ID 1186
საგრანტო კონკურსი სოფლის მეურნეობის სექტორის მხარდასაჭერად

კონტაქტი

ENPARD

დეტალური ინფორმაცია

საქართველო

კომენტარი

2018 წლის იანვრიდან FAO ახორციელებს ევროკავშირის მიერ დაფინანსებულ პროგრამას “საქართველოს სოფლის მეურნეობის სექტორის მხარდაჭერა ENPARD III- ის ფარგლებში”. პროექტი მოიცავს საქმიანობის სამ ძირითად სფეროს; 1) გარემოს დაცვისა და სოფლის მეურნეობის სამინისტროს (MEPA) და მისი უწყებების ტექნიკური დახმარება FAO-ს ეროვნული და საერთაშორისო კონსულტანტებისა და ტექნიკური ოფიცრების მიერ; 2) მცირე ფერმერების, სოფლის მეწარმეების, კოოპერატივების, მცირე და საშუალო საწარმოებისა და მუნიციპალიტეტებისათვის ინდივიდუალური გრანტების უზრუნველყოფა მათი კონკურენტუნარიანობის გასაუმჯობესებლად და 3) გაფართოების სტრატეგიის პილოტირების ღონისძიებების განხორციელება, რომელიც მოიცავს სხვადასხვა სახის დემონსტრაციებს, ინფორმაციის გავრცელებას, ჩართულობასა და სხვა სასწავლო საქმიანობას ფერმერებისთვის.

გაეროს სურსათისა და სოფლის მეურნეობის ორგანიზაცია (FAO), აცხადებს საგრანტო კონკურსს სასოფლო-სამეურნეო ინიციატივების მხარდასაჭერად. ინიციატივის მიზანია, ქართველ ფერმერებს, სოფლის შინამეურნეობებს, კოოპერატივებს, მცირე და საშუალო მეწარმეებს გაუუმჯობესდეთ წვდომა ფინანსებზე, სერვისებსა და საწარმოო ტექნიკურ აღჭურვილობაზე. პროცესი ემსახურება სოფლის მეურნეობის სექტორის კონკურენტუნარიანობის ზრდასა და სოფლად მცხოვრები მოსახლეობისთვის უკეთესი საარსებო წყაროების შექმნას.

სამიზნე ჯგუფები: 
პროგრამის ბენეფიციარები არიან ინდივიდუალური ფერმერები, კოოპერატივები, მცირე და საშუალო მეწარმეები, ან მუნიციპალიტეტები, რომელთაც აქვთ სოფლის მეურნეობაში ინვესტირების სურვილი და ფინანსური შესაძლებლობები.
 
დასაშვები ხარჯები:
პროგრამა განასხვავებს ორი ტიპის ხარჯს – კაპიტალურ ხარჯებს (ძირითადი აქტივები) და საოპერაციო ხარჯებს (საბრუნავი კაპიტალი). პროგრამის ფარგლებში დაიფარება  მხოლოდ კაპიტალური ხარჯები და არ დაიფარება საოპერაციო ხარჯები, ასევე, არ დაფინანსდება გამოყენებული (მეორადი) აღჭურვილობა, მშენებლობის ხარჯები და პირუტყვის შესყიდვა.

მთავარიაქცენტი კეთდება ENPARD-ის მიერ შერჩეული მუნიციპალიტეტებზე:

  • ახალქალაქი
  • ბორჯომი
  • დედოფლისწყარო
  • ყაზბეგი
  • ქედა
  • ხულო
  • ლაგოდეხი
  • თეთრიწყარო

ინვესტიციის 40% დაფინანსდება გრანტის სახსრებით, ხოლოდ 60% უნდა დაიფაროს ბენეფიციარის მიერ


გრანტის ოდენობა


1,000-50,000 აშშ დოლარი (ან ექვივალენტი ლარში) – პირველადი წარმოებისთვის
1,000-150,000 აშშ დოლარი (ან ექვივალენტი ლარში) – დამატებითი ღირებულების შემქმნელი საქმიანობა (პირველადი წარმოების გარდა)


განაცხადის შერჩევის გამჭვირვალე პროცესი, რომლის შედეგიცაა საგრანტო გადაწყვეტილების მიღება განაცხადის შერჩევის კომიტეტის მიერ (წარმომადგენლები საქართველოს გარემოს დაცვის და სოფლის მეურნეობის სამინისტროდან, საქართველოში ევროკავშირის დელეგაციიდან და FAO-დან).

 საგრანტო განაცხადის წარდგენა მოხდება შემდეგ პლატფორმაზე.

 განაცხადებიბი მიიღება 2020 წლის 1 იანვრიდან 2020 წლის 31 მარტამდე.

 

საკონტაქტო ინფორმაცია:

საკონტაქტო პირი: სოფო ალთუნაშვილი
ელ-ფოსტა: [email protected]
ტელ: (+995 32) 222 7705