ID 1171
ჟურნალისტური კონკურსი არასრულწლოვანთა დანაშაულის პრევენციის საკითხებზე

კონტაქტი

GCRT

დეტალური ინფორმაცია

საქართველო

კომენტარი

GCRT აცხადებს ჟურნალისტურ კონკურსს თემაზე: "არასრულწლოვანთა დანაშაულის პრევენცია საქართველოში“.

პრიზები გაიცემა 5 კატეგორიაში:

▪ საუკეთესო სატელევიზიო რეპორტაჟი,
▪ საუკეთესო რადიო რეპორტაჟი,
▪ საუკეთესო საგაზეთო სტატია,
▪ საუკეთესო ონლაინ სტატია/მულტიმედიური ნამუშევარი
▪ საუკეთესო ბლოგი.

კონკურსი ტარდება ევროკავშირის მიერ დაფინანსებული პროექტის „არასრულწლოვანთა მართლმსაჯულების სისტემის რეფორმის განხორციელების ხელშეწყობა“ ფარგლებში, რომელსაც GCRT პარტნიორ არასამთავრობო ორგანიზაციებთან - სამოქალაქო განვითარების სააგენტო (CiDA), ინიციატივა მოწყვლადი ჯგუფების რეაბილიტაციისთვის (RIVG) და გლობალური ინიციატივა ფსიქიატრიაში - თბილისი (გიფ-თბილისი) - ერთად ახორციელებს. კონკურსის მიზანია ხელი შეუწყოს მედიის როლის გაზრდას და საზოგადოების ცნობიერების ამაღლებას რეფორმის მიმდინარეობის პროცესში.
არასრულწლოვანთა მართლმსაჯულების რეფორმა 2015 წლიდან მიმდინარეობს. რეფორმა მიზნად ისახავს ისეთი სისტემის შექმნას, რომელიც უზრუნველყოფს არასრულწლოვანთა დანაშაულის პრევენციას, კანონთან კონფლიქტში მყოფ არასრულწლოვანთა რეაბილიტაცია-რესოციალიზაციას და საზოგადოებაში რეინტეგრაციას.

ნამუშევრები შეირჩევა შემდეგი კრიტერიუმებით:
- საკითხის/პრობლემის სრულყოფილად ასახვა;
- არსებულ გამოწვევებსა და პრობლემების გადაჭრის გზებზე მსჯელობა;
- საზოგადოების ცნობიერების ამაღლება არასრულწლოვანთა მართლმსაჯულების რეფორმისა და არასრულწლოვანთა დანაშაულის პრევენციის საკითხებზე;
- პროფესიული ეთიკისა და ბავშვის უფლებების დაცვა მასალის გაშუქების პროცესში;

საკონკურსოდ წარმოდგენილი მასალა გამოქვეყნებული უნდა იყოს 2019 წლის აპრილიდან - 2020 წლის 1 მარტამდე.

გამარჯვებულ ჟურნალისტებს გადაეცემათ ნოუთბუქი.

მასალების გამოგზავნა შესაძლებელია 2020 წლის 1 მარტამდე მისამართზე: [email protected]