ID 66998
გაყიდვების მენეჯერი

კონტაქტი

4Hospitals

[email protected]

დეტალური ინფორმაცია

თბილისი

ბოლო ვადა: 26 სექტემბერი

კომენტარი

კომპანია "4Hospitals" - სამედიცინო პროდუქციის სადისტრიბუციო კომპანია საქართველოში აცხადებს ვაკანსიას გაყიდვების მენეჯერის პოზიციაზე.

სამუშაოს აღწერილობა:

** თავის პორტფელში შემავალი საპროდუქტო მიმართულებების გაყიდვების მაქსიმიზაცია;
** ბაზრის მუდმივი ანალიზი გაყიდვების მიმართულებით, ახალი შესაძლებლობების გამოვლენა და მათზე ოპერატიული რეაგირების მოხდენა;
** პროდუქტების ახალი კატეგორიების მუდმივი შესწავლა, ანალიზი, ბაზარზე ჩაშვების პოტენციალის შესწავლა და შესაბამისი რეკომენდაციების წარდგენა კომპანიის მენეჯმენტისათვის;
** მუდმივი კომუნიკაციის ქონა თავის პორტფელში შემავალი პროდუქტების მომწოდებელ პარტნიორებთან და აქტიური მონაწილეობის მიღება დაგეგმილ ტრეინინგებსა და მასტერკლასებში;
** მისი დაქვემდებარებაში არსებული გაყიდვების გუნდის მუდმივი ოპტიმიზაცია კვალიფიკაციის ნაწილში და გუნდის მოტივაციაზე მუდმივი ზრუნვა;
** პერმანენტული რეპორტინგის წარმოება კომპანიის მენეჯმენტის წინაშე, გასული პერიოდის შეფასების და სამომავლო მოქმედებების მიმართულებით.

აღნიშნული ამოცანების განსახორციელებლად, თანამშრომელმა უნდა შეასრულოს შემდეგი ფუნქციები:

** არსებულ და პოტენციურ კლიენტებთან შეხვედრების დაგეგმვა და ორგანიზება, წინასწარ გაწერილი გრაფიკის შესაბამისად;
** ბაზრის ადეკვატური ფასდადების განხორციელება საკუთარ პროდუქტებზე და ადეკვატური შეთავაზება კლიენტებისათვის;
** კონკურენტების პროდუქტების შესწავლა, ანალიზი და ადეკვატური რეაგირება მათ მიერ განხორციელებულ მოქმედებებზე;
** კლიენტების ბაზების მუდმივი ანალიზი, არსებულებთან დამატებითი გაყიდვების შესაძლებლობების გამოვლენა და ახალი პოტენციური კლიენტების მუდმივი ძიება;
** ახალი კლიენტებისათვის გაცნობითი შეხვედრების დაგეგმვა და კომპანიის პირველადი პრეზენტაცია და პირველადი შეთავაზების მიცემა;
** საჭიროებისამებრ პრეზენტაციების ჩატარება კლინიკების, ჰოსპიტლებისა და სხვა კლიენტების მენეჯმენტის, მედ-პერსონალისა და სხვა თანამშრომლებისათვის;
** ინფორმაციის მუდმივი მობილიზაცია ახალ საპროდუქტო მიმართულებებთან დაკავშირებით, როგორც ადგილობრივ ბაზარზე მოთხოვნის, ასევე საერთაშორისო ტენდენციებისა და ინოვაციების მიმართულებით;
** ახალი პროდუქტების ბაზრის პოტენციალის შესწავლა-კვლევა, პოტენციურ მომწოდებლებთან მოლაპარაკებებში აქტიური ჩართულობა და შესაბამისი ფინანსური პროგნოზების გაკეთება;
** ახალი პროდუქტის ბაზარზე საპილოტე გაშვება, პირველადი ანალიზი, დასკვნების გაკეთება და საბოლოო გადაწყვეტილების მიღება პროდუქტის პერსპექტივასთან და განვითარების სტრატეგიასთან დაკავშირებით;
** პერიოდული რეპორტების მომზადება მომწოდებელი პარტნიორებისთვის და მათთან მუდმივი კომუნიკაცია დამატებით მარკეტინგულ, ტექნიკურ და სხვა ტიპის მხარდაჭერასთან დაკავშირებით;
** ონლაინ და ადგილზე ტრეინინგებში აქტიური მონაწილეობის მიღება, როგორც თავად, ასევე ჩვენი პარტნიორი კლინიკებისა და ჰოსპიტლების მედ-პერსონალის მონაწილეობით;
** საკუთარი გუნდის გაძლიერების მიზნით ახალი კადრების მოძიებაში მუდმივი ჩართულობა და გასაუბრებების წარმოება;
** გაყიდვების გეგმებისა და მიზნების მიცემა საკუთარი გუნდისათვის, დეტალურად ჩაშლილი კლიენტების მიხედვით და მათი შესრულების მუდმივი მონიტორინგი;
** გეგმებიდან გადახრებზე დროული რეაგირება და შესაბამისი მხარდაჭერის აღმოჩენა თავისი გაყიდვების გუნდის წევრებისათვის;
** თავისი გუნდის კვალიფიკაციის ამაღლებაზე მუდმივი ზრუნვა და მათთვის ტრეინინგების ჩატარება როგორც საკუთარი რესურსით, ასევე მოწვეული სპეციალისტების დახმარებით;
** გაყიდვების წარმომადგენლების მოტივაციის მუდმივი ამაღლება, როგორც ფინანსური, ასევე არაფორმალურ-მორალური მიმართულებებით;
** გაგზავნილი რეპორტების შესაბამისი ანალიზის წარდგენა მენეჯმენტისათვის, მიღწეული-მიუღწეველი შედეგების გამომწვევი მიზეზების შესახებ და სამომავლო მოქმედების ტაქტიკური გეგმების წარდგენა;
** ყოველი თვის შემაჯამებელი რეპორტების პრეზენტაცია როგორც საკუთარ გუნდთან, ასევე კომპანიის მენეჯმენტის წინაშე;
** კომპანიის სხვა სტრუქტურულ ერთეულებთან აქტიური თანამშრომლობა, საერთო შედეგების გაუმჯობესების მიზნით.

საკვალიფიკაციო მოთხოვნები:

** აუცილებელია ინგლისური ენის (მეტყველება/წერა) მაღალ დონზე ცოდნა;
** ამავე სფეროში საქმიანობის მინიმუმ 2 წლიანი გამოცდილება;
** უპირატესობა მიენიჭებათ რუსულის და სხვა ენების მცოდნე კანდიდატებს;
** მნიშვნელოვანია ავტომობილის ყოლა, საქმიანობის მოქნილად განხორციელების მიზნით.

რა დაგხვდებათ კომპანიაში:

** მეგობრული გარემო და შეკრული გუნდი;
** კონკურენტული და მზარდი ფიქსირებული ანაზღაურება;
** სამართლიანი და მაქსიმუმზე ორიენტირებული საბონუსე სისტემა;
** განვითარების და წინსვლის კარგი შესაძლებლობა;
** ინიციატივების მუდმივი განხილვა და წახალისება;
** საწვავის, ავტომობილის საექსპლუატაციო ხარჯების, სატელეფონო ლიმიტის და ჯანმრთელობის დაზღვევის დაფინანსება.

დაინტერესებულმა პირებმა გამოგზავნეთ CV ფოტო სურათით შემდეგ ელექტრონულ მისამართზე: [email protected]. გთხოვთ, Subject-ში მიუთითეთ პოზიციის დასახელება.

გისურვებთ წარმატებებს!