ფილტრი

ვაკანსიები

vip

მიღება ახალგაზრდა მეწარმეთა სკოლაში

ID 53696

"კრისტალის" ახალგაზრდა მეწარმეთა სკოლა, პროგრამა "YES-Georgia"-ს ფარგლებში, აცხადებს მიღებას შემდეგ ქალაქებში: თელავი, თბილისი, გორი, ახალციხე, ქუთაისი, ზუგდიდი, ბათუმი.

კანდიდატი უნდა აკმაყოფილებდეს შემდეგ მოთხოვნებს:

  • მეწარმეობის გამოცდილება ან ინტერესი განვითარდეს, როგორც მეწარმე
  • ასაკობრივი დიაპაზონი: 16-28 წელი. 


ახალგაზრდა მეწარმეთა სკოლაში შეისწავლით:

  • მეწარმისთვის საჭირო უნარებს და ინსტრუმენტებს;
  • როგორ ვაქციოთ ბიზნეს იდეა ბიზნეს მოდელად;
  • "ბიზნეს მოდელის ტილოს" შექმნას;
  • ბიზნეს პროექტის წერას;
  • ფინანსურ დაგეგმარებას.


მონაწილეთა შერჩევა მოხდება აპლიკაციებისა და გასაუბრების საფუძველზე. "მეწარმეობა ახალგაზრდებისთვის" ტრენინგ კურსი ორ თვიანია და მოიცავს 2 დონეს. პირველ დონეზე მონაწილენი გაივლიან ზოგად კურსს მეწარმეობაში, რომელიც ჩატარდება საქართველოს 7 რეგიონში, თუმცა მასში მონაწილეობის მიღება საქართველოში მცხოვრებ ყველა ახალგაზრდას შეეძლება. მეორე დონეზე მონაწილეები შეისწავლიან ბიზნეს იდეების გარდაქმნას ბიზნეს პროექტებად; ამ დონეზე მხოლოდ ის მონაწილეები იქნებიან გადაყვანილნი, რომელთაც ზუსტად აქვთ გადაწყვეტილი ბიზნეს პროექტის წერა და მისი პრაქტიკაში განხორციელება. მეორე დონის ტრენინგები ჩატარდება ქუთაისსა და თბილისში და მოიცავს რამოდენიმე დღიან ინტენსიურ კურსს ( მონაწილეების სამგზავრო და საცხოვრებელი ხარჯები მთლიანად დაიფარება პროგრამის მიერ). მე-2 დონის კურსდამთავრებულები მომზადებულ ბიზნეს გეგმებს წარადგენენ მისო "კრისტალის" შეფასების კომისიასთან; საუკეთესო ბიზნეს პროექტები შესაბამისად მიიღებენ თანადაფინასებას მისო "კრისტალისგან".

კურსის დამთავრების შემდეგ ყველა მონაწილეს გადაეცემა სერტიფიკატი. პროგრამის ფარგლებში დაგეგმილია 30 სტარტაპის თანადაფინანსება. 

დაინტერესებულმა პირებმა 2018 წლის 31 სექტემბრის ჩათვლით უნდა შეავსონ სააპლიკაციო ფორმა შემდეგ ბმულზე: სარეგისტრაციო ფორმა

შერჩეულ კანდიდატებს უშუალოდ პროგრამის წარმომადგენლები დაუკავშირდებიან. 
დამატებითი კითხვების შემთხვევაში დარეკეთ ცხელ ხაზზე: 32 2 02 20 20 ან გვეწვიეთ Facebook: ახალგაზრდა მეწარმეთა სკოლა.

პროგრამის შესახებ: პროგრამა "Yes-Georgia" ხორციელდება 2015 წლის სექტემბრიდან ფონდი "კრისტალის" მიერ, სს მისო "კრისტალთან" და "PH International"-თან ერთად, რომელთაც 2018 წელს შემოუერთდა "ჯუნიორ ეჩივმენტი" (JAG). პროგრამას ფინანსურ მხარდაჭერას უწევს ამერიკის შეერთებული შტატების საერთაშორისო განვითარების სააგენტო (USAID).

2016 წლიდან "ახალგაზრდა მეწარმეთა სკოლაში", რომელიც პროგრამა "YES-Georgia"-ს ფარგლებში შეიქმნა, 1 630 განაცხადი შემოვიდა. 418 ახალგაზრდა იქნა მიღებული სკოლაში, რომელიც 330-მა ახალგაზრდამ წარმატებით დაამთავრა. ბიზნეს პროექტები წარმოადგინა 138 კურსდამთავრებულმა, რომელთაგან 35-მა მიიღო თანადაფინანსება მისო "კრისტალისგან".

განთ. 11 სექტემბერი 10:32

ბოლო ვადა 31 ოქტომბერი 00:00

სალექციო კურსი - ომი და მშვიდობა

ID 54822

"ჰაინრიჰ ბიოლის ფონდის" სამხრეთ კავკასიის რეგიონული ბიურო აცხადებს კონკურსს სალექციო კურსში "ომი და მშვიდობა" მონაწილეობის მისაღებად, რომელიც გაგრძელდება 2018 წლის ოქტომბრიდან 2019 წლის იანვრის ჩათვლით

სალექციო კურსის მიზანია, ახალგაზრდებს მიაწოდოს ცოდნა ქართულ-აფხაზური და ქართულ-ოსური კონფლიქტების შესახებ და შესაძლებლობა მისცეს მათ ერთმანეთს გაუზიარონ თავიანთი შეხედულებები ომისა და მშვიდობის სხვადასხვა საკითხზე. 

