ID 62178
ფუნქციური შეფასების სპეციალისტი-ახალქალაქი

კონტაქტი

Expertise France

დეტალური ინფორმაცია

სამცხე – ჯავახეთი

ახალქალაქი

ბოლო ვადა: 5 სექტემბერი

თანდართული ფაილი: exfr_jd_fas.zip

კომენტარი

საერთაშორისო ტექნიკური მხარდაჭერის ფრანგული სახელმწიფო სააგენტო "Expertise France", "საქართველოს სოციალურ მუშაკთა ასოციაციასთან" (GASW) ერთად, "საქართველოში სოციალური კეთილდღეობის ტექნიკური მხარდაჭერის" პროექტის ფარგლებში, აცხადებს ვაკანსიას ფუნქციური შეფასების სპეციალისტის პოზიციაზე.

სამუშაო ადგილი: ახალციხე, ახალქალაქი.

პროექტის აღწერა:

საქართველოში შეზღუდული შესაძლებლობის მქონე პირის (ბავშვებისა და ზრდასრულების) სტატუსი განისაზღვრება ინდივიდის მხოლოდ ჯანმრთელობის მდგომარეობის მიხედვით. კერძოდ, არსებული კანონმდებლობის თანახმად, სტატუსის დადგენა ხდება გარკვეული დიაგნოზების საფუძველზე. აღნიშნულ პროცესში არ გაითვალისწინება თუ რა გავლენას ახდენს ბავშვის ან ზრდასრული პირის ჯანმრთელობის მდგომარეობა მათ ყოველდღიურ ცხოვრებასა და ფუნქციონირებაზე. შეზღუდული შესაძლებლობის ხარისხის განსაზღვრაც ზრდასრულ პირებში მხოლოდ დიაგნოზიდან გამომდინარე ხდება - "მკვეთრად შეზღუდული", "მნიშვნელოვნად შეზღუდული" და "ზომიერად შეზღუდული". ბავშვების შემთხვევაში კი არსებობს მხოლოდ ერთი სახის სტატუსი "შეზღუდული შესაძლებლობების მქონე ბავშვი". არსებული სისტემის ფარგლებში არ ხდება ინდივიდუალური საჭიროებებისა და შესაძლებლობების შეფასება. შესაბამისად, არ განისაზღვრება თუ რა სახის მხარდაჭერა ესაჭიროება შშმ პირს - დამხმარე საშუალებები, ტექნოლოგიები, სოციალური მომსახურებები - რაც აფერხებს სახელმწიფოს მიერ სოციალური პოლიტიკისა და პროგრამების სწორად განსაზღვრის პროცესს. იმისთვის, რომ სტატუსის დადგენისას გათვალისწინებულ იქნას ბავშვის და ზრდასრული პირის ჯანმრთელობის მდგომარეობა და ფუნქციური შესაძლებლობები, მათი ინდივიდუალური უნარები და საჭიროებები, უნდა მოხდეს არსებულ სისტემაში შეზღუდული შესაძლებლობის სოციალური მოდელის პრინციპებისა და ფუნქციური შეფასების დამკვიდრება.

ამ მიზნით, საქართველოს ოკუპირებული ტერიტორიებიდან იძულებით გადაადგილებულ პირთა, შრომის, ჯანმრთელობის და სოციალური დაცვის სამინისტრო, "ექსპერტიზ ფრანსთან" ერთად ახორციელებს საფრანგეთის განვითარების სააგენტოს მიერ დაფინანსებულ პროექტს სახელწოდებით "სოციალური კეთილდღეობის ტექნიკური მხარდაჭერა საქართველოში". პროექტი, საქართველოს სოციალურ მუშაკთა ასოციაციასთან თანამშრომლობის ფარგლებში, მიზნად ისახავს ბავშვებისა და ზრდასრული პირების შეზღუდული შესაძლებლობის სტატუსის დადგენის სოციალური მოდელის პილოტირებას სამცხე-ჯავახეთის რეგიონში. 

კერძოდ, დაგეგმილია ფუნქციური შეფასებისა და შემთხვევის მართვის პროცესების პილოტირება ზემოთაღნიშნულ რეგიონში. ამდენად, ფუნქციური შეფასების სპეციალისტი პასუხისმგებელი იქნება ორივე პროცესზე. მან შეფასება უნდა განახორციელოს შეფასების სათანადო ინსტრუმენტებზე დაყრდნობით, ხოლო შემთხვევის მართვამ უნდა უზრუნველჰყოს სტატუსის მაძიებელი პირის უფრო მეტი ჩართულობა შეფასების პროცესში, მათი საჭიროებების შესწავლა და გამოვლენილ საჭიროებათა არსებულ რესურსებთან დაკავშირება. ამასთანავე, სტატუსის მაძიებელ პირთა უფლებების დაცვის მიზნით, ფუნქციური შეფასების სპეციალისტი კოორდინაციას გაუწევს სამედიცინო პერსონალთან თანამშრომლობას.

სრული ინფორმაცია იხილეთ თანდართულ დოკუმენტში.

განაცხადის შემოტანის საბოლოო ვადა: 5 სექტემბერი, 2019 წ.