ID 58138
სასწავლო ბანაკი სვანეთში / მთის ამბები

კონტაქტი

Mtisambebi.ge

დეტალური ინფორმაცია

საქართველო

ბოლო ვადა: 28 თებერვალი

კომენტარი

„დოიჩე ველე აკადემიის“ (DWA) მხარდაჭერით, Mtisambebi.ge აცხადებს კონკურსს ზურგჩანთიანი ჟურნალისტიკის სასწავლო კურსში მონაწილეობის მისაღებად. სასწავლო კურსი გაიმართება 2019 წლის აპრილში, სვანეთში.

ვისთვის არის სასწავლო კურსი განკუთვნილი

სასწავლო კურსის მსმენელებად მიიღებიან ახალგაზრდები 18-დან 35 წლამდე. პრიორიტეტი მიენიჭებათ საქართველოს რეგიონებში, განსაკუთრებით მთაში მცხოვრებ ახალგაზრდებს, რომლებიც:

  • წერენ გამართულად და საინტერესოდ;
  • უყვართ ხეტიალი;
  • შეუძლიათ ფოტო / ვიდეო გადაღება;

სასწავლო კურსის ფორმატი

მონაწილეთა სწავლების, ტრანსპორტირების, საოჯახო სასტუმროში ცხოვრებისა და კვების ხარჯებს ორგანიზატორი დაფარავს.

სასწავლო კურსის ხანგრძლივობა 6 დღეა. შერჩეული ახალგაზრდები პროგრამის ფარგლებში შეისწავლიან: ინფორმაციის წყაროებთან მუშაობას; ახალი ამბებისა და გრძელვადიანი თემების მოძიებას; საკითხების შერჩევას; ახალი ამბების მომზადებას; თხრობის ტექნიკას; ფოტო - ვიდეო გადაღებას; მონტაჟს. სასწავლო კურსს გაუძღვებიან მოწვეული სპეციალისტები.

სასწავლო კურსის და სრულების შემდეგ

კურსის ბოლოს პროგრამის მონაწილეებს გადაეცემათ „დოიჩე ველე აკადემიის“ სერტიფიკატები. სასწავლო კურსის დასრულების შემდეგ მონაწილეებმა „მთის ამბებისთვის“ უნდა მოამზადონ მულტიმედია მასალები, რაშიც მიიღებენ ჰონორარს. „მთისამბები“ განიხილავს წარმატებული კურსდამთავრებულების დასაქმების შესაძლებლობას.

როგორ მივიღოთ კონკურსში მონაწილეობა

დაინტერესებულმა პირებმა შეავსეთ ანკეტა და გამოგზავნეთ 2019 წლის 28 თებერვლის ჩათვლით.

ანკეტის შევსებისას ყურადღება მიაქციეთ სამოტივაციო ნაწილს, სადაც უნდა ახსნათ, რატომ გსურთ პროგრამაში მონაწილეობა, რა მოლოდინი გაქვთ და როგორ გამოიყენებთ მიღებულ გამოცდილებას. მონაწილეთა შერჩევისას მოტივაციას განსაკუთრებული მნიშვნელობა ენიჭება.

შერჩეულ კანდიდატებთან ჩატარდება გასაუბრება თბილისსა და ზუგდიდში, რის შემდეგაც შეირჩევა პროგრამის 15 ფინალისტი.