ID 1051
საგრანტო კონკურსი - სამოქალაქო მონიტორინგი და ადვოკატირება 50000 ლარი

კონტაქტი

ევროპის ფონდი

დეტალური ინფორმაცია

საქართველო

თანდართული ფაილი: europefound-rfp-civmon.zip

კომენტარი

"ევროპის ფონდი" განაგრძობს სამოქალაქო საზოგადოების ორგანიზაციების (სსო-ების) საგრანტო მხარდაჭერას სამოქალაქო მონიტორინგისა და ადვოკატირების ინიციატივების განსახორციელებლად და გამჭვირვალე და ანგარიშვალდებული მმართველობის ხელშესაწყობად. აღნიშნული მიზნით, "ევროპის ფონდი", პროგრამის "თანამონაწილეობა და მონიტორინგი ცვლილებებისათვის" ფარგლებში, იწვევს საქართველოში რეგისტრირებულ და მოქმედ სსო-ებს საპროექტო განაცხადების წარმოსადგენად. 

საგრანტო კონკურსის მიზანია ადგილობრივ დონეზე პოლიტიკური და ეკონომიკური გადაწყვეტილებების მიღების პროცესში სათემო ჯგუფების, სსოე-ბისა და მედია საშუალებების ინფორმირებული მონაწილეობის გაზრდა სამოქალაქო საზოგადოების გაძლიერების, სახელმწიფო რეფორმების მონიტორინგისა და შეფასების წახალისების, საჯარო დისკუსიებისა და სექტორებს შორის თანამშრომლობის ხელშეწყობის გზით.

საკონკურსო პროექტისთვის გათვალისწინებული საგრანტო თანხის მაქსიმალური ოდენობა შეადგენს 50,000 ლარს.  პროექტის მინიმალური ხანგრძლივობა უნდა იყოს არანაკლებ 12 თვისა.

განაცხადების წარმოდგენა შეუძლიათ საქართველოში რეგისტრირებულ და მოქმედ სსო-ებს, ასევე, ადგილობრივი სსო-ების, სათემო ჯგუფებისა  და მედია საშუალებების კოალიციებსა და ქსელებს. მედია საშუალებებს მხოლოდ კვალიფიციურ სსო-ებთან თანამშრომლობით შეუძლიათ კონკურსში მონაწილეობა. კონკურსში მონაწილეობის უფლება არ აქვთ პოლიტიკურ პარტიებსა და ორგანიზაციებს, რომლებსაც პროექტის მიზნებსა და ამოცანებთან ნებისმიერი სახის ინტერესთა შეუთავსებლობა გააჩნიათ.

განმცხადებლებმა ევროპის ფონდში სრული საპროექტო განაცხადი უნდა წარადგინონ არაუგვიანეს 2018 წლის 5 დეკემბრის 15:00 საათისა, ელექტრონული ფოსტის შემდეგ მისამართზე: [email protected] 

 

საკონტაქტო ინფორმაცია 
 
ევროპის ფონდი, თბილისი, კავსაძის ქ. 3, მე-2 სართული, ტელ.: 225 39 42/43. საკონტაქტო პირი: ნანა გამყრელიძე