიის კვლევის საბაზისო ცოდნა;
• გამართული (სასურველია შემოქმედებითი) წერის უნარი;
• გრაფიკული პროგრამების საბაზისო ცოდნა (Photoshop, Illustrator, Premiere Pro);
• მსგავს პოზიციაზე მუშაობის გამოცდილება (სასურველია);
• გუნდური მუშაობის უნარი;

დაინტერესებულმა პირებმა 30 მარტის ჩათვლით უნდა გამოგზავნონ CV და
სამოტივაციო წერილი მისამართზე: [email protected] სათაურში აუცილებლად
მიუთითეთ პოზიციის დასახელება, რაზედაც შემოგაქვთ განაცხადი.

საინფორმაციო ცენტრების ქსელი დამოუკიდებელი მედია ორგანიზაციაა, რომელიც აერთიანებს ახალი ამბების სააგენტო „რეგინფოს“ (www.Reginfo.ge),ინტერნეტგამოცემა „მთის ამბებს“ (www.mtisambebi.ge),თბილისში მდებარე მულტიმედია სტუდიას, კახეთის საინფორმაციო ცენტრს (www.ick.ge) და პანკისის სათემო რადიოს (www.Radioway.ge).

ააიპ სამოქალაქო აქტივობების ცენტრი (CCA) მთის მოსახლეობის ინტერესების ადვოკატირების პროექტის ფარგლებში, აცხადებს ვაკანსიას მძღოლის პოზიციაზე. სამუშაო ადგილი - თბილისის ან კახეთის ოფისი.

ძირითადი მოვალეობები: კომპანიის კუთვნილი ავტომობილის მართვა და მოვლა; თანამშრომლების უსაფრთხო ტრანსპორტირებათბილისსა და საქართველოს რეგიონებში, მათ შორის მაღალმთიან დასახლებებში; გუნდური მუშაობის უნარი; საწვავის ხარჯის აღრიცხვა; პროექტის კოორდინატორისთვის და გადამღები ჯგუფისთვის ტექნიკური დახმარება.

მოთხოვნები: ავტომობილის მართვის B კატეგორია; ავტომობილის მართვის მინიმუმ 2 წლიანი პრაქტიკული გამოცდილება; სასურველი ასაკი 25-დან 35 წლამდე;მოძრაობის წესებისა და საავტომობილო გზების სრულყოფილი ცოდნა, განსაკუთრებით მაღალმთიან რეგიონებში; კომპიუტერული საოფისე პროგრამების ცოდნა; გამოცდილება ანალოგიურ სფეროში; გუნდური მუშაობის უნარი, პასუხისმგებლობის მაღალი გრძნობა.

ანაზღაურება - 800-დან 1000 ლარამდე (გადასახადების ჩათვლით).

დაინტერესებულმა პირებმა უნდა გამოგზავნონ CV მისამართზე: [email protected] სათაურში აუცილებლად მიუთითეთ პოზიციის დასახელება, რაზედაც შემოგაქვთ განაცხადი.

განაცხადის შემოტანის ბოლო ვადაა 2019 წლის 30 მარტი. არასრული განაცხადები არ განიხილება. შერჩეულ პირებს სამოქალაქო აქტივობების ცენტრი თავად დაუკავშირდება და მიიწვევს გასაუბრებაზე.

სამოქალაქო აქტივობების ცენტრი არასამთავრობო ორგანიზაციაა, რომლის მიზანია, რეგიონებში სამოქალაქო განათლებისა და ჩართულობის ხელშეწყობა; მაღალმთიანი რეგიონების მოსახლეობის, ეროვნული უმცირესობებისა და მარგინალიზებული ჯგუფების ადვოკატირება; ახალგაზრდა სამოქალაქო აქტივისტებისა და ახალგაზრდული ინიციატივების მხარდაჭერა; ქალების სოციალურ-ეკონომიკური გაძლიერება; სამოქალაქო ჟურნალისტიკის განვითარება.

ევროკავშირის მიერ დაფინანსებული პროექტის "პენიტენციური და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით" ფარგლებში, ორგანიზაცია "ციხის საერთაშორისო რეფორმის" სამხრეთ კავკასიის რეგიონული ოფისი აცხადებს კონკურსს ჟურნალისტებისთვის, რათა გამოვლინდეს საუკეთესო ნამუშევრები პენიტენციური და პრობაციის სისტემების რეფორმების პროცესში მიღწეული პროგრესის, არსებული ტენდენციების და გამოწვევების შესახებ. კონკურსის მიზანია მედიისთვის მეტი ინფორმაციის მიწოდებით ხელი შეეწყოს საზოგადოების ცნობიერების ამაღლებას პენიტენციური და პრობაციის სისტემებში მიმდინარე რეფორმების შესახებ და გაზარდოს გადაწყვეტილების მიმღები პოლიტიკური ინსტიტუციების ანგარიშვალდებულება აღნიშნული პოლიტიკის შემუშავების პროცესში. საქართველოში მოქმედი ყველა ტელე-რადიო, ბეჭდვით და ონლაინ მედიის წარმომადგენლებს შეუძლიათ კონკურსში მონაწილეობის მიღება.

