ID 63398
ბრენდ მენეჯერი 2000 ლარი

კონტაქტი

adjarasport.com

[email protected]

დეტალური ინფორმაცია

თბილისი

ბოლო ვადა: 9 დეკემბერი

კომენტარი

adjarasport.com ონლაინ სპორტული მედია პლატფორმაა, რომელიც 2013 წელს დაარსდა. საიტზე მომხმარებელს საშუალება აქვს გაეცნოს ქართულ და უცხოურ სპორტულ ამბებს, იხილოს ვიდეო მიმოხილვები, თვალი ადევნოს ინგლისის პრემიერ ლიგის, ATP-ის საჩოგბურთო ტურნირებისა და სხვა სპორტული ღონისძიებების პირდაპირ რეპორტაჟებს.

adjarasport.com აქტიურად აშუქებს რამდენიმე ათეულ სპორტის სახეობას. იქნება ეს ახალი ამბები, საინტერესო ვიდეო კონტენტი თუ ორიგინალურ გადაცემათა ციკლი, რომელიც ამა თუ იმ სპორტს ეხება.

ჩვენი მიზანია, ჟურნალისტების პროფესიული სტანდარტების დაცვით, საზოგადოებას მივაწოდოთ სპორტული ინფორმაცია და ხელი შევუწყოთ საქართველოში სპორტის პოპულარიზაციას.

adjarasport.com-ს აქვს მკაფიო სარედაქციო პოლიტიკა, რომლის მიხედვითაც მკვეთრადაა გამიჯნული ფაქტი და ამ ფაქტზე კომენტარი. ჩვენს მომხმარებელს ვაწვდით ზუსტ ინფორმაციასა და საშუალებას ვაძლევთ ამა თუ იმ ფაქტზე განსხვავებულ მოსაზრებათა ფართო სპექტრს გაეცნონ. ეს მომხმარებელს საშუალებას აძლევს განსხვავებული რაკურსით დაინახონ მოვლენები.

ჩვენს პორტფოლიოში იზრდება პროდუქტების რაოდენობა და შესაბამისად, ვეძებთ ახალ ხალხს, ვინც ჩვენთან ერთად განავითარებს კომპანიას.

ამჟამად ვეძებთ ბრენდ მენეჯერს, რომელიც პასუხისმგებელი იქნება ტელეარხის, გადაცემების და სხვა კონტენტის შეფუთვა/მონიტორინგზე.

შემოთავაზების დეტალები:

** ექვემდებარება მარკეტინგის დეპარტამენტის უფროსს
** სამუშაო გრაფიკი: ორშ-პარ; 11:00-19:00
** გამოსაცდელი ვადა: 6 თვე
** შრომითი ხელშეკრულების ვადა: 1 წელი
** სახელფასო განაკვეთი: <2000 ლარი
** დამატებითი სარგებელი: ჯანმრთელობის დაზღვევა უზრუნველყოფილი კომპანიის მიერ.

ძირითადი მოვალეობები:

** არხის ბრენდბუქის შექმნა არტ დირექტორთან ერთად;
** გაიდლაინების შექმნა გადაცემების, ანონსების და ა.შ. შეფუთვასთან დაკავშირებით;
** პრეზეტაციების, პრესკონფერენციების და სხვა მსგავსი ღონისძიებებისათვის საჭირო მასალების მომზადება;
** კონტენტის ვიზუალური მხარის მონიტორინგი ვებ-გვერდსა და ყველა მედიუმში;
** უშუალო ხელმძღვანელის დავალებით მოცემული პოზიციის საქმიანობასთან დაკავშირებული სხვა ამოცანების შესრულება.

ძირითადი მოთხოვნები:

** უმაღლესი განათლება ბიზნესის ადმინისტრირების მიმართულებით (პრიორიტეტულია სპეციალიზაცია მარკეტინგში);
** არანაკლებ 2 წლიანი სამუშაო გამოცდილება მარკეტინგის დეპარტამენტში;
** ბრენდბუქის შექმნის/ბრენდბუქით ხელმძღვანელობის გამოცდილება ჩაითვლება უპირატესობად;
** დიზაინერების გუნდთან მუშაობის გამოცდილება;
** პროექტებისა და კამპანიებს მართვის გამოცდილება;
** პრეზენტაციის მომზადებისა და ჩატარების უნარი;
** ინგლისური და რუსული ენების ცოდნა B2 დონეზე;
** ეფექტური კომუნიკაციის უნარი;
** დეტალების მიმართ კონცენტრაცია;
** წარმატების მიღწევის მოტივაცია.

თუ ყოველივე ზემოთ აღწერილში საკუთარი თავი ან/და სასურველი სამსახური ამოიცანი, მაშინ სასწრაფოდ გამოგვეხმაურე. ამისათვის გამოგვიგზავნე შენი CV ელ-ფოსტაზე: [email protected] და "subject"-ის ველში მიუთითე ვაკანსიის დასახელება - "ბრენდ მენეჯერი".