ID 64246
ფარმაცევტი

კონტაქტი

SmartPharm

[email protected]

დეტალური ინფორმაცია

თბილისი

ბოლო ვადა: 7 აპრილი

კომენტარი

"Smartpharm" ფარმაცევტული კომპანიაა, რომელიც დაფუძნებულია 2011 წელს და ეწევა ფარმაცევტული პროდუქტების იმპორტსა და დისტრიბუციას მთელი საქართველოს მასშტაბით. კომპანია ორიენტირებულია სტაბილურ განვითარებაზე, ფარმაცევტული პროდუქციის ასორტიმენტის გაზრდასა და სამომხმარებლო სერვისების გაუმჯობესებაზე. "SmartPharm" იმპორტს ახორციელებს ევროპის თითქმის ყველა ქვეყნიდან: ლიტვა, ლატვია, ბულგარეთი, რუმინეთი, ჩეხეთი, ესპანეთი, საფრანგეთი, იტალია, საბერძნეთი, უნგრეთი და სხვა, ასევე წარმატებით თანამშრომლობს CIS ქვეყნებთან, როგორიცაა რუსეთი, უკრაინა, ინდოეთი, აზერბაიჯანი, სომხეთი, უზბეკეთი. კომპანია წარმოადგენს მსოფლიო ფარმაცევტულ ბაზარზე ერთ-ერთი ლიდერი მწარმოებელი კომპანიების: Zeta Farmaceutici - იტალია, Aldo Union - ესპანეთი, Beta Laboratorios - არგენტინა, Glenmark Pharmaceuticals - ინდოეთი, Adipharm -ბულგარეთი, ოფიციალურ დისტრიბუტორს საქართველოში. დღეის მდგომარეობით "SmartPharm" მთელი საქართველოს მასშტაბით 800-მდე აფთიაქთან, მსხვილ ფარმაცევტულ ბაზებთან და სამედიცინო დაწესებულებებთან თანამშრომლობს და ერთ-ერთი ძლიერი დამსაქმებელია ფარმაცევტულ ბაზარზე კარიერული და პროფესიული განვითარების შესაძლებლობების თვალსაზრისით.

კომპანია "Smartpharm" აცხადებს ვაკანსიას ფარმაცევტის პოზიციაზე.

სამუშაო ადგილი: თბილისი, ვარკეთილის 3, მე-2 მ/რ (საწყობი)
სამუშაო განაკვეთი: სრული (ორშაბათი-შაბათი)
ანაზღაურება: ფიქსირებული ხელფასი და ბონუსი (სრულ განაკვეთზე საშუალო გამომუშავებული ხელფასი შეადგენს 650-800 ლარს)

ფუნქცია-მოვალეობები:

** საწყობში პროდუქციის აგროვება შეკვეთის შესაბამისად;
** საქონლის მიღება და დადგენილი რეგულაციების შესაბამისად დასაწყობება;
** საწყობში არსებული საქონლის/პროდუქციის აღრიცხვა;
** აღრიცხვის საფუძველზე ანგარიშის მომზადება.

საკვალიფიკაციო მოთხოვნები:

** ფარმაცევტული კომპანიის საწყობში ან აფთიაქში მინიმუმ 1 წლიანი გამოცდილება;
** Microsoft საოფისე პროგრამების ცოდნა.

უნარები/პიროვნული თვისებები:

** სტრესულ სიტუაციებში მუშაობის უნარი.
** ორგანიზებულობა;
** დეტალებზე ორიენტირებულობა;
** პასუხისმგებლობის გრძნობა;
** დროის ეფექტურად მართვის უნარი;
** განვითარებაზე ორიენტირებულობა.

"Smartpharm" გაძლევთ შესაძლებლობას, იმუშაოთ ახალგაზრდა, კრეატიული და დინამიური კადრებით დაკომპლექტებულ გუნდში, რომლებიც ფლობენ გამოცდილებას ფარმაცევტული და ჯანდაცვის სერვისების მიმართულებით. ორგანიზაცია ზრუნავს და ხელს უწყობს თანამშრომელთა კარიერულ განვითარებას. კომპანია თანამშრომლებს უზრუნველყოფს ჯანმრთელობის დაზღვევის პაკეტით.

შერჩევა მოიცავს რამოდენიმე ეტაპს:

** CV-ის (რეზიუმე) გადარჩევა;
** ინდივიდუალური გასაუბრება (ონლაინ რეჟიმში).

დაინტერესების შემთხვევაში, გთხოვთ, გამოაგზავნოთ თქვენი CV (რეზიუმე) ელ.ფოსტაზე: [email protected] და სათაურის ველში მიუთითოთ ვაკანსიის დასახელება - "ფარმაცევტი".

CV-ის (რეზიუმე) გამოგზავნის საბოლოო ვადა: 07/04/2020.

გთხოვთ, გაითვალისწინოთ, რომ ორგანიზაცია დაუკავშირდება მხოლოდ შერჩეულ კანდიდატებს.

"Smartpharm" მადლობას გიხდით დაინტერესებისთვის და გისურვებთ წარმატებას!