"Marco Polo Hotel Gudauri" ცნობილი სამთო-სათხილამურო კურორტის შუაგულში მდებარეობს, როგორც ისტორიული მნიშვნელობისა და თანამედროვე ბრწყინვალების სიმბოლო. 5-ვარსკვლავიანმა სასტუმრო კომპლექსმა გადამწყვეტი როლი ითამაშა გუდაურის, როგორც თვალწარმტაცი სათხილამურო კურორტის, განვითარებაში.

სასტუმრო სტუმრებს სთავაზობს 123 კომფორტულ ოთახს სხვადასხვა კატეგორიებით, მათ შორის სამი მაღალი კლასის შალეს. სასტუმრო ხელმისაწვდომია როგორც ზამთრის სპორტის მოყვარულთათვის, ასევე ზაფხულის მოგზაურებისთვის. სასტუმრო 1988 წლის აპრილში გაიხსნა და