კონკურსში მონაწილეობის აუცილებელი კრიტერიუმია ნამუშევარი ეხებოდეს ქვემოთ მოცემულ ერთ ან რამდენიმე თემას:

• საქართველოში მსჯავრდებულთა (მათ შორის მოწყვლადი ჯგუფების) უფლებრივი მდგომარეობა;
• პირობითი მსჯავრისა და არასაპატიმრო სასჯელების აღსრულების პროცესში მსჯავრდებულთა (მათ შორის მოწყვალდი ჯგუფების) უფლებრივი მდგომარეობა
• საქართველოში მსჯავრდებულთა საყოფაცხოვრებო პირობები;
• პენიტენციური სისტემის თანამშრომლების სამუშაო პირობები;
• რეაბილიტაციის პროგრამები პრობაციონერებისთვის
• მსჯავრდებულთა რეაბილიტაციისა და რესოციალიზაციის პროგრამები და მათი ეფექტურობა;
• ჯანდაცვა პენიტენციურ სისტემაში;
• უვადო თავისუფლებააღკვეთილი და მაღალი რისკის პატიმრების მდგომარეობა პენიტენციურ სისტემაში.

ნამუშევრების წარდგენა შესაძლებელია სამ კატეგორიაში:

• საუკეთესო ანალიტიკური სტატია ან ნარკვევი ონლაინ/ბეჭდვით მედიაში
• საუკეთესო ტელე/რადიო სიუჟეტი ან რეპორტაჟი;
• საუკეთესო ბლოგ პოსტი.

კონკურსში მონაწილეობის წესები:

1. კონკურსანტებმა (საქართველოს მოქალაქეები 18 წლის ზემოთ) აღნიშნულ ელექტრონულ ფოსტაზე ([email protected]) უნდა გამოგზავნონ შემდეგი ინფორმაცია:

** ავტორის სახელი, გვარი, დაბადების თარიღი, ტელეფონის ნომერი, ელ-ფოსტა;
** დამსაქმებლის (რედაქტორის) სახელი, გვარი, საკონტაქტო ინფორმაცია;
** შესაბამისი მასალა (ლინკი ვებ-მისამართზე, სადაც ნაშრომია განთავსებული, მასალის გამოქვეყნების თარიღი).

2. კონკურსში მონაწილეობის მიღება შეუძლიათ იმ ჟურნალისტებს, ვინც საკუთარ ნაშრომებს გამოაქვეყნებს/უკვე გამოუქვეყნებია საქართველოში რეგისტრირებულ ბეჭდვით ან/და ონლაინ გამოცემაში ან ტრანსლირებას მოახდენს/ტრანსლირება მოუხდენია ტელე ან რადიო მაუწყებლის მეშვეობით 2018 წლის 1 სექტემბრიდან 2019 წლის 30 მაისამდე.

3. საკონკურსო ნამუშევრების წარდგენის ბოლო ვადაა 2019 წლის 31 მაისი.

4. გუნდური საკონკურსო ნამუშევრის წარდგენის შემთხვევაში, განაცხადის ფორმაში ყველა თანაავტორის სახელის და გვარის მითითება სავალდებულოა.

5. იგულისხმება, რომ საკონკურსო ნამუშევრების წარდგენით, კონკურსის მონაწილეები ეთანხმებიან კონკურსის წესებსა და პირობებს;

6. თითოეულ კატეგორიაში გამოცხადდება ერთი გამარჯვებული, რომელსაც გადაეცემა ფულადი ჯილდო დარიცხული 1000 ლარის ოდენობით.

გამარჯვებულები დასახელდებიან 2019 წლის ივნისში.

გთხოვთ, დამატებითი ინფორმაცია იხილოთ თანდართულ დოკუმენტში.

ამერიკის სახელმწიფო დეპარტამენტის განათლების და კულტურის საქმეთა ბიურო აცხადებს აპლიკაციების მიღებას პროფესიული პრაქტიკის პროგრამისთვის.