სალექციო კურსის ფარგლებში კონფლიქტების ტრანსფორმაციის კუთხით მომუშავე ადგილობრივი და საერთაშორისო მეცნიერები და ექსპერტები წაიკითხავენ მოხსენებებს სამშვიდობო პოლიტიკის, ქართულ-აფხაზური და ქართულ-ოსური კონფლიქტების ისტორიის, რუსეთის საერთაშორისო პოლიტიკისა და ომისა და მშვიდობის გაშუქებისა და დოკუმენტაციის შესახებ. მოწვეულ მომხსენებლებს შორის იქნებიან ანა ძიაფშ-იპა, დავით კაკაბაძე, თომას დე ვაალი, ნათია ჭანკვეტაძე, პაატა ზაქარეიშვილი, ფლორიან მიულფრედი და სხვები. თითოეული ლექციის შემდეგ გაიმართება დისკუსია, რომლისთვისაც მონაწილეებს წინასწარ გაეგზავნებათ შესაბამისი საკითხავი მასალა. კურსის ფარგლებში აგრეთვე დაგეგმილია პრაქტიკული უორკშოპები და ფილმების განხილვა. 

კურსი გაგრძელდება 1 ნოემბრიდან 24 იანვრის ჩათვლით. სულ ჩატარდება 12 მეცადინეობა. კურსდამთავრებულები მიიღებენ მონაწილეობის სერტიფიკატს.

შერჩევის კრიტერიუმები: 

მონაწილეობის მიღება შეუძლიათ ბაკალავრიატის საფეხურის მე-3 და მე-4 კურსის და მაგისტრატურის სტუდენტებს, რომლებიც სწავლობენ სოციალური და ჰუმანიტარული მეცნიერებების კუთხით. სასურველია ინგლისური ენის კარგად ცოდნა, რადგან საკითხავი მასალის ნაწილი იქნება ინგლისურ ენაზე. 

სალექციო კურსში მონაწილეობის მისაღებად აუცილებელია სამოტივაციო წერილისა და CV-ის გამოგზავნა ქართულ ან ინგლისურ ენებზე შემდეგ ელექტრონულ მისამართზე: [email protected] 

განაცხადის გამოგზავნის ბოლო ვადაა: 24 ოქტომბერი

კონკურსი ჩატარდება ორ ეტაპად: შემოსული განცხადებების გადარჩევა და ინტერვიუები. ინტერვიუების ჩატარების დრო: 27 და 28 ოქტომბერი. 

განთ. 13 ოქტომბერი 11:31

ბოლო ვადა 24 ოქტომბერი 00:00

ტრენინგი იურისტებისთვის თბილისსა და სტრასტბურგში

ID 54790

"IREX ევროპა", საფრანგეთში დაფუძნებული არასამთავრობო ორგანიზაცია, "თბილისის ადამიანის უფლებათა სახლთან" ერთად ახორციელებს პროექტს "ახალგაზრდა ქალი ლიდერები და "უჩინარი ქალები" - უფლებადამცველი აქტივისტების გაძლიერება". პროექტი 26 თვის განმავლობაში ხორციელდება ევრაზიის 5 ქვეყანაში ევროკომისიის ფინანსური მხარდაჭერით. 

ზემოთხსენებული პროექტის ფარგლებში დაგეგმილია ტრენინგი იურისტებისთვის, რომლებიც ქალების/გოგონების უფლებებს იცავენ

ტრენინგის შესახებ:

ტრენინგი საქართველოში მოქმედი იურისტებისთვის მოიცავს: 

  • 2 დღიან მოსამზადებელ სესიას თბილისში, შიდა სამართლებრივი საშუალებების ამოწურვის თემაზე ადამიანის უფლებების დარღვევების შესახებ მიმდინარე საქმეზე. 
  • 5 დღიან სესიას სტრასბურგში 19-23 ნოემბრის პერიოდში. სესიას ადამიანის უფლებების საკითხებზე მომუშავე საერთაშორისო ექსპერტები ჩაატარებენ. აღნიშნული სესიის ძირითადი თემატიკა შეეხება ადამიანის უფლებათა ევროპულ სასამართლოს პროცედურებს, საჩივრების წარდგენას და მესამე მხარის ჩართვის საკითხებს. სესია მოიცავს ვიზიტს სასამართლოში და შეხვედრებს სასამართლოს წარმომადგენლებთან. 
  • სესიების დასრულების შემდეგ მოიაზრება, რომ მონაწილეებმა თავიანთ კოლეგებს უნდა გაუზიარონ მიღებული ინფორმაცია და ცოდნა. პროექტის ფარგლებში ასევე დაგეგმილია მონაწილეებისთვის საერთაშორისო ორგანიზაციებში მუშაობის გამოცდილების მქონე იურისტების მხრიდან რეკომენდაციების გაწევა და მხარდაჭერა ევროპულ სასამართლოში საჩივრების წარდგენის თუ მესამე მხარედ ჩართვის პროცესში, როგორც საკანონმდებლო, ასევე პროცედურულ საკითხებზე. 


