ID 59593
ფსიქოლოგი - ქუთაისი

კონტაქტი

SOS ბავშვთა სოფელი

[email protected]

დეტალური ინფორმაცია

იმერეთი

ქუთაისი

ბოლო ვადა: 23 მარტი

თანდართული ფაილი: sos_app.zip

კომენტარი

ასოციაცია "საქართველოს SOS ბავშვთა სოფელი" ეძებს ფსიქოლოგებს მცირე საოჯახო ტიპის სახლებისთვის დასავლეთ საქართველოს შემდეგ რაიონებში:
  • ქუთაისი
  • ხონი
  • საჩხერე (ბაჯითი)
  • ზესტაფონი (კვალითი)
  • წალენჯიხა
  • ამბროლაური

სამუშაო ადგილი: ქ. ქუთაისი 

სამუშაო დატვირთვა: სრული განაკვეთი, მცირე საოჯახო ტიპის სახლებში კვირაში მინიმუმ ორი ვიზიტი

საქმიანობის ძირითადი მიზანი: ფსიქოლოგის სამუშაოს ძირითადი მიზანია, ინდივიდუალური და ჯგუფური ფსიქოთერაპიის, ასევე კონსულტაციისა და ფსიქოდიაგნოსტიკური მომსახურების გზით, დახმარება გაუწიოს მცირე საოჯახო ტიპის სახლებში მცხოვრებ ბავშვებსა და მოზარდებს.

ძირითადი ფუნქციები და მოვალეობები
  • თითოეული ბენეფიციარის ფსიქოდიაგნოსტიკა და მისი ფსიქოლოგიური საჭიროებების გამოკვეთა;
  • ფსიქოდიაგნოსტიკის შედეგებზე დაყრდნობით, თითოეული ბენეფიციარის ინდივიდუალური განვითარების გეგმის შემუშავება;
  • ინდივიდუალური განვითარების გეგმის საფუძველზე, ბენეფიციარიებისათვის ინდივიდუალური და/ან ჯგუფური თერაპიის ჩატარება;
  • ბავშვებისა და მოზარდების საჭიროებისა და ინტერესების გათვალისწინებით სხვადასხვა სახის ტრენინგების ორგანიზება;
  • მოზარდებთან პიროვნების განმავითარებელი ვარჯიშებისა (ნებელობითი, კოგნიტური, ემოციების, კომუნიკაციების) და სარელაქსაციო აქტივობების ჩატარება; საჭიროებისამებრ, ბავშვებთან და მოზარდებთან ინდივიდუალური თერაპიის ჩატარება;
  • ბენეფიციარებთან სამუშაოს დასრულების შემდგომ, შესრულებული სამუშაოს შეჯამება და შესაბამისად, მათი დოკუმენტალურად ასახვა;
  • მულტიდისციპლინარული გუნდის მუშაობაში მონაწილეობის მიღება;
  • სამომავლო სამუშაო გეგმის შემუშავება, გარდა ამისა, შესრულებული სამუშაოს ანგარიშების მომზადება.

მოთხოვნები:
  • უმაღლესი განათლება ფსიქოლოგის და სოციალური მუშაობის კვალიფიკაციით
  • ბავშვებთან და ოჯახებთან ფსიქოლოგად მუშაობის გამოცდილება 
  • კომპიუტერული საოფისე პროგრამების ცოდნა
  • წერითი უნარ-ჩვევები 
  • ბენეფიციარის ინტერესებისა და შესაძლებლობების გამოვლენისა და მხარდაჭერის უნარი
  • ბენეფიციარების თანადგომისა და ემპათიის უნარი
  • ეფექტური კომუნიკაცია, ნდობის მოპოვებისა და ურთიერთობის დამყარების უნარი 
  • მოქნილობა და დამოუკიდებლობა
  • თვითკონტროლი და სიმშვიდის შენარჩუნება რთულ და სტრესულ სიტუაციებში
  • დაგეგმვისა და ორგანიზების უნარი
  • გუნდური მუშაობის უნარი
  • SOS ბავშვთა სოფლის ხედვისა და მიზნების გაზიარება

ჩვენ გთავაზობთ:
  • მნიშვნელოვანი მისიის "სიყვარულით სავსე ოჯახი ყველა ბავშვს" განხორციელებაში მხარდაჭერის შესაძლებლობას;
  • მსოფლიოს მასშტაბით ერთ-ერთი უმსხვილეს საერთაშორისო არასამთავრობო ორგანიზაციაში მუშაობის შესაძლებლობას;
  • კეთილგანწყობილ სამუშაო გარემოს;
  • პროფესიონალ გუნდთან მუშაობას;
  • პროფესიული და პიროვნული განვითარების შესაძლებლობას.

დაინტერესების შემთხვევაში, გთხოვთ, გამოაგზავნოთ თქვენი სამოტივაციო წერილი და CV (რომელიც შეიცავს სამი რეკომენდატორი პირის საკონტაქტო ინფორმაციას) ელ-ფოსტაზე: [email protected] 2019 წლის 23 მარტის ჩათვლით. გთხოვთ, სათაურში მიუთითოთ სასურველი თანამდებობა.

ასოციაცია "საქართველოს SOS ბავშვთა სოფელი" სოციალურ განვითარებაზე ორიენტირებული არასამთავრობო ორგანიზაციაა. 1989 წლიდან იგი აქტიურად მონაწილეობს ბავშვთა უფლებებსა და საჭიროებებზე მიმართული პროგრამებისა თუ მომსახურებების შემუშავებაში. ასოციაცია "საქართველოს SOS ბავშვთა სოფელი" მოქმედებს "SOS Childrens Villages International"-ის დებულების შესაბამისად, ვინაიდან უკანასკნელი წარმოადგენს მის ქოლგა ორგანიზაციას, რომელსაც მსოფლიოს 132 ქვეყანაში ჰყავს ადგილობრივი წარმომადგენლობა ასოციაციების სახით. ორგანიზაციის მიზანია მიტოვების რისკის წინაშე მყოფ და მშობელთა მზრუნველობას მოკლებულ ბავშვთა უფლებების დაცვა; აგრეთვე, თემზე დაფუძნებული ალტერნატიული მომსახურებების მიწოდების გზით, სოციალურად დაუცველი ბავშვების დახმარება, მათი სრულფასოვან პიროვნებებად ფორმირების ხელშეწყობისა და საზოგადოებაში ინტეგრაციის მიზნით
დამატებითი ინფორმაციისთვის იხილეთ: http://www.sos-childrensvillages.ge