პროგრამის მიზანია ფინალისტებმა გაიღრმავონ ცოდნა ამერიკის საკანონდებლო პროცესებზე, გააცნობიერონ საზოგადოების როლის და მოქალაქეთა პოლიტიკაში ჩართულობის მნიშვნელობა, დამყარდეს თანამშრომლური ურთიერთობა ამერიკულსა და უცხოურ ორგანიზაციებს შორის, ერთობლივი ძალებით შემუშავდეს საერთო პრობლემის პრაქტიკული გადაწყვეტა.

2019 წლის პროგრამის ქართველი ფინალისტები კონკურსის საფუძველზე შეირჩევიან. მასში მონაწილეობის მისაღებად დაინტერესებულმა კანდიდატებმა უნდა შეავსონ ელექტრონული ანკეტა მისამართზე: ais.americancouncils.org/pfp. ნახევარფინალისტები შეირჩევიან ანკეტების საფუძველზე და მათ გასაუბრებები ჩაუტარდებათ ამერიკული საბჭოების თბილისის ოფისში. ფინალისტების შესახებ საბოლოო გადაწყვეტილებას დამოუკიდებელი კომისიის წევრები იღებენ ამერიკული საბჭოების ვაშინგტონის ოფისში.

ა.შ.შ.–ს დედაქალაქში ჩასვლისთანავე ფინალისტები გაივლიან სამდღიან ინტენსიურ ტრენინგს, რომლის ფარგლებშიც ისინი მიიღებენ ინფორმაციას ამერიკაში მიმდინარე საკანონმდებლო პროცესებზე. პროგრამის მონაწილეები ხუთკვირიან სტაჟირებას გაივლიან შტატის საკანონმდებლო და ქალაქის ადგილობრივი მმართველობის ორგანოებში, ჩაერთვებიან საშტატო მმართველობის, სახელმწიფო ზედამხედველობის და მოქალაქეთა აქტიურობასთან დაკავშირებულ ყოველდღიურ პროცესებში. პროგრამის დასასრულს ვაშინგტონში ფინალისტები ორდღიანი კონფერენციის ფარგლებში შეხვდებიან მონაწილეებს მსოფლიოს სხვადასხვა ქვეყნებიდან და გაეცნობიან ამ ქვეყნების საკანონმდებლო სისტემებსაც.

მონაწილეობის მისაღებად კანდიდატი უნდა აკმაყოფილებდეს შემდეგ პირობებს:

• განაცხადის მიღების პერიოდში უნდა იყოს 25–დან 35 წლამდე ასაკის საქართველოს მოქალაქე;
• უნდა ფლობდეს ინგლისურ ენას (ჰქონდეს Paper-Based TOEFL–ში 500–ზე, IBT–ში 60–ზე, IELTS 6–ზე მეტი ქულა ან გავლილი ჰქონდეს საუნივერსიტეტო დონის ინგლისურენოვანი პროგრამა არანაკლებ ერთი სემესტრისა); თუ კანდიდატი გახდება ნახევარფინალისტი და არ ექნება ზემოთხსენებული საბუთ(ებ)ი, ამერიკული საბჭოები მას თავად ჩაუტარებს TOEFL–ს
• უნდა ჰქონდეს მინიმუმ ბაკალავრის ხარისხი;
• უნდა ჰქონდეს საჯარო სექტორში ან არაკომერციულ სექტორში მუშაობის გამოცდილება (მაგ., საკანონმდებლო, აღმასრულებელი, ან არასამთავრობო სექტორი);
• უნდა ჰქონდეს სურვილი მომავალშიც იმუშაოს საჯარო სექტორში;
• უნდა ავლენდეს ლიდერულ და ურთიერთთანამშრომლობის უნარებს.

პროგრამაში 2019 წლის შემოდგომაზე მონაწილეობის მისაღებად განაცხადის შეტანის ბოლო ვადაა: 2019 წლის 1 აპრილი. პროგრამის თარიღებია: 15 ოქტომბერი – 23 ნოემბერი, 2019.

იხილეთ განაცხადის ფორმა.

ლატვიის რესპუბლიკის განათლების განვითარების სახელმწიფო სააგენტო აცხადებს სასწავლო და სამეცნიერო სტიპენდიებს 2019/2020 სასწავლო წლისთვის და სტიპენდიებს 2019 წლის საზაფხულო სკოლებისთვის.

სტიპენდიის მოსაპოვებლად აპლიკანტმა სააპლიკაციო განაცხადი უნდა გააგზავნოს ლატვიის განათლების განვითარების სახელმწიფო სააგენტოში ონლაინ ვებ-გვერდის საშუალებით 1 თებერვლიდან 1 აპრილამდე.

დეტალური ინფორმაცია აღნიშნული სტიპენდიების შესახებ იხილეთ ბმულზე:

http://viaa.gov.lv/eng/international_cooperation/scholarships_gov/latvian_scholarships/