ვის შეუძლია განაცხადის შემოტანა? 

პრაქტიკოს იურისტებს, რომლებიც:

  • არიან საქართველოს მოქალაქეები;
  • რომლებსაც აქვთ ქალების/გოგონების უფლებების დაცვის საქმეებზე მუშაობის გამოცდილება ადგილობრივ დონეზე;
  • რომლებსაც აქვთ ადამიანის უფლებათა ევროპულ სასამართლოში წარდგენილ საქმეებზე მუშაობის გამოცდილება. უპირატესობა მიენიჭებათ კანდიდატებს, რომლებსაც უკვე თავად აქვთ ადამიანის უფლებათა ევროპულ სასამართლოში წარდგენილი საჩივარი; 
  • ფლობენ ინგლისურ ენას (ზეპირი და წერილობითი კომუნიკაცია). 


წარსადგენი დოკუმენტები: 

დაინტერესებულმა პირებმა უნდა შეავსონ განაცხადი ინგლისურად არაუგვიანეს 19 ოქტომბრის, 18:00 საათისა (საქართველოს დრო). 

განაცხადის შესავსებად, გთხოვთ, მიყევით შემდეგ ბმულს: https://goo.gl/forms/MqBsZGGCqmfok7hD3 

ზოგადი ინფორმაცია: ტრენინგის, ასევე ტრანსპორტირებისა და ცხოვრების ხარჯები დაფარული იქნება პროექტის ფარგლებში.

განთ. 12 ოქტომბერი 12:22

ბოლო ვადა 19 ოქტომბერი 00:00

100 ლარი

სილამაზის სალონი "კლასიკა" აცხადებს მოსწავლეების მიღებას ქალთა და მამაკაცთა სტილისტის სპეციალობაზე-შეღავათიან ფასად

ID 54779

სილამაზის სალონი  "კლასიკა"  აცხადებს მოსწავლეების მიღებას ქალთა და მამაკაცთა სტილისტის სპეციალობაზე-შეღავათიან ფასად თვეში 100 ლარი.მოსწავლეს ექნება პრაქტიკული და თეორიული გაკვეთილები.რადგანაც ყველაფერი კეთდება მოსწავლეებთან 2 ლარად თქვენ მიიღებთ დღის მანძილზე პრაქტიკულ დატვირთვას ცოცხალ მანეკენებზე სპეციალისტის დახმარებით. გვაქვს გამოკითხვები იწერება ნიშნები.ადგილზე ჩაუტარდებათ ტრენინგები და სემინარები.წარჩინებული მოსწავლეები დასაქმდებიან სხვადასხვა სალონებშირომ დარწმუნდეთ ამ ყველაფრის რეალობაში შეგიძლიათ მობრძანდეთ დაესწროთ გაკვეთილებს და მიიღოთ შესაბამისი გადაწყვეტილება.გეპატიჟებით ყველას კლიენტსადა მოსწავლეს.მის: საბურთალო იპოლიტე ხვიჩიას 13/15 სააკაძის ძეგლთან. ☎:  555267962 ; 579068361

განთ. 11 ოქტომბერი 17:31

ბოლო ვადა 11 ნოემბერი 00:00

ტურიზმის შემსწავლელი კურსი

ID 54736

"აღმოაჩინე საქართველო" არის მრავალპროფილიანი ტურისტული კომპანია, რომელიც 2011 წელს დაფუძნდა. კომპანია 2011 წლიდან ახორციელებს სტაჟირება/პრაქტიკის პროგრამას და აქტიურად არის ჩართული საგანმანათლებლო სფეროში. სტაჟირება/პრაქტიკის განმავლობაში კომპანიის თანამშრომლები კითხულობენ პრეზენტაციებს თავიანთი კონკრეტული მიმართულებებით.

ტურიზმის სასწავლო ცენტრის მისია არის სტუდენტებისა და ტურიზმის სფეროში არსებული კადრების სწორი ჩართულობა ტურიზმის ინდუსტრიაში, მათი ცოდნის ამაღლება, ტურისტული სერვისების დახვეწა, პრაქტიკული უნარ-ჩვევების გაუმჯობესება და სტუმართმოყვარე გარემოს შექმნა.

პირველად საქართველოში 2015 წელს ჩატარდა კონკურსი "Welcome To Georgia".  კომპანია "აღმოაჩინე საქართველომ" გაიმარჯვა ნომინაციაში - საუკეთესო სასწავლო ცენტრი ტურიზმში სწავლების კუთხით.

ტურისტული კომპანია "აღმოაჩინე საქართველო" ყოველთვიურად ახორციელებს სტაჟირება/პრაქტიკის ციკლს ტურიზმის სფეროში ჩართული ყველა მსურველი კანდიდატურისთვის.

