ID 63385
ციფრული მიმართულების ანალიტიკოსი

კონტაქტი

adjarasport.com

[email protected]

დეტალური ინფორმაცია

თბილისი

ბოლო ვადა: 9 დეკემბერი

კომენტარი

adjarasport.com ონლაინ სპორტული მედია პლატფორმაა, რომელიც 2013 წელს დაარსდა. საიტზე მომხმარებელს საშუალება აქვს გაეცნოს ქართულ და უცხოურ სპორტულ ამბებს, იხილოს ვიდეო მიმოხილვები, თვალი ადევნოს ინგლისის პრემიერ ლიგის, ATP-ის საჩოგბურთო ტურნირებისა და სხვა სპორტული ღონისძიებების პირდაპირ რეპორტაჟებს.

adjarasport.com აქტიურად აშუქებს რამდენიმე ათეულ სპორტის სახეობას. იქნება ეს ახალი ამბები, საინტერესო ვიდეო კონტენტი თუ ორიგინალურ გადაცემათა ციკლი, რომელიც ამა თუ იმ სპორტს ეხება.

ჩვენი მიზანია, ჟურნალისტების პროფესიული სტანდარტების დაცვით, საზოგადოებას მივაწოდოთ სპორტული ინფორმაცია და ხელი შევუწყოთ საქართველოში სპორტის პოპულარიზაციას.

adjarasport.com-ს აქვს მკაფიო სარედაქციო პოლიტიკა, რომლის მიხედვითაც მკვეთრადაა გამიჯნული ფაქტი და ამ ფაქტზე კომენტარი. ჩვენს მომხმარებელს ვაწვდით ზუსტ ინფორმაციასა და საშუალებას ვაძლევთ ამა თუ იმ ფაქტზე განსხვავებულ მოსაზრებათა ფართო სპექტრს გაეცნონ. ეს მომხმარებელს საშუალებას აძლევს განსხვავებული რაკურსით დაინახონ მოვლენები.

ჩვენს პორტფოლიოში იზრდება პროდუქტების რაოდენობა და შესაბამისად, ვეძებთ ახალ ხალხს, ვინც ჩვენთან ერთად განავითარებს კომპანიას.

ამჟამად ვეძებთ ციფრული მიმართულების ანალიტიკოსს, რომელიც თავისი ანგარიშებისა და რეკომენდაციების საშუალებით დაეხმარება ანალიტიკისა და მარკეტინგის დეპარტამენტებს მონაცემებზე დაფუძნებული მარკეტინგული სტრატეგიის განხორციელებაში.

შემოთავაზების დეტალები:

** ექვემდებარება ანალიტიკის განყოფილების უფროსს
** სამუშაო გრაფიკი: ორშ-პარ; 11:00-19:00
** გამოსაცდელი ვადა: 6 თვე
** შრომითი ხელშეკრულების ვადა: 1 წელი
** სახელფასო განაკვეთი: კვალიფიკაციისა და მოლაპარაკების შესაბამისად
** დამატებითი სარგებელი: ჯანმრთელობის დაზღვევა უზრუნველყოფილი კომპანიის მიერ

ძირითადი მოვალეობები:

** მიმდინარე აქტივობების შედეგების მონიტორინგი, ეფექტურობის განსაზღვრა და რეპორტინგი;
** კონვერსიის განაკვეთების მონიტორინგი და ვებ გვერდის განვითარების შესაძლებლობების განსაზღვრა;
** კონკურენტების აქტივობის, KPI-ების რეგულარული მონიტორინგი და ანალიზი;
** ახალი ტექნოლოგიებისა და ციფრული მარკეტინგის სფეროებში განვითარებული მოვლენების შესახებ ცოდნის მუდმივი განახლება. ამ ცოდნის კომპანიის ციფრული მარკეტინგის სტრატეგიაში ასახვა;
** კომპანიის ვებ-გვერდის ტრაფიკის მართვაში მონაწილეობა.

ძირითადი მოთხოვნები:

** უმაღლესი განათლება (პრიორიტეტულია მარკეტინგის და ბიზნესის ადმინისტრირების მიმართულებით);
** სავალდებულოა არანაკლებ 2 წლიანი სამუშაო გამოცდილება ციფრული ანალიტიკის, ანდა ციფრული რეკლამირების მიმართულებით;
** MS Excel-ის მაღალ დონეზე ცოდნა და დამოუკიდებლად მუშაობის უნარი;
** Facebook და Google ანალიტიკის ცოდნა;
** ტელევიზიაში მომიჯნავე მიმართულებით მუშაობის გამოცდილება ჩაითვლება განსაკუთრებულ უპირატესობად;
** პრიორიტეტულია საოფისე კომპიუტერული პროგრამების ცოდნა;
** მიმდინარე ონლაინ მარკეტინგული კონცეპტების, ტრენდების კარგად ცოდნა;
** სხვადასხვა სპორტის სახეობების ცოდნა ჩაითვლება განსაკუთრებულ უპირატესობად;
** ანალიტიკური აზროვნების უნარი;
** პრეზენტაციის მომზადებისა და ჩატარების კარგი უნარი.

თუ ყოველივე ზემოთ აღწერილში საკუთარი თავი ან/და სასურველი სამსახური ამოიცანი, მაშინ სასწრაფოდ გამოგვეხმაურე. ამისათვის გამოგვიგზავნე შენი CV ელ-ფოსტაზე: [email protected] და "subject"-ის ველში მიუთითე ვაკანსიის დასახელება - "ციფრული ანალიტიკოსი".