ID 1082
საგრანტო კონკურსი დუშეთის მეწარმეებისთვის 4000 ლარი

კონტაქტი

USAID Zrda Activity

დეტალური ინფორმაცია

მცხეთა – მთიანეთი

დუშეთი

თანდართული ფაილი: zrda-rfa-dusheti-smallgrants1.rar

კომენტარი

პროექტი "ზრდა" აცხადებს საგრანტო კონკურსს # 074-1008A-001-S-2019, დუშეთის მუნიციპალიტეტში მცხოვრები დამწყები და არსებული მეწარმეებისთვის, მხოლოდ პროექტის სამიზნე თემებში - მჭადიჯვარი და გრემისხევი.

საგრანტო პროგრამის მიზანია ხელი შეუწყოს დუშეთის მუნიციპალიტეტში ზრდა პროექტის სამიზნე თემებში (მჭადიჯვარი, გრემისხევი) არსებულ მეწარმეებს არსებული საქმიანობის გაფართოებაში/ხარისხის გაუმჯობესებაში, ხოლო დამწყებ მეწარმეებს არსებული ბიზნეს იდეის განხორციელებაში. არსებული და დამწყები მეწარმეები შეირჩევიან კონკურსის საფუძველზე წარმოდგენილი ბიზნეს იდეის და დასაბუთებული მდგრადობის შედეგად. გარდა აღნიშნულისა, გრანტის მიმღებთათვის ზრდა პროექტი უზრუნველყოფს შესაბამის ტექნიკურ დახმარებას საგრანტო პროექტის განხორციელების პროცესში.

საგრანტო პროგრამის ფარგლებში ზრდა პროექტი დააფინანსებს დაახლოებით ათ (10) საგრანტო პროექტს, თუმცა არადამაკმაყოფილებელი საგრანტო განაცხადების შემთხვევაში შესაძლოა გასაცემი გრანტების რაოდენობა შემცირდეს. პროექტი დააფინანსებს არა უმეტეს 4000 ლარისა, თითოეულ საგრანტო პროექტზე.

საგრანტო კონკურსის ფარგლებში მიიღება განაცხადები შემდეგი სექტორებისათვის:

  • სოფლის მეურნეობა (ბოსტნეულის, ხილის, კენკრის წარმოება ღია გრუნტზე/სათბურში, მეფუტკრეობა);
  • ტურიზმის განვითარება (ტურისტული მარშუტების მომზადება, სარეკლამო მასალების ბუკლეტების/ფლაერების დაბეჭდვა, ვებ გევრდის დამზადება, ხელნაკეთი ნივთების დამზადება და სხვა ტურიზმთან დაკავშირებული ბიზნეს იდეა);
  • მომსახურების მიწოდება სოფლის მეურნეობასა და ტურიზმთან დაკავშირებული (საკვები ობიექტების, ინტერნეტ კაფეს, საცხობის, ველოსიპედების მომსახურების მოწყობა და სხვა);
  • ახალგაზრდა1 მეწარმეების მიერ წარმოდგენილი ბიზნეს იდეა, რომელიც შეეხება ზემოთ ჩამოთვლის სექტორებს ან ბიზნეს იდეა, რომელიც ხელს შეუწყობს ახალგაზრდების ეკონომიკური განვითარების პროცესში ინტეგრირებას.

საგრანტო განაცხადის წარდგენის ბოლო ვადაა 2019 წლის 7 მარტი (18:00 სთ).

აპლიკაციის შევსებასთან დაკავშირებით არსებულ შეკითხვებზე პასუხის მისაღებად, პროექტი „ზრდა“ გამართავს საინფორმაციო შეხვედრებს პოტენციურ აპლიკანტებთან, შემდეგი განრიგის მიხედვით:

  • გრემისხევის ადმინისტრაციული ერთეულის შენობა, 2019 წლის 28 თებერვალს 12:00 საათზე
  • მჭადიჯვარის ადმინისტრაციული ერთეულის შენობა, 2019 წლის 28 თებერვალს 15:00 საათზე.

გარდა საინფორმაციო შეხვედრებისა, პოტენციურ აპლიკანტებს შეუძლიათ შეკითხვები გამოაგზავნონ წერილობითი სახით, ელექტრონულ ფოსტაზე: [email protected]a.ge. განაცხადის შევსების პროცესში საჭიროების შემთხვევაში აპლიკაციასთან დაკავშირებულ კითხვებზე პროექტი ზრდა-ს რეგიონალური თანამშრომელი დაინტერესებულ პირებს გაუწევს კონსულტაციას, ზრდა-ს შიდა-ქართლის და დუშეთის თემის მობილიზატორი - მიხეილ ჯაფარიძე, საკონტაქტო ტელ: 595 992 404.