მომდევნო ნაკადი იწყება 2018 წლის 05 ნოემბერს, რომელიც გასტანს 28 დეკემბრამდე (სრული 8 კვირა).
გრაფიკი: კვირაში 5 სამუშაო დღე (ორშ.-პარ.) 10:00-14:00 ან 14:00-18:00 საათამდე.
კურსის ღირებულება: 600 ლარი (გადახდა შესაძლებელია 2 ეტაპად, ასევე 0% -იანი განვადებით).

რეგისტრაცია დაიწყო!

პრაქტიკის  განმავლობაში პრაქტიკანტები შეისწავლიან და გაეცნობიან შემდეგ თემებსა და საკითხებს:

** ტურების ფორმირება საქართველოსა და საზღვარგარეთ
** ოფიციალური კორესპონდენცია
** საერთაშორისო კორპორატიული და დიპლომატიური პროტოკოლი
** ფინანსური დოკუმენტაცის წარმოება
** ტურების ბიუჯეტირება
** განხორციელებული ტურის მონიტორინგი
** ავიაბილეთების დაჯავშნა
** საერთაშორისო და ადგილობრივი დაჯავშნის სისტემები
** სავიზო პროცედურები
** Service Plus
** Outlook Microsoft Office
** გაყიდვების სპეციფიკა
** პერსონალის შერჩევა თანამედროვე მართვის პირობებში
** მიმდინარე სიახლეები და გამოწვევები საქართველოსა თუ მსოფლიო ტურიზმის ინდუსტრიაში;
** საინფორმაციო გასვლითი ტურები
** ტურისტული კომპანიის რეალური ფუნქციონირება - პარტნიორები, მომხმარებლები, თანამშრომლები

გარემო, სადაც გადიან სტაჟირებას, არის თანამედროვე ტექნიკითა და საჭირო ინვენტარით აღჭურვილი. ერთიან სივრცეში განლაგებულია მოქმედი ტურისტული კომპანია და სასწავლო ცენტრი - ერთი ფანჯრის პრინციპით, რაც სტაჟიორს მეტ შესაძლებლობას აძლევს, უკეთ აითვისოს ტურიზმის სექტორის პრაქტიკული უნარ-ჩვევები, არსებული სუსტი და ძლიერი მხარეები. 

"აღმოაჩინე საქართველოს" ტურიზმის სასწავლო ცენტრში სტაჟირებას გადიან საქართველოს ეროვნული უნივერსიტეტის სეუ-ს ტურიზმის ფაკულტეტის ყველა სტუდენტი. განათლებისა და მეცნიერების სამინისტროს დაკვეთით,  პრაქტიკები გაიარეს ასევე 15 ლექტორმა მასწავლებელთა პროფესიული განვითარების პროექტის ფარგლებში. სასწავლო ცენტრი მუდმივად მასპინძლობს საქართველოს სხვადასხვა წამყვანი უნივერსიტეტების სტუდენტებს, ქართული თუ უცხოური ტურისტული კომპანიების თანამშრომლებსა თუ ლექტორებს.  

პრაქტიკის წარმატებით გავლის შემდგომ პრაქტიკანტს გადაეცემა სერტიფიკატი, რომელზეც აისახება ყველა ის პრაქტიკული უნარ-ჩვევა და გამოცდილება, რომელიც სტაჟიორმა მიიღო განვლილი 2 თვის განმავლობაში. საუკეთესო სტაჟირებადამთავრებულები საქმდებიან თავად ტურისტულ კომპანია "აღმოაჩინე საქართველოში" ან გადამისამართდებიან სხვა წარმატებულ ტურისტულ კომპანიებსა და ტურიზმის დაწესებულებებში.

დაინტერესებულმა პირებმა გამოაგზავნეთ თქვენი CV/რეზიუმე ელფოსტაზე: [email protected]

საკონტაქტო ინფორმაცია: (+995 322) 50 50 44 (103) (+995 579) 97 34 34
Facebook: Discover Georgia - აღმოაჩინე საქართველო
მისამართი: წინანდლის ქ. 17, თბილისი, 0144
Web: www.discovergeorgia.ge

"Discover Georgia" ზრდის პროფესიონალ კადრებს!

განთ. 10 ოქტომბერი 17:46

ბოლო ვადა 8 ნოემბერი 00:00

ტრენინგი - გაყიდვებისა და მოლაპარაკების უნარების განვითარება

ID 54717

"გერმანიის ეკონომიკური გაერთიანება" (DWV) არის გერმანიის სავაჭრო და სამრეწველო პალატებისა (DIHK) და გერმანიის საგარეო სავაჭრო პალატის (AHK) ოფიციალური პარტნიორი საქართველოში. იგი აერთიანებს გერმანულ-ქართულ ეკონომიკურ ურთიერთობებში ჩართულ 180-ზე მეტ კომპანიას. DWV არის ფრანკფურტის გამოფენებისა და სენიორ ექსპერტთა სერვისის (SES) ექსკლუზიური წარმომადგენელი საქართველოში. 

"გერმანიის ეკონომიკური გაერთიანება" გთავაზობთ ერთ დღიან პრაქტიკულ ტრენინგს: "გაყიდვებისა და მოლაპარაკების უნარების განვითარება".

