ID 55156
კურსი - ბუღალტრული აღრიცხვა ბასს სტანდარტებით

კონტაქტი

გრანთ თორნთონი

დეტალური ინფორმაცია

თბილისი

ბოლო ვადა: 23 ნოემბერი

კომენტარი

ბუღალტრული აღრიცხვა (ბასს სტანდარტებით) - საკვალიფიკაციო კურსი.

კურსი განკუთვნილია დამწყები და მოქმედი ბუღალტრებისთვის და მისი მიზანია მსმენელისთვის ბუღალტრული აღრიცხვის და ანგარიშგების საფუძვლების ძირითადი პრინციპების შესწავლა.

სწავლის პროცესი მიმდინარეობს ინტერაქტიული სწავლების მეთოდების გამოყენებით: სიტუაციების ანალიზი, დისკუსია, შეფასება, თეორიულ მასალასთან ერთად განხილული იქნება პრაქტიკული მაგალითები.

საკვალიფიკაციო კურსის განმავლობაში ჩატარდება ერთი შუალედური ტესტირება, ხოლო დასრულებისას ჩატარდება შემაჯამებელი ტესტირება, რაც მსმენელს საკუთარი ცოდნის შემოწმების საშუალებას მისცემს.

მონაწილეები მიიღებენ "გრანთ თორნთონ აკადემიის" სერთიფიკატს.

ლექციები გაიმართება კვირაში ორჯერ, საღამოს საათებში 19:00-22:00 პერიოდში, 2-3 საათიანი ხანგრძლივობით შემდეგ მისამართზე: ქ. თბილისი, ქეთევან წამებულის გამზირი N: 54 (მეტრო სადგური: 300 არაგველების მიმდებარე ტერიტორია), "გრანთ თორნთონის" ოფისი.

ხანგრძლივობა: 30 საათი;
ღირებულება: 400 ლარი.
სამუშაო ენა: ქართული 

კურსი მოიცავს შემდეგ თემებს:

** ბუღალტრული აღრიცხვის საგანი და მეთოდი (ბუღალტრული აღრიცხვის საგანი, ბუღალტრული აღრიცხვის მეთოდი, ბუღალტრული აღრიცხვის ფუძემდებლური პრინციპები, ბუღალტრული ანგარიშების არსი და აგებულება, ორადი ასახვა, ბუღალტრული ანგარიშების კლასიფიკაცია და ანგარიშთა გეგმა) 
** ფულადი საშუალებების აღრიცხვა (ფულადი სახსრები და მათი ეკვივალენტები, სალარო ოპერაციების აღრიცხვა, უნაღდო ანგარიშსწორების ფორმები და რეგულირება, საბანკო ოპერაციების აღრიცხვა, სალარო ოპერაციების დოკუმენტების ფორმები) 
** მოთხოვნების აღრიცხვა (მოთხოვნის წარმოქმნის საფუძვლები და კლასიფიკაცია, სავაჭრო მოთხოვნების აღრიცხვა, უიმედო და საეჭვო მოთხოვნების აღრიცხვა, სათამასუქო და სასესხო მოთხოვნების აღრიცხვა, დარიცხული და სხვ. მოკლევადიანი მოთხოვნების აღრიცხვა, გრძელვადიანი მოთხოვნების აღრიცხვა) 
** სასაქონლო - მატერიალური ფასეულობების აღრიცხვა (სასაქონლო - მატერიალური ფასეულობების არსი და კლასიფიკაცია, სასაქონლო - მატერიალური ფასეულობების შეფასება , სასაქონლო - მატერიალური ფასეულობების თვითღირებულების გაანგარიშების მეთოდები, სასაქონლო - მატერიალური ფასეულობების აღრიცხვის მეთოდები, სასაქონლო - მატერიალური ფასეულობების ინვენტარიზაცია, სასაქონლო - მატერიალური ფასეულობების გადაფასება) 
** ძირითადი საშუალებების აღრიცხვა (ძირითადი საშუალებების კლასიფიკაცია, აღიარება და შეფასება ,ძირითადი საშუალებების მიღების აღრიცხვა, ძირითადი საშუალებების ცვეთის აღრიცხვა, ძირითადი საშუალებების ექსპლუატაციის ხარჯების აღრიცხვა, ძირითადი საშუალებების გადაფასებების აღრიცხვა, ძირითადი საშუალებების აღიარების შეწყვეტის აღრიცხვა) 
** არამატერიალური აქტივების აღრიცხვა (არამატერიალური აქტივების ცნებამ კლასები, აღიარება და შეფასება, არამატერიალური აქტივების მიღების აღრიცხვა, არამატერიალური აქტივების ამორტიზაციის აღრიცხვა, არამატერიალური აქტივების გადაფასების აღრიცხვა, არამატერიალური აქტივების გასვლის აღრიცხვა) 
** ვალდებულების აღრიცხვა (ვალდებულებების წარმოქნის საფუძვლები, აღიარება და კლასიფიკაცია, სავაჭრო კრედიტორული დავალიანების აღრიცხვა, მიღებული ავანსის აღრიცხვა, სასესხო და სათამასუქო ვალდებულებების აღრიცხვა, საგადასახადო ვალდებულებების აღრიცხვა, საგადასახადო ვალდებულებები აღრიცხვა, დარიცხული ვალდებულებების აღრიცხვა, გრძელვადიანი ვალდებულებების აღრიცხვა) 
** საკუთარი კაპიტალის აღრიცხვა (საკუთარი კაპიტალის არსი და სტრუქტურა, სააქციო საზოგადოების საწესდებო კაპიტალის და რეზერვების აღრიცხვა, შპს -ს საკუთარი კაპიტალის აღრიცხვა) 
** შემოსავლების და ხარჯების აღრიცხვა (შემოსავლების ცნება, კლასიფიკაცია, აღიარება და შეფასება; საქონლის გაყიდვიდან მიღებული შემოსავლების აღრიცხვა , მომსახურების გაწევიდან მიღებული შემოსავლების აღრიცხვა, პროცენტის, როიალტის და დივიდენდების აღრიცხვა; ხარჯების ცნება და მისი კლასიფიკაცია, ხარჯების აღიარება და შეფასება, პროდუქციის თვითღირებულების ფორმირების აღრიცხვა, პერიოდის საოპერაციო და არა საოპერაციო ხარჯების აღრიცხვა, სესხით სარგებლობასთან დაკავშირებული დანახარჯების აღრიცხვა) 
** ფინანსური ანგარიშგების მომზადება და რეპორტინგი (ფინანსური ანგარიშგების კომპონენტები და ელემენტები, მოგებისა და ზარალის ანგარიშგება, საკუთარი კაპიტალის ცვლილებების ანგარიშგება, ბალანსი, ფულადი ნაკადების ანგარიშგება)