ID 62114
შეზღუდული დაშვების სისტემების მონტაჟის სპეციალისტი

კონტაქტი

ნეოტექი

დეტალური ინფორმაცია

თბილისი

ბოლო ვადა: 26 აგვისტო

კომენტარი

კომპანია "ნეოტექი" უსაფრთხოების სისტემების ბაზარზე 2005 წლიდან ოპერირებს. კომპანიამ 14 წლიანი არსებობის მანძილზე წარმატებული საქმიანობით შეძლო უსაფრთხოების სისტემების ბაზარზე წამყვანი პოზიციების დაკავება და ხარისხზე ორიენტირებული კომპანიის სახელის მოპოვება. ბოლო წლები კომპანია «ნეოტექი» ფლობს საქართველოს უსაფრთხოების ბაზრის მნიშვნელოვან სეგმენტს და ითვლება ამ ბაზარზე ლიდერ კომპანიად. კომპანიის საინჟინრო ჯგუფის პოტენციალი და პარტნიორების ტექნიკური გუნდის მხარდაჭერა აძლევს კომპანიას შესაძლებლობლობას განახორციელოს საერთაშორისო ნორმატივებზე დაფუძნებული ნებისმიერი სირთულის პროექტი. უსაფრთხოების სისტემების მიმართულებით საქართველოში თითქმის ყველა მნიშვნელოვანი პროექტი სწორედ "ნეოტექი"-ს მიერაა განხორციელებული. კომპანიის კლიენტებს წარმოადგენენ ყველაზე მსხვილი სახელმწიფო და კერძო ორგანიზაციები. კომპანიის საქმიანობის მთავარ მიმართულებებს წარმოადგენს ვიდეოსათვალთვალო, დაცვით-საგანგაშო და სახანძრო სიგნალიზაციების, კომპიუტერული ქსელების, ხანძარქრობის, საკონფერენციო, გახმოვანების, შეზღუდული დაშვების, სუსტ დენებზე დაფუძნებული სხვა სისტემების პროექტირება, მონტაჟი და ინსტალაცია. კომპანია უსაფრთხოების სისტემების მწარმოებელი რამოდენიმე მსოფლიო ლიდერი ბრენდის ავტორიზებული დილერია და საქართველოში მათი პროდუქციის რეალიზაციას ახორციელებს.
კომპანია «ნეოტექი» ფლობს მომსახურების ხარისხის მენეჯმენტის საერთაშორისო სერთიფიკატს ISO 9001 2008 (2015 წლის 6 ივლისიდან) რაც ადასტურებს კომპანიის მენეჯმენტის და სტრუქტურის შესაბამისობას საერთაშორისო სტანდარტებთან.

კომპანია `ნეოტექი" აცხადებს ვაკანსიას შეზღუდული დაშვების სისტემების მონტაჟის სპეციალისტის თანამდებობაზე.

ავტომატური კარების, შლაგბაუმის, ტურნიკეტის და სხვა სისტემის აწყობა ინსტალირება, პროგრამირება;

სამსახურეობრივი მოვალეობები:

1. შდს (შეზღუდული დაშვების სისტემები) ავტომატური კარების, შლაგბაუმის, ტურნიკეტის და სხვა სისტემის აწყობა დემონტაჟი/მონტაჟის სამუშაოების წარმოება და სისტემის პროგრამულად გამართვა;
2. შრომის დისციპლინის და შრომის უსაფრთხოების მიმართ საქართველოს კანონმდებლობით და კომპანიის შინაგანაწესით განსაზღვრული მოთხოვნების შესრულება (მ.შ. სამუშაოზე გამოცხადება-წასვლის, სამსახურებრივი უნიფორმის და დამცავი აქსესუარების (ჩაფხუტი, სპეც.ფეხსაცმელი, სათვალე, ხელთათმანები და ა.შ.) ტარების, სამსახურებრივი ა/მანქანების და სამუშაო ინსტრუმენტების მიმართ განსაზღვრული წესების დაცვა.
მოთხოვნები:
1. ელექტრო-მექანიკოსის ან ანალოგიური მიმართულებით მუშაობის მინ. 3 (სამი) წლიანი გამოცდილება;
2. ელექტრო-მექანიკური იარაღების მოხმარების ცოდნა, უსაფრთხოების ნორმების გათვალისწინებით;
3. სუსტ დენებთან მუშაობის გამოცდილება;
4. ტექნიკური დოკუმენტაციისა და ელექტრული სქემების წაკითხვის უნარი;
5. კვალიფიკაციის დამადასტურებელი სერტიფიკატები (გავლილი ტრენინგები, გადამზადებები და სხვა);
6. ავტომობილის მართვის მოწმობა B კატეგორია (C სასურველია) , მართვის მინიმუმ ორწლიანი გამოცდილება;
7. მზად უნდა იყოს მივლინებისთვის , საქართველოს ტერიტორიაზე არსებულ სამშენებლო ობიექტებზე;

პიროვნული თვისებები:

1. შრომისმოყვარეობა, პასუხისმგებლობა და წვრილმანებზე დაკვირვების უნარი; 
2. შესასრულებელი სამუშაოების დაგეგმვის უნარი, რათა სამუშაო დღის განმავლობაში უზრუნველყოფილ იყოს შრომის მაქსიმალური მწარმოებლურობის შედეგის მიღწევა (ჩაითვლება უპირატესობად);
3. გუნდური მუშაობისთვის აუცილებელი უნარები (კომუნიკაბელურობა, შრომის განაწილება და ა.შ.) 
4. პუნქტუალურობა;
5. სტრესულ და არასტანდარტულ სიტუაციაში და პირობებში მუშაობის უნარი;
6. აკურატული, შინაგანად დისციპლინირებული, მნიშვნელოვნად მიდრეკილი წესრიგის და სისუფთავისკენ;
7. ტექნიკური და ანალიტიკური აზროვნების უნარი;
8. გამართული ვერბალური კომუნიკაციის უნარი;
9. ქართული ენის (წერით, სასაუბრო) სრულყოფილი ცოდნა ;
10. სასურველია რუსული და ინგლისური ენების (ან გერმანული) ცოდნა;

ასაკობრივი ზღვარი: 20-დან 45 წლამდე

სავალდებულო დოკუმენტები:

1. ცნობა ნასამართლეობის არქონის თაობაზე;
2. ცნობა ნარკოლოგიურიდან (ნარკოლოგიური შემოწმება)
3. დახასიათება ბოლო სამსახურიდან (ზემდგომი პირის მიერ)
4. ფოტო 3X4

ანაზღაურება - არანაკლებ 1200 ლარისა თვეში. 
სასურველი კანდიდატის შერჩევისას, მასთან გაფორმდება ორთვიანი საგამოცდო ვადით ხელშეკრულება (არანაკლებ 700 ლარიდან 1200 ლარამდე, დამოკიდებულია კანდიდატის კვალიფიკაციაზე), რომლის წარმატებით გავლის შემთხვევაში, მასთან გაფორმდება შრომის ხელშეკრულება ძირითადი შრომის ანაზღაურების ზემოაღნიშნული პირობებით. 

დაინტერესებულმა პირებმა სააპლიკაციო ფორმის შესავსებად გთხოვთ მიჰყვეთ ბმულს. გთხოვთ გაითვალისწინოთ, რომ განაცხადები ფოტოსურათის გარეშე არ განიხილება.