ID 1095
საგრანტო კონკურსი ტრადიციული რეწვის ოსტატებისათვის

კონტაქტი

USAID Zrda Activity

დეტალური ინფორმაცია

საქართველო

თანდართული ფაილი: zrda_4085931.rar

კომენტარი

პროექტი "ზრდა" აცხადებს საგრანტო კონკურსს # 081-3004-002-S-2019, სამცხე-ჯავახეთსა და ახმეტის მუნიციპალიტეტებში მცხოვრები ტრადიციული რეწვის ოსტატებისათვის.

ეს პროგრამა შემუშავდა სამცხე-ჯავახეთსა და ახმეტის მუნიციპალიტეტებში მცხოვრები ტრადიციული რეწვის ოსტატების ბიზნეს უნარ-ჩვევების განვითარების მიზნით.

საგრანტო პროგრამა საშუალებას მისცემს შერჩეულ აპლიკანტებს, აქციონ სახელოსნოები ტურისტული დანიშნულების ადგილად, გააუმჯობესონ სახელოსნოში სამუშაო პირობები, რაც ხელს შეუწყობს სახელოსნოების ინტეგრირებას ტურისტულ მარშრუტებში და ხელნაკეთი ნივთების ბიზნესის მდგრად ეკონომიკურ განვითარებას.

საგრანტო თანხის ფარგლებში ნებადართულია აღჭურვილობის, ხელსაწყოების, პროდუქციის შესაქმნელი მასალის და / ან პრომო მასალების შესყიდვა. სახელოსნოების კეთილმოსაწყობად და სარემონტო სამუშაოებისათვის შესაძლებელია მოთხოვნილი თანხის მაქსიმუმ 25 %-ის გამოყოფა. აღნიშნულ შემთხვევებში, შესაძლოა ზრდა პროექტმა მხოლოდ სამშენებლო მასალები აანაზღაუროს, ხოლო სარემონტო სამუშაოები და სახელოსნოს მოწყობა არის ბენეფიციარის პასუხისმგებლობა.

საგრანტო აქტივობის განსახორციელებლად ზრდა პროექტის გრანტის ოდენობა ჯამში შეადგენს 60 000 ლარს.

საგრანტო კონკურსში მონაწილეობის მიღება შეუძლია მოქალაქეს, რომელიც დარეგისტრირებულია გადასახადის გადამხდელ ფიზიკურ პირად, ინდივიდუალურ მეწარმედ ან სხვა სტატუსის გადამხდელ სუბიექტად და ფლობს მოქმედ სახელოსნოს ზრდა პროექტის სამიზნე თემში.

განაცხადების შემოტანის ბოლო ვადაა 2019 წლის 1 აპრილი, 18:00 სთ ადგილობრივი დროით. დაგვიანებული ან შეუსაბამო განაცხადები არ განიხილება.

საგრანტო კონკურსის შესახებ დამატებითიინფორმაციის მისაღბად იხილეთ თანდართული ფაილი.