ტრენინგი მიზნად ისახავს კომერციული დაწესებულებების გაყიდვების სტრუქტურის ეფექტიანობის ზრდას გაყიდვების აგენტების მოლაპარაკებების, პროდუქციის პრეზენტაციის და გაყიდვების უნარების განვითარების გზით. ტრენინგის პროგრამა მორგებულია თანამედროვე გაყიდვების პროცესს. იგი ითვალისწინებს როგორც თეორიულ, ისე პრაქტიკულ 
ასპექტს, რეალურ სიტუაციურ სავარჯიშოებს და მონაწილეთა მაქსიმალურ ჩართულობას, რაც უზრუნველყოფს გრძელვადიან ეფექტს.

ტრენინგს გაუძღვება მმართველ პოზიციაზე მუშაობის 15 წლიანი და გაყიდვების სფეროში ტრენერობის 8 წლიანი გამოცდილების მქონე, თბილისის თავისუფალი უნივერსიტეტის (ESM) და საქართველოს საზოგადოებრივ საქმეთა ინსტიტუტის (GIPA)-ს მოწვეული ლექტორი, შპს "დელტა ინთერნეიშენალ"-ის დირექტორი, Consulting Commercial Operation (CCO)-ის უფროსი კონსულტანტი - ბატონი ოთარ ჩიტეიშვილი.

დრო: ხუთშაბათი, 25 ოქტომბერი, 10:00 - 19:00 სთ
ადგილი: საქართველოს იუსტიციის სასწავლო ცენტრი, ანა პოლიტკოვსკაიას ქ. 1, თბილისი 0186

ტრენინგის საფასური: 

გერმანიის ეკონომიკური გაერთიანების (DWV) წევრებისთვის - 300 ლარი, სხვა შემთხვევაში 350 ლარი, 
საფასური მოიცავს 2 ყავის შესვენებას, ლანჩის შესვენებას და ყველა საჭირო მასალას ტრენინგის მიმდინარეობისას.

სრული პროგრამა და მონაწილეობის პირობები იხილეთ თანდართულ ფაილში.

ტრენინგი ჩატარდება ქართულ ენაზე.

ტრენინგზე რეგისტრაციის მსურველებს, გთხოვთ, 18 ოქტომბრამდე შეავსოთ სარეგისტრაციო ფორმა.

დამატებითი ინფორმაციისთვის დაგვიკავშირდით: [email protected]

განთ. 10 ოქტომბერი 14:14

ბოლო ვადა 18 ოქტომბერი 00:00

რეგიონული კოორდინატორი

ID 54690

ჩვენ ვართ - კომპანია "4Service Group" , ჩვენი მისია არის - მომსახურების ხარისხის გაუმჯობესება!

16 წელზე მეტია ჩვენი კომპანია ატარებს მარკეტინგულ კვლევებს მომსახურების ხარისხის გაუმჯობესების მიზნით. კომპანია არის მისტიური მომხმარებლის პროვაიდერი აღმოსავლეთ ევროპის, ცენტრალუს აზიის და ევროკავშირის ქვექნებში. ჩვენი წარმატებული მუშაობა აღიარებული არის საერთაშორისო ორგანიზაცია MSPA-ს მიერ, რომლის წევრიც ვართ უკვე 10 წელია. ჩვენი კლიენტები არიან საერთაშორისო და ადგილობრივი წამყვანი კომპანიები. 

ამ ეტაპზე ვეძებთ: რეგიონულ კოორდინატორს.

ძირითადი მოვალეობები:

  • ანგარიშვალდებულება პროექტის მენეჯერის წინაშე;
  • პროექტის მენეჯერის დავალებების შესრულება;
  • ყოველი თვის პირველ რიცხვში პროექტის მენეჯერისათვის წერილობითი ანგარიშის (შესაბამისი დოკუმენტაციით) წარდგენა მომძიებლების საქმიანობისა და პროექტის მიმდინარეობის შესახებ;
  • მოვალეობების გადანაწილება მისდამი დაქვემდებარებულ მომძიებლებს შორის;
  • ზედამხედველობის განხორციელება მის დაქვემდებარებაში მყოფი მომძიებლების ყოველდღიურ საქმიანობაზე.


საკვალიფიკაციო მოთხოვნები:

  • უმაღლესი განათლება
  • სასურველია ანალოგიურ პოზიციაზე მუშაობის გამოცდილება;
  • საოფისე პროგრამების ცოდნა;


პიროვნული უნარები:

  • საქმიანი მოლაპარაკებების წარმართვის უნარი;
  • კონფლიქტური სიტუაციების გადალახვის უნარი;
  • მაღალი პასუხისმგებლობის გრძნობა, შრომისმოყვარეობა;
  • არასტანდარტულ ვითარებაში ადაპტაციის უნარი;
  • გუნდური მუშაობის უნარი;
  • არ უნდა იყოს კონფლიქტური;


დამატებითი პირობები:

  • ფიქსირებული ხელფასი +%;
  • სამუშაო გრაფიკი 9:00-18:00;


კანდიდატები, რომლებიც აკმაყოფილებენ მოთხოვნებს გაივლიან ტესტირებას და გასაუბრების ეტაპებს. 

