ID 59250
საზაფხულო სკოლა მიგრაციის საკითხებზე

კონტაქტი

ICMPD

დეტალური ინფორმაცია

თბილისი

ბოლო ვადა: 31 მარტი

თანდართული ფაილი: ICMPD_Summer_School_2019_6431454 (1).zip

კომენტარი

"მიგრაციის პოლიტიკის განვითარების საერთაშორისო ცენტრი" (ICMPD) მეექვსედ უკეთებს ორგანიზებას საერთაშორისო საზაფხულო სკოლას მიგრაციის საკითხებზე. საზაფხულო სკოლა ICMPD-ის ეგიდით მიმდინარე სამი პროექტის - MOBILAZE, ENIGMMA 2-ისა და პრაღის პროცესი: დიალოგი, ანალიზი და სწავლება მოქმედებაში - ერთობლივი ინიციატივაა.

"საზაფხულო სკოლა მიგრაციის საკითხებზე" ორგანიზებულია ევროკავშირის მიერ დაფინანსებული სამი პროექტის ფარგლებში. კერძოდ, ესენია: პროექტი "აზერბაიჯანთან მობილური პარტნიორობის დანერგვის მხარდაჭერა" (MOBILAZE), პროექტი "მიგრაციის მდგრადი მართვა საქართველოში" (ENIGMMA 2) და "პრაღის პროცესის: დიალოგი, ანალიზი და სწავლება მოქმედებაში" (PP DATA) ინიციატივა - პროექტ მობილური პარტნიორობის პროგრამა II-ის C მიმართულება. ყველა აღნიშნულ პროგრამას "მიგრაციის პოლიტიკის განვითარების საერთაშორისო ცენტრი" (ICMPD) ახორციელებს. საზაფხულო სკოლა მოეწყობა საქართველოში 2019 წლის 30 ივნისიდან 6 ივლისის ჩათვლით.

საერთაშორის აკადემიური ექსპერტები, რომლებიც საზაფხულო სკოლის სტუდენტებს ლექტორობასა და მენტორობას გაუწევენ, წარმოადგენენ  ოქსფორდის უნივერსიტეტის მიგრაციული ობსერვატორიას, სასექსის უნივერსიტეტს, სორბონის უნივერსიტეტის ეკონომიკის სკოლას, დუნაის კრემსის, ამსტერდამის, ლეიდენის უნივერსიტეტებს, მაასტრიხტის უნივერსიტეტის მართვის უმაღლეს სკოლას და თავად "მიგრაციის პოლიტიკის განვითარების საერთაშორისო ცენტრს" (ICMPD). სწავლებისას ისინი ძირითადად შემდეგ თემებს შეეხებიან: მიგრაციის შესწავლის შესავალი, მიგრაცია და განვითარება, მიგრაცია და ეკონომიკა, მიგრანტთა აღქმა, სამიგრაციო კანონმდებლობა, ინფორმაცია მიგრაციის შესახებ და ა.შ. ერთკვირიანი საზაფხულო სკოლა მონაწილეებისთვის უზრუნველყოფს მულტიდისციპლინარულ და ინოვაციურ აკადემიურ და კვლევაზე ორიენტირებულ ლექციებს, სემინარებს, აგრეთვე, გააცნობს მათ  პროექტებს სამიგრაციო პოლიტიკისა და მიგრანტებთან დაკავშირებით არსებული სიტუაციის შესახებ ევროკავშირში, მის აღმოსავლეთ სამეზობლოში და მთელს მსოფლიოში. სწავლებასთან ერთად ჩატარდება კვლევები, პრაქტიკული მეცადინეობები და ინტერაქტიული დისკუსიები. საზაფხულო სკოლაში მონაწილეობის მიღება შეუძლია, საერთო ჯამში, 75 სტუდენტს, რომლებიც სწავლობენ მიგრაციის, ჟურნალისტიკის/მედია კვლევების, საერთაშორისო/საემიგრაციო კანონმდებლობის, ეკონომიკის, დემოგრაციის და/ან სოციალური და პოლიტიკური მეცნიერებების განხრით. კურსი რეკომენდებულია იმ ახალგაზრდა სპეციალისტებისთვის, ვინც მიგრაციის საკითხებზე მუშაობენ.

დაშვებული არიან:

განაცხადების წარმოდგენა შეუძლიათ შემდეგი ქვეყნების მოქალაქეებს: სომხეთი, ალბანეთი, აზერბაიჯანი, ბელორუსი, ბოსნია და ჰერცოგოვინა, საქართველო, ყაზახეთი, კოსოვო*, ყირგიზეთი, მოლდოვა, მონტენეგრო, ჩრდილოეთ მაკედონიის რესპუბლიკა, რუსეთი, სერბეთი, ტაჯიკეთი, თურქეთი, თურქმენეთი, უკრაინა და უზბეკეთი.

ყველა სტუდენტი უზრუნველყოფილი იქნება უსასყიდლო კვებითა და საცხოვრებლით, სატრანსპორტო ხარჯები ორგანიზებული იქნება და დაიფარება პროექტების მიერ. საზაფხულო სკოლა მონაწილეებისთვის უფასოა.

მონაწილეთა შერჩევის პროცედურა 2019 წლის 30 აპრილამდე გაგრძელდება. მხოლოდ შერჩეულ კანდიდატებთან მოხდება დაკავშირება.

განაცხადის წარდგენის ბოლო ვადაა 2019 წლის 31 მარტი.