ID 1089
საგრანტო კონკურსი მოქმედი სათემო ორგანიზაციებისა და ჯგუფებისათვის

კონტაქტი

csrdg

დეტალური ინფორმაცია

საქართველო

თანდართული ფაილი: csrdg (1).zip

კომენტარი

საქართველოს სტრატეგიული კვლევებისა და განვითარების ცენტრი აცხადებს ღია საგრანტო კონკურსს საქართველოში მოქმედი სათემო ორგანიზაციებისა და ჯგუფებისათვის.

საგრანტო კონკურსის მიზანია ხელი შეუწყოს საქართველოში მოქმედი სათემო ორგანიზაციების შესაძლებლობების ზრდას, მათ შორის კავშირების დამყარებასა და მათ საქმიანობაზე ინფორმაციის ფართო აუდიტორიაზე გატანას.

საგრანტო კონკურსში მონაწილეობის მიღება შეუძლია საქართველოში მოქმედ ყველა რეგისტრირებულ სათემო ორგანიზაციასა თუ არაფორმალურ ჯგუფს, რომლებსაც ბოლო ორი წლის მანძილზე (2017-2018 წლები):

  • განხორციელებული აქვს სულ მცირე ერთი პროექტი / ინიციატივა;
  • კონკურსის განმცხადებლისგან ფინანსური მხარდაჭერა მიღებული აქვს არაუმეტეს ერთ პროექტზე.

კონკურსში მონაწილეთა განაცხადების შერჩევისას უპირატესობა მიენიჭება ადმინისტრაციული ცენტრებიდან დაცილებულ ან მოწყვლადი ჯგუფების მიერ შექმნილ სათემო დაჯგუფებებს, რომელთა საქმიანობაც ძირითადად ადგილობრივი პრობლემების მოგვარებაზეა ორიენტირებული.

პროექტის ხანგრძლივობა არ უნდა აღემატებოდეს 12 თვეს. საგრანტო თანხის მაქსიმალური ოდენობა შეადგენს 8000 ლარს. პროექტისთვის მაქსიმალური თანხის მოთხოვნის შემთხვევაში კონკურსის ფარგლებში სულ დაფინანსდება 3 პროექტი.

განაცხადის მიღების ბოლო ვადა 2019 წლის 22 მარტი, 17:00 საათი.

დაინტერესებულმა ორგანიზაციებმა და ჯგუფებმა განაცხადის სრული პაკეტი უნდა წარმოადგინონ ქართულ ენაზე ელექტრონული ფოსტის შემდეგ მისამართზე: [email protected] ან ნაბეჭდი სახით სტრატეგიული კვლევებისა და განვითარების ცენტრის ოფისში.

საგრანტო კონკურსის შესახებ დამატებითი ინფორმაციის მისაღებად იხილეთ თანდართული ფაილი.