ID 1235
საგრანტო კონკურსი

კონტაქტი

ქალთა ფონდი საქართვე

დეტალური ინფორმაცია

საქართველო

თანდართული ფაილი: WFG_grants.zip

კომენტარი

"ქალთა ფონდი საქართველოში" აცხადებს საგრანტო კონკურსს "ქალთა სექსუალური და რეპროდუქციული ჯანმრთელობის და უფლებების დაცვა", რომლის ფინანსური მხარდამჭერია სექსუალური განათლების შვედური ასოციაცია RFSU.

საგრანტო კონკურსი მიზნად ისახავს ისეთი ინიციატივების მხარდაჭერას, რომელიც მიმართულია ქალთა გაძლიერებაზე, მათი ცოდნისა და უნარების ამაღლებაზე სექსუალური და რეპროდუქციული ჯანმრთელობისა და უფლებების საკითხებზე, ამ საკითხების მიმართ არსებული პოლიტიკის, პრაქტიკების, შეხედულებებისა და დამოკიდებულებების შეცვლაზე, აგრეთვე, სექსუალურ უფლებებზე მომუშავე ქალი უფლებადამცველების ქსელური მუშაობის გაძლიერებასა და დაცვაზე.

ქალთა ფონდი მიესალმება სოციალურ ცვლილებებზე ორიენტირებულ ინიციატივებს სექსუალური და რეპროდუქციული ჯანმრთელობისა და უფლებების ჭრილში*.

ქალთა ფონდი პრიორიტეტს მიანიჭებს რეგიონში მოქმედი ორგანიზაციების ინიციატივებს.

საგრანტო თანხა შეადგენს 30 000 ლარს. პროექტების ხანგრძლივობა არ უნდა აღემატებოდეს 10 თვეს.

კითხვების შემთხვევაში შეგიძლიათ მოგვწეროთ ფონდის ელფოსტისა და სოციალური ქსელების მისამართებზე.

განსახილველი პროექტების წარდგენის ბოლო ვადაა 2020 წლის 15 ივნისი. საბოლოო გადაწყვეტილება დაფინანსების შესახებ ცნობილი გახდება 2020 წლის ივნისის ბოლოს.

საპროექტო განაცხადები შეგიძლიათ გამოგზავნოთ ელ.ფოსტით, შემდეგ მისამართზე: [email protected]