ID 60037
სტაჟირების პროგრამა

კონტაქტი

ჰაიდელბერგცემენტი

[email protected]

დეტალური ინფორმაცია

თბილისი

ბოლო ვადა: 26 აპრილი

თანდართული ფაილი: heidelberg_app.zip

კომენტარი

"ჰაიდელბერგცემენტ ჯგუფი" მსოფლიოს მასშტაბით სამშენებლო მასალების ერთ-ერთი უმსხვილესი მწარმოებელია, რომელსაც მოწინავე პოზიცია უკავია ინერტული მასალების, ცემენტის და ბეტონის წარმოების საერთაშორისო ბაზარზე. კომპანიის კუთვნილ 3000 საწარმოში, რომლებიც მსოფლიოს 60 ქვეყანაშია განთავსებული, 63000 თანამშრომელია დასაქმებული.

2006 წლის ბოლოს "ჰაიდელბერგცემენტმა" განახორციელა პირველი ინვესტიცია კავკასიის რეგიონში, შეიძინა რა აქციები საქართველოში ცემენტის წარმოების წამყვან კომპანიებში (შპს "საქცემენტის" რუსთავისა და კასპის ცემენტის ქარხნები, შპს "ქართული ცემენტი"). 

"ჰაიდელბერგცემენტ საქართველო" ჰაიდელბერგცემენტის საერთაშორისო ჯგუფის შვილობილი კომპანიაა, რომელიც ამჟამად ახორციელებს ცემენტისა და ბეტონის წარმოებას. იგი ფლობს 4 ცემენტის და 12 ბეტონის მწარმოებელ ქარხანას ქვეყნის ტერიტორიაზე. კომპანიას უკავია წამყვანი პოზიციები ადგილობრივ ბაზარზე ცემენტისა და ბეტონის წარმოების დარგში. 

შპს "ჰაიდელბერგცემენტ ჯორჯია" აცხადებს ანაზღაურებად სტაჟირების პროგრამას ბიუჯეტირებისა და დაგეგმარების მიმართულებით HR დეპარტამენტში

ადგილმდებარეობა: თბილისი, სათაო ოფისი. 
სამუშაო საათები: 10:00- 19:00/ 9:00- 18:00

ძირითადი მოვალეობები: 
  • HR დეპარტამენტში არსებული ფინანსური დაგეგმარების საკითხებში მონაწილეობის მიღება;
  • Personnel planning-ი;
  • სახელფასო კვლევებში მონაწილეობის მიღება;
  • ორგანიზაციულ სტრუქტურასთან მუშაობა;
  • სხვადასხვა ტიპის მცირე პროექტებში მონაწილეობა;
  • HR მენეჯერებთან ერთად მუშაობა მიმდინარე საკითხებზე. 

საკვალიფიკაციო მოთხოვნები:
  • უმაღლესი განათლება ან დამამთავრებელი კურსის სტუდენტები (ბიზნეს ადმინისტრირების მიმართულებით);
  • სასურველია რელევანტური სამუშაო გამოცდილება; 
  • კომპიუტერული პროგრამების ცოდნა (MS office); 
  • სასურველია ინგლისური ენის ცოდნა (B1); 
  • ლოგიკური აზროვნების უნარი; 
  • გუნდში მუშაობის უნარი; 
  • პუნქტუალური; 
  • მოწესრიგებული.

სტაჟირება ითვალისწინებს 6 თვიან ანაზღაურებად პრაქტიკას. 

დაინტერესების შემთხვევაში გამოგვიგზავნეთ ინგლისურ ენაზე შევსებული CV ფოტოსურათით, მისამართზე: [email protected] 

გისურვებთ წარმატებებს!