"ROOMS"-ი სტუმარ-მასპინძლობის სფეროში საერთაშორისოდ ცნობილი ქართული ბრენდია და მსოფლიოს მასშტაბით არის ცნობილი მოგზაურთა სხვადასხვა სეგმენტზე გათვლილი ინოვაციური და დიზაინზე ორიენტირებული პორტფოლიოთი. "ROOMS"-ის ბრენდი აერთიანებს თანამედროვე და ტრადიციულ ქართულ ესთეტიკას, რომელიც მუდმივად ვითარდება და თავის სტუმარს გამორჩეულ, მათზე მორგებულ სერვისსა თუ გარემოს სთავაზობს.

"ROOMS KAZBEGI" აცხადებს ვაკანსიას აუზის მიმღების პოზიციაზე.

ძირითადი მოვალეობები:

** ღიმილითა და თავაზიანი საუბრის მანერით მიესალმოს და მოემსახუროს გამაჯანსაღებელი ცენტრის ყველა სტუმარს, უპასუხოს სატელეფონო ზარებს და დაიცვას სისუფთავე როგორც საცურაო აუზის გარშემო, ასევე გამაჯანსაღებელი ცენტრის მიმღების მიმდებარე ტერიტორიაზე;
** შეიყვანოს პროგრამაში ყველა საჭირო მონაცემი;
** იქონიოს ამომწურავი ინფორმაცია გამაჯანსაღებელი ცენტრის მიერ შეთავაზებულ ყველა სერვისზე და საჭიროებისამებრ გაუწიოს კონსულტაცია ცენტრის სტუმრებს გაყიდვების გაუმჯობესების მიზნით;
** კეთილსინდისიერად და დაკვირვებულად აწარმოოს ნაღდი ფულის მიღება-გაცემა და ასევე გადაამოწმოს საკრედიტო ბარათების ტრანზაქციები. (ნაღდი ფულის მიღება უნდა მოხდეს საკასო აპარატის ჩეკის საფუძველზე. დაუშვებელია თანხის მიღება ჩეკის გარეშე);
** შეეცადოს გადაწყვიტოს და აღმოფხვრას გამაჯანსაღებელი ცენტრის სტუმართა ნებისმიერი პრობლემა მშვიდი გაწონასწორებული მანერით;
** არ დატოვოს უყურადღებოდ სტუმრის მხრიდან გამოთქმული უკმაყოფილება და მიაწოდოს ინფორმაცია ყველა მნიშვნელოვან საკითხზე დეპარტამენტის ზედამხედველს, რათა მოხდეს დროული რეაგირება;
** უნდა იყოს მომთმენი, პოზიტიური და კომუნიკაბელური;
** უნდა გაუფრთხილდეს გამაჯანსაღებელი ცენტრის ტერიტორიაზე არსებულ ინვენტარს და ტექნიკას;
** მიმღებში მუშაობისას მუდამ ხელთ იქონიოს მუშაობისათვის საჭირო ყველა ინვენტარი და დოკუმენტაცია;
** აკონტროლოს ტრენაჟორების დარბაზისა და გამოსაცვლელი ოთახის გასაღებების გაცემა-დაბრუნება და ყოველი დღის ბოლოს გასაღებების აღწერა;
** იყოს პასუხისმგებელი გამაჯანსაღებელი ცენტრის ტერიტორიაზე არსებული ყველა კარის გასაღების შენახვა-გაცემაზე;
** მუდმივად იქონიოს კომუნიკაცია გამაჯანსაღებელი ცენტრის სხვა თანამშრომლებთან და მოახდინოს ყველა სიახლის და მნიშვნელოვანი ინფორმაციის შეტანა სამუშაო წიგნში;
** იყოს მოქნილი რამდენიმე საქმის ერთდროულად კეთების მიმართ;
** საჭიროებისამებრ შეასრულოს ამ პოზიციასთან დაკავშირებული სხვა სამუშაოები.
** აწარმოოს მასაჟის დაჯავშნის პროცედურა სტანდარტების შესაბამისად.

საჭირო უნარები:

** ქართული და ინგლისური ენის სრულყოფილად ცოდნა;
** კარგი კომუნიკაციის უნარი;
** პასუხისმგებლობის გრძნობა;
** გუნდური მუშაობის უნარი;
** დეტალებზე ორიენტირებულობა.

დამატებითი სარგებელი:

** პროფესიული განვითარება;
** კონკურენტული ანაზღაურება;
** დაზღვევა;
** კვება;
** საცხოვრებლის უზრუნველყოფა;
** რუმსის ობიექტებზე კორპორატიული ფასდაკლება.

დაინტერესებულ პირებს, გთხოვთ, გამოაგზავნოთ თქვენი რეზიუმე 2 მაისამდე შემდეგ ელექტრონულ მისამართზე: [email protected]. სათაურის ველში გთხოვთ, მიუთითოთ პოზიციის დასახელება.

აღნიშნულ ვაკანსიაზე მონაცემების გაგზავნით ადასტურებთ, რომ თანახმა ხართ, "რუმს ჰოტელს ლაბი", მონაცემთა დაცვის საერთაშორისო სტანდარტებისა და საქართველოს მოქმედი კანონმდებლობის შესაბამისად შეაგროვოს, დაამუშაოს და შეინახოს წარდგენილი ინფორმაცია (რეზიუმე) თქვენი დასაქმებისთვის საჭირო პროცედურების წარმართვის მიზნით.