ID 64974
ანაზღაურებადი სტაჟირების პროგრამა დასაქმებით

კონტაქტი

ICN

დეტალური ინფორმაცია

თბილისი

ბოლო ვადა: 10 აგვისტო

კომენტარი

საინფორმაციო ცენტრების ქსელი (ICN) გამოცემებისთვის Mtisambebi.ge და Reginfo.ge აცხადებს კონკურსს თბილისის და კახეთის ოფისებში ანაზღაურებადი სტაჟირების პროგრამაში მონაწილეობის მისაღებად. ვაკანსია განკუთვნილია მათთვის, ვისაც აინტერესებს ვიდეოგადაღებისა და მონტაჟის შესწავლა და მედიაში მუშაობა.

კონკურსში მონაწილეობა შეუძლიათ სრულწლოვან ახალგაზრდებს. პრიორიტეტი მიენიჭებათ ჟურნალისტიკის ან მომიჯნავე სფეროში უმაღლესი განათლების, თხრობისა და წერის კარგი უნარების, შემოქმედებითი ხედვის მქონე კანდიდატებს. სამონტაჟო პროგრამა Adobe Premiere Pro-ს, ინგლისური ენის ცოდნა და ავტომობილის მართვის B კატეგორია და მართვის გამოცდილება მიიჩნევა უპირატესობად;

სტაჟირების პროგრამა სამთვიანია. პირველ თვეში ორგანიზაცია დაფარავს მხოლოდ მონაწილეთა ტრანსპორტირებისა და კვების ხარჯებს, მომდევნო ორ თვეში სტაჟირების მონაწილეები მიიღებენ ანაზღაურებას თვეში 800-1000 ლარის ოდენობით (გადასახადების ჩათვლით).

შერჩეული კანდიდატები სტაჟირების პერიოდში შეისწავლიან: აქტუალური თემების მოძიებას და დამუშავებას; წინასწარ დაგეგმვას; ვიდეოგადაღებას; მონტაჟს; მულტიმედია რეპორტაჟების მომზადებას; პრობლემების ადვოკატირებას.

დაინტერესებულმა პირებმა შეავსეთ ანკეტა და გამოგზავნეთ 2020 წლის 10 აგვისტოს ჩათვლით.

ანკეტის შევსებისას ყურადღება მიაქციეთ სამოტივაციო ნაწილს, სადაც უნდა განმარტოთ რატომ გსურთ სტაჟირების პროგრამაში მონაწილეობა. საინფორმაციო ცენტრების ქსელი პროგრამისთვის სულ 5 ახალგაზრდის შერჩევას გეგმავს.

ICN წარმატებულ სტაჟიორებს დაასაქმებს მულტიმედია რეპორტიორის, ვიდეოოპერატორი-მემონტაჟის პოზიციებზე.

Mtisambebi.ge საქართველოში მაღალმთიან რეგიონებზე ფოკუსირებული ერთადერთი მედია რესურსია. პროექტის მიზანია ისეთი დასახლებებიდან, როგორიცაა თუშეთი, ხევსურეთი, ფშავი, მთიულეთი, ხევი, თრიალეთი, სამცხე – ჯავახეთი, მთიანი აჭარა, რაჭა – ლეჩხუმი და სვანეთი ახალი ამბების მომზადება და გავრცელება. გამოცემა განსაკუთრებულ ყურადღებას უთმობს მთიან რეგიონებში არსებული პრობლემების გადაწყვეტის ხელშეწყობას.

Reginfo.ge ინტენსიურად აშუქებს საქართველოს რეგიონებში მოსახლეობისთვის მნიშვნელოვან პრობლემებს ახალი ამბებისა და რეპორტაჟების საშუალებით; მონიტორინგს უწევს ადგილობრივი თვითმმართველობისა და ცენტრალური ხელისუფლების საქმიანობას.

მსგავსი განცხადებები