5-ვარსკვლავიანი სასტუმრო "კრისტალ ჰოტელ & სპა" მდებარეობს სამთო-სათხილამურო კურორტ ბაკურიანში, თბილისიდან 185 კმ-ში, დიდველის სასრიალო საბაგიროდან რამდენიმე წუთში. კრისტალის საკურორტო ზონა აერთიანებს გონდოლებიან და ნახევრად ღია სავარძლის ტიპის საბაგიროს, 6 კმ-იან სათხილამურო ტრასას, საციგურაო მოედანს, კაფე-ბარებსა და რესტორნებს, საცურაო აუზს, სპა და ფიტნეს ცენტრს, ტყე-პარკს - სასეირნო ბილიკებითა და მოსასვენებელი ფანჩატურებით.

კომპანიის შესახებ მეტი ინფორმაცია შეგიძლიათ იხილოთ ვებგვერდზე: https://hotelcrystal.ge/

დღეს სასტუმრო "კრისტალის" სამუშაო გუნდი 150-მდე თანამშრომელს ითვლის, სეზონზე კი ეს ციფრი 300-მდე იზრდება.

ამჟამად ვეძებთ გუნდის ახალ წევრს სუპერვაიზერის თანამდებობაზე შემდეგი პირობებით:

სამუშაო ადგილი: ბაკურიანი, დ. აღმაშენებლის ქუჩა, დიდველის საბაგიროს მიმდებარე ტერიტორია
სამუშაო გრაფიკი: 12-საათიანი სამუშაო ცვლა, დასვენება კვირაში 1 დღე.

ძირითადი ფუნქცია-მოვალეობები:

** სასტუმროში არსებული სტანდარტების მიხედვით სტუმართა მიღება, განთავსება-გასტუმრების კონტროლი;
** მომსახურების სტანდარტების დაცვა, სტუმრებთან ურთიერთობა და კომუნიკაციის წარმართვა;
** სტუმრებთან ანგარიშსწორების წარმოება/კონტროლი;
** შემოსული სატელეფონო ზარების მიღება და შესაბამისი ინფორმაციის გაცემა;
** სტუმრების ჯავშნების პროგრამული რეგისტრაციის სისწორის კონტროლი;
** დაქვემდებარებული პერსონალის შრომის ორგანიზება და კონტროლი;
** სასტუმროს შიდა ინფორმაციული სისტემის განახლება და ორგანიზება;
** ყოველი ცვლის განმავლობაში მენეჯერებისთვის საჭირო ანგარიშების მომზადება.

საკვალიფიკაციო მოთხოვნები:

** მსგავს პოზიციაზე მუშაობის მინიმუმ 1-წლიანი გამოცდილება;
** უცხო ენების სრულყოფილად ცოდნა;
** პროგრამა "ფინაში" მუშაობის გამოცდილება ჩაითვლება უპირატესობად.
** კომპიუტერული და საოფისე პროგრამების ცოდნა

შერჩევის ეტაპები:

** რეზიუმეების გადარჩევა (გთხოვთ, გაითვალისწინოთ, დავუკავშირდებით მხოლოდ რეზიუმეს საფუძველზე შერჩეულ კანდიდატებს);
** ინდივიდუალური გასაუბრება HR მენეჯერთან;
** გასაუბრება უშუალო ხელმძღვანელთან.

თუ გსურთ, შემოუერთდეთ ჩვენს გუნდს, ვაკანტური თანამდებობა თქვენთვის საინტერესოა და ამასთანავე, აკმაყოფილებთ მის დასაკავებლად განსაზღვრულ მოთხოვნებს გამოგვიგზავნეთ თქვენი რეზიუმე მისამართზე: [email protected]

გთხოვთ, სათაურის ველში მიუთითოთ ვაკანტური თანამდებობის დასახელება.

შეგახსენებთ, რომ თქვენი რეზიუმე "პერსონალურ მონაცემთა დაცვის შესახებ" საქართველოს კანონის შესაბამისად, შესაძლოა, შეიცავდეს პერსონალურ მონაცემებს. რეზიუმეს გაზიარებით თქვენ თანხმობას აცხადებთ "ჰოტელს მენეჯმენტ გრუპ" /"HMG"-ის მიერ დამუშავდეს თქვენი პერსონალური მონაცემები წინასახელშეკრულებო ურთიერთობის ფარგლებში, ვაკანტურ თანამდებობაზე თქვენი კანდიდატურის შესაბამისობის დადგენის მიზნით.

თქვენ მიერ გამოგზავნილი რეზიუმე კომპანიის ბაზაში შეინახება 1 (ერთი) წლის ვადით, შესაძლოა, თქვენი კანდიდატურა განხილულ იქნას სხვა ვაკანტურ თანამდებობაზეც.

"ჰოტელს მენეჯმენტ გრუპ "/"HMG" მადლობას გიხდით დაინტერესებისთვის და გისურვებთ წარმატებას!