დაინტერესების შემთხვევაში გამოგზავნეთ თქვენი რეზიუმე მისამართზე: [email protected]

განთ. 10 ოქტომბერი 11:00

ბოლო ვადა 6 ნოემბერი 00:00

ეკონომიკური მედია სკოლა

ID 54636

საზოგადოება და ბანკები ეკონომიკური მედია სკოლის მეათე ნაკადის მიღებას იწყებს.

ტრენინგებს საქართველოს ეროვნული ბანკის პრეზიდენტის მრჩეველი გიორგი ბაქრაძე ჩაატარებს. ეკონომიკურ მედია სკოლას მოწვეული სტუმრებიც ეყოლება.

ეკონომიკური მედია სკოლის მიზანია ჟურნალისტების ფინანსური განათლების ამაღლება. სასწავლო კურსი, რომელიც 2 თვის განმავლობაში გაგრძელდება, უფასოა და მისი დასრულების შემდეგ წარმატებულ კურსდამთავრებულებს სერტიფიკატები გადაეცემათ.

დაინტერესებულმა პირებმა გამოგზავნეთ თქვენი რეზიუმე (CV) ჩვენს ელექტრონულ მისამართზე - [email protected] 2018 წლის 22 ოქტომბრის ჩათვლით. 

იმისთვის რომ გახდეთ ეკონომიკური სკოლის მსმენელი, აუცილებელია, მუშაობდეთ რომელიმე მედია საშუალებაში.

პროექტი ილიას სახელმწიფო უნივერსიტეტის ბიზნესის სკოლის და საქართველოს პრეზიდენტის სარეზერვო ფონდის მხარდაჭერით ხორციელდება.

განთ. 9 ოქტომბერი 11:18

ბოლო ვადა 23 ოქტომბერი 00:00

ტრენინგი - გაყიდვებისა და მოლაპარაკების უნარების განვითარება

ID 54581

"გერმანიის ეკონომიკური გაერთიანება" (DWV) არის გერმანიის სავაჭრო და სამრეწველო პალატებისა (DIHK) და გერმანიის საგარეო სავაჭრო პალატის (AHK) ოფიციალური პარტნიორი საქართველოში. იგი აერთიანებს გერმანულ-ქართულ ეკონომიკურ ურთიერთობებში ჩართულ 180-ზე მეტ კომპანიას. DWV არის ფრანკფურტის გამოფენებისა და სენიორ ექსპერტთა სერვისის (SES) ექსკლუზიური წარმომადგენელი საქართველოში. 

"გერმანიის ეკონომიკური გაერთიანება" გთავაზობთ ერთ დღიან პრაქტიკულ ტრენინგს: "გაყიდვებისა და მოლაპარაკების უნარების განვითარება".

ტრენინგი მიზნად ისახავს კომერციული დაწესებულებების გაყიდვების სტრუქტურის ეფექტიანობის ზრდას გაყიდვების აგენტების მოლაპარაკებების, პროდუქციის პრეზენტაციის და გაყიდვების უნარების განვითარების გზით. ტრენინგის პროგრამა მორგებულია თანამედროვე გაყიდვების პროცესს. იგი ითვალისწინებს როგორც თეორიულ, ისე პრაქტიკულ 
ასპექტს, რეალურ სიტუაციურ სავარჯიშოებს და მონაწილეთა მაქსიმალურ ჩართულობას, რაც უზრუნველყოფს გრძელვადიან ეფექტს.

ტრენინგს გაუძღვება მმართველ პოზიციაზე მუშაობის 15 წლიანი და გაყიდვების სფეროში ტრენერობის 8 წლიანი გამოცდილების მქონე, თბილისის თავისუფალი უნივერსიტეტის (ESM) და საქართველოს საზოგადოებრივ საქმეთა ინსტიტუტის (GIPA)-ს მოწვეული ლექტორი, შპს "დელტა ინთერნეიშენალ"-ის დირექტორი, Consulting Commercial Operation (CCO)-ის უფროსი კონსულტანტი - ბატონი ოთარ ჩიტეიშვილი.

დრო: ხუთშაბათი, 25 ოქტომბერი, 10:00 - 19:00 სთ
ადგილი: საქართველოს იუსტიციის სასწავლო ცენტრი, ანა პოლიტკოვსკაიას ქ. 1, თბილისი 0186

ტრენინგის საფასური: 

გერმანიის ეკონომიკური გაერთიანების (DWV) წევრებისთვის - 300 ლარი, სხვა შემთხვევაში 350 ლარი, 
საფასური მოიცავს 2 ყავის შესვენებას, ლანჩის შესვენებას და ყველა საჭირო მასალას ტრენინგის მიმდინარეობისას.

სრული პროგრამა და მონაწილეობის პირობები იხილეთ თანდართულ ფაილში.

ტრენინგი ჩატარდება ქართულ ენაზე.

ტრენინგზე რეგისტრაციის მსურველებს, გთხოვთ, 18 ოქტომბრამდე შეავსოთ სარეგისტრაციო ფორმა.

დამატებითი ინფორმაციისთვის დაგვიკავშირდით: [email protected]

განთ. 8 ოქტომბერი 10:40

ბოლო ვადა 18 ოქტომბერი 00:00

LINUX-ის LPIC-2 კურსი

ID 54529

საქართველოს სამეცნიერო-საგანმანათლებლო კომპიუტერული ქსელების ასოციაცია "გრენა" 1999 წლიდან ოპერირებს საქართველოს საინფორმაციო ტექნოლოგიების სფეროში. 

ასოციაცია "გრენა"-ს საქმიანობა ხორციელდება შემდეგი ძირითადი მიმართულებით:

  • მომხმარებლებისთვის IT სფეროში სერვისების მიწოდება და ახალი, ინოვაციური სერვისების დანერგვა.
  • სწავლება საინფორმაციო ტექნოლოგიებში.
  • სამეცნიერო და ტექნოლოგიური პროექტების მომზადება და განხორციელება.
  • მომხმარებლებისთვის პროგრამული პროდუქტების და კიბერუსაფრთხოების გადაწყვეტილებების მიწოდება. 
  • ქვეყანაში საინფორმაციო ტექნოლოგიების განვითარების ხელშეწყობა.


თ. ჭოველიძის ქუჩა 10
0108 თბილისი, საქართველო
ტელ: +995 32) 225 05 90
ელ-ფოსტა: [email protected]
ვებ-გვერდი: https://www.grena.ge/ | https://academy.grena.ge
ფეისბუქი: https://www.facebook.com/grena.grena.ge/

საქართველოს სამეცნიერო-საგანმანათლებლო კომპიუტერული ქსელების ასოციაცია "გრენა"-ს აკადემია აცხადებს მიღებას LINUX-ის LPIC-2 კურსზე. LPIC-2 გათვლილია მათთვის, ვისაც აქვს Linux-თან მუშაობის გამოცდილება და სურს კვალიფიკაციის ამაღლება. 

იხილეთ ამ განცხადების სრული ტექსტი თანდართულ დოკუმენტში.

განთ. 5 ოქტომბერი 10:31

ბოლო ვადა 3 ნოემბერი 00:00

აუდიო-ვიზუალური თხრობის პრაქტიკული კურსი

ID 54240

კონსულტაციისა და ტრენინგის ცენტრი CTC სასერტიფიკაციო სასწავლო პროგრამაში მონაწილეობის მისაღებად იწვევს აქტივისტებს, საინიციატივო ჯგუფების წარმომადგენლებს, სტუდენტებს, არასამთავრობო და საზოგადოებრივ ორგანიზაციებს.

ტრენინგი - "აუდიო ვიზუალური თხრობის პრაქტიკული კურსი".

ტრენინგ პროგრამის მიზანია მონაწილეების უნარების განვითარება აუდიო ვიზუალური თხრობის ტექნიკების საშუალებით. 

კურსის შედეგად პროგრამის მონაწილეები შეისწავლიან იდეებისა და პროექტების პრეზენტაციას აუდიო ვიზუალური საშუალებებით. აღსანიშნავია, რომ სასწავლო პროცესი მეტწილად დაეთმობა პრაქტიკულ მეცადინეობებს, შესაბამისად, ტრენინგის მსვლელობისას მოხდება იდეების განხილვა, გაანალიზება, ვიდეო გადაღების სხვადასხვა პრაქტიკული მეთოდების გამოყენება და ვიდეომონტაჟის საბაზისო დონეზე შესწავლა. მონაწილეებს საშუალება ექნებათ სწავლების პროცესში თავად დაამზადონ ვიდეო რგოლები. 

მონაწილეებს აუცილებელია ჰქონდეთ საკუთარი ლეპტოპები, რათა შეძლონ პრაქტიკული საშინაო სავარჯიშოების მომზადება. რაც შეეხება საოპერატორო და გახმოვანების ხელოვნების შესწავლას, ეს მოხდება უშუალოდ ტრენინგის მსვლელობისას CTC-ს აუდიტორიაში. სათანადო პრაქტიკული პროგრამის გავლის შემდეგ, მონაწილეებს საშუალება მიეცემათ გამოიყენონ ტრენინგის ვიდეო აპარატურა ვიდეო რგოლებისათვის, ოპერატორის ხელმძღვანელობით. 

კურსს ჩაატარებენ მაღალკვალიფიციური სპეციალისტები, რომელთაც აქვთ, როგორც პრაქტიკული, ისე თეორიული სწავლების მრავალწლიანი გამოცდილება. კურსის თეორიულ ნაწილს გაუძღვება კინოდოკუმენტალისტი არჩილ ხეთაგური, ხოლო ოპერატორი ვანო თვაური ტრენინგების პრაქტიკულ მხარეს უხელმძღვანელებს. 

კურსში მონაწილეობის მსურველი აუცილებელია იყოს: საინიციატივო ჯგუფის ან არასამთავრობო ორგანიზაციის წარმომადგენელი, სტუდენტი, აქტივისტი. ჯგუფის დაკომპლექტებისას უპირატესობა მიენიჭებათ ინგლისური ენის მცოდნე აპლიკანტებს. სწავლების სპეციფიკიდან გამომდინარე მონაწილეთა რაოდენობა შეზღუდულია.

ტრენინგში მონაწილეობა დიდწილად სუბსიდირებულია. მონაწილეობის საფასური შეადგენს 120 ლარს.

  • პროგრამის ჯამური ხანგრძლივობაა 50 სალექციო საათი.
  • მეცადინეობები გაიმართება საღამოს საათებში, 2 საათიან სესიებად. 
  • კვირის მანძილზე ჩატარდება 1 ან 2 სასწავლო სესია. 
  • კურსი ჩატარდება 2018 წლის 15 ნოემბრიდან, 2019 წლის 14 თებერვლამდე, კონსულტაციისა და ტრენინგის ცენტრის სასწავლო სივრცეში.


ტრენინგის მონაწილეები გადაიღებენ და დაამონტაჟებენ ვიდეო რგოლს პროექტებისა, თუ იდეების ეფექტური პრეზენტაციებისათვის. ტრენინგის დამთავრებისას მონაწილეებს, რომლებიც შეასრულებენ პროგრამის სასერტიფიკაციო მოთხოვნებს გადაეცემათ კურსის დასრულების სერტიფიკატი.

საუკეთესო პროექტის (რგოლის) ავტორებს შესაძლებლობა მიეცემათ CinéDOC-Tbilisi-ს საერთაშორისო დოკუმენტური კინოფესტივალის ფარგლებში 2019 წელს დაგეგმილ Civil Pitch-ზე წარადგინონ საკუთარი პროექტი, პროფესიონალი კინორეჟისორებისა და ფონდების წინაშე.

დაინტერესებულ პირებს გთხოვთ შეავსოთ სააპლიკაციო ფორმა და გამოაგზავნოთ შემდეგ ელექტრონულ მისამართზე: [email protected] 

აპლიკაციების წარდგენის ბოლო ვადაა 1 ნოემბერი, 2018 წელი.

კონსულტაციისა და ტრენინგის ცენტრი დაუკავშირდება მხოლოდ პირველ ეტაპზე შერჩეულ კანდიდატებს. მონაწილეთა საბოლოო შერჩევისათვის ჩატარდება გასაუბრებები. 

დამატებითი ინფორმაციისათვის დაგვიკავშირდით: (+995) 032 220 67 74/75 ან მოგვწერეთ: [email protected] | [email protected] 

მისამართი: ოთარ ჩხეიძის 5 (საბურთალო, ყაზბეგის გამზირთან ე. წ. შანხაის დასახლების ტერიტორია).

განთ. 27 სექტემბერი 16:26

ბოლო ვადა 1 ნოემბერი 00:00

გაეროს სესია გერმანიაში

ID 54087

თუ ხარ 18-დან 35 წლამდე ახალგაზრდა და გსურს საკუთარი თავი გამოსცადო გაეროს თანამედროვე ახალგაზრდულ სესიაზე გერმანიაში, მიუნჰენში, მაშინ ეს პროექტი შენთვისაა. 

პროექტი ღიაა როგორც უკვე გამოცდილი მოდებატეებისთვის, ასევე მათთვის, ვისაც ახლა სურს დაიწყოს საერთაშორისო სესიებში მონაწილეობა. მონაწილეთა კომიტეტები დაკომპლექტდება შესაბამისი გამოცდილების მიხედვით.

პროექტის მიმდინარეობის განმავლობაში განიხილება შემდეგი გამოწვევები: 

  • ლტოლვილთა ინტეგრაციის პრობლემა ევროპაში;
  • ეროვნული უმცირესობების ინტეგრაცია;
  • უნივერსალური განათლების პრიორიტეტები;
  • გენდერული თანასწორობა საერთაშორისო პოლიტიკაში და ა.შ.


პროექტის მასპინძელია ლუდვიგ მაქსიმილიანის უძველესი უნივერსიტეტი მიუნჰენში! 

პროექტის მონაწილეებს საშუალება ექნებათ ოფიციალურ ნაწილთან ერთად მონაწილეობა მიიღონ სოციალურ და კულტურულ ღონისძიებებში, ჩაერთონ ახალგაზრდულ ცხოვრებაში და გაიცნონ თანატოლები მსოფლიოს სხვადასხვა ქვეყნებიდან. 
პროექტის დასრულების შემდეგ კი დელეგაცია კულტურული ვიზიტის ეწვევა სიყვარულის ქალაქს, ევროპის ცენტრს - პარიზს. 

პროგრამაში მონაწილეობის საფასური შეადგენს 770 ევროს. 

საფასურში შედის შემდეგი ხარჯები:

  • მონაწილეობა გაეროს ახალგაზრდულ სესიაში
  • კვება პროექტის განმავლობაში
  • საცხოვრებელში განთავსება
  • ფრენა 2 გზა
  • სოციალური ღონისძიებები
  • კულტურული ტურები
  • საერთაშორისო სერტიფიკატი.


საფასურში არ შედის მიუნჰენიდან პარიზამდე გადაადგილება (საშ: 20-40 ევრო) 

მონაწილეობის მისაღებად გთხოვთ შეავსეთ მითითებული განაცხადის ფორმა:goo.gl/dvPXox (სასურველი ქვეყნის გრაფაში მიუთითეთ-გერმანია)

საკონტაქტო ტელეფონი: 574 334 777, 593575325, 032 2147270
http://www.pdcgeo.ge

განთ. 22 სექტემბერი 13:38

ბოლო ვადა 19 ოქტომბერი 00:00