ID 60930
ჰიუბერტ ჰამფრის სახელობის სტიპენდია

კონტაქტი

აშშ-ის საელჩო

დეტალური ინფორმაცია

საქართველო

ბოლო ვადა: 20 ივნისი

კომენტარი

აშშ-ს საელჩო აცხადებს ჰიუბერტ ჰამფრის სახელობის ერთწლიან გაცვლით პროგრამას ამერიკის შეერთებულ შტატებში.

სტიპენდიის მოსაპოვებლად გამოცხადებულ კონკურსში მონაწილეობის მიღება შეუძლიათ ახალგაზრდა პროფესიონალებს, რომელთაც გააჩნიათ საჯარო სამსახურში მუშაობის მინიმუმ 5 წლიანი გამოცდილება.

პროგრამის მონაწილეები 2019-2020 წელს აშშ-ში გაივლიან ერთწლიან სასწავლო კურსს. გარდა ამისა, სტიპენდიანტებს შესაძლებლობა ექნებათ განივითარონ ლიდერული უნარ-ჩვევები, დაამყარონ მჭიდრო პროფესიული კავშირები ამერიკელ კოლეგებთან და განახორციელონ პროფესიულ განვითარებასთან დაკავშირებული სხვა საქმიანობები.

ჰიუბერტ ჰამფრის სასტიპენდიო პროგრამა არ ითვალისწინებს, ერთწლიანი კურსის გავლის შემდეგ, სტიპენდიანტთათვის აკადემიური ხარისხის მინიჭებას. ამიტომ აუცილებელია, რომ კონკურსში მონაწილე პირები უკვე იყვნენ უმაღლესი სასწავლებლის კურსდამთავრებულები და დასრულებული ჰქონდეთ მინიმუმ ოთხწლიანი საგანმანათლებლო პროგრამა.

პროგრამით გათვალისწინებული ერთწლიანი სასწავლო კურსი მოიცავს სწავლებას შემდეგ სფეროებში:

  • დემოკრატიული ინსტიტუტების მშენებლობა;
  • განათლება;
  • ჯანდაცვა;
  • მდგრადი განვითარება.

სასტიპენდიო პროგრამა ითვალისწინებს კონფერენციებს, პროფესიულ ვიზიტებს, ტრენინგ პროგრამებს და აგრეთვე, ადგილობრივ ორგანიზაციათან სტიპენდიანტის თანამშრომლობას, რაც მას ამერიკული სამუშაო გარემოს უკეთ გაცნობაში დაეხმარება.

კონკურსში მონაწილე უნდა ფლობდეს ინგლისურ ენას. შერჩეულ კანდიდატებს აშშ-ს საელჩო TOEFL ტესტის გამოცდაზე დაარეგისტრირებს.

სასტიპენდი ოპროგრამა ანაზღაურებს: საერთაშორისო მგზავრობის, სასწავლო გადასახადისა და აშშ–ს უმაღლეს სასწავლებელში ყოფნასთან დაკავშირებულ სხვა აუცილებელ ხარჯებს, ჯანმრთელობის დაზღვევას, ყოველთვიურ გადასახადს, აგრეთვე, წიგნების შეძენისა და პროფესიული საქმიანობის განხორციელებისათვის საჭირო თანხებს.

ჰუბერტ ჰამფრის სახელობის სტიპენდიის მოსაპოვებლად, დაინტერესებულმა პირებმა უნდა შეავსონ ელექტრონული განაცხადის ფორმა და წარმოადგინონ საჭირო დოკუმენტები.

აპლიკაციების მიღება 2019 წლის 20 ივნისს დასრულდება.

სტიპენდიის შესახებ დამატებითი ინფორმაციის მისაღებად იხილეთ ვებგვერდი.