ID 1073
საგრანტო კონკურსი მეფუტკრეებისთვის

კონტაქტი

USAID Zrda Activity

დეტალური ინფორმაცია

საქართველო

თანდართული ფაილი: zrda-rfa-beekeeping.rar

კომენტარი

USAID-ის მიერ დაფინანსებული პროექტი „ზრდა“ აცხადებს საგრანტო კონკურსს დამწყები და არსებული მეფუტკრეებისთვის (ინდივიდუალური მეფუტკრეები, სასოფლო-სამეურნეო კოოპერატივები, ფერმერთა კავშირები, მირკო, მცირე და საშუალო საწარმოები, და ა.შ.) რომლებიც საქმიანობას ეწევიან (ან იურიდიული სუბიექტის შემთხვევაში, მისი წევრები/დასაქმებული პირები რეგისტრირებულები არიან) „ზრდა“ პროექტის სამიზნე, საქართველოს ექვს რეგიონში შემავალ მუნიციპალიტეტებსა და თემებში (სამცხე-ჯავახეთი, სამეგრელო, შიდა ქართლი, ქვემო ქართლი, მცხეთა-მთიანეთი, და ახმეტის მუნიციპალიტეტი).

საგრანტო პროგრამის მიზანია ხელი შეუწყოს მეფუტკრეობასა და თაფლის წარმოებასთან დაკავშირებული საქმიანობის გაფართოებას, საფუტკრე მურნეობების მიერ წარმოებული პროდუქციის ხარისხის გაუმჯობესებას, გამრავალფეროვნებას, წარმოების ზრდას და კომერციალიზაციას „ზრდა“ პროექტის სამიზნე რეგიონებში

დაინტერესებულმა პირებმა საგრანტო განაცხადი უნდა წარადგინონ ქართულ ენაზე, არა უგვიანეს 2019 წლის 22 თებერვლისა (18:00 საათი).

აპლიკაციის შევსებასთან დაკავშირებით არსებულ შეკითხვებზე პასუხის მისაღებად,
პროექტი „ზრდა“ გამართავს საინფორმაციო შეხვედრებს პოტენციურ აპლიკანტებთან, რეგიონულ ოფისებში, შემდეგი განრიგის მიხედვით:

სასტუმრო ‘პალმ ბიჩ’ 29 იანვარი 11:00 საათი: ანაკლია

ზუგდიდის ოფისი, 29 იანვარი 16:30 საათი: ქ. ზუგდიდი, რ. ლაღიძის ქ. № 3

ახალციხის ოფისი, 30 იანვარი 15:00 საათი: ქ. ახალციხე, წმინდა დავით და კონსტანტინეს ქ. № 21 ა

სასტუმრო ‘ბორჯომის ხეობა’, 31 იანვარი 13:30 საათი: ქ. ბორჯომი, შ. რუსთაველის ქ. 107ა

თბილისის ოფისი, 1 თებერვალი, 16:00 საათი: ნ. რამიშვილის ქ. № 6ა.

მარნეულის ოფისი, 4 თებერვალი, 14:00 საათი: ქ. მარნეული, რუსთაველის ქ. № 48

გორის ოფისი, 5 თებერვალი, 14:00 საათი: სტალინის ქ. № 27/1

ახმეტის ოფისი, 6 თებერვალი, 14:00 საათი: ლესელიძის ქ. № 36

დაგვიანებული განცხადები არ მიიღება.

აშშ საერთაშორისო განვითარების სააგენტოს მიერ დაფინანსებული პროექტი "Zrda" არის ხუთწლიანი პროგრამა, რომელიც მიზნად ისახავს მდგრადი ეკონომიკური განვითარების ხელშეწყობას სამიზნე რეგიონებში. აღნიშნული მიზნის მისაღწევად, პროექტი განახორციელებს შემდეგ ინიციატივებს: მიკრო, მცირე და საშუალო საწარმოების განვითარება; სოფლის მოსახლეობის შემოსავლების ზრდის ხელშეწყობა; მეწარმეებსა და მყიდველებს შორის საბაზრო ურთიერთობების ჩამოყალიბება და განვითარება; და, ადგილობრივი ეკონომიკური განვითარების ხელშეწყობა ბიზნეს კავშირების დამყარებისა და გაძლიერების მეშვეობით. შედეგად, ზრდა ხელს შეუწყობს ახალი სამუშაო ადგილების შექმნას, მცირე და საშუალო საწარმოების და შიდა მეურნეობების შემოსავლების ზრდას ადგილობრივი თემების გაძლიერების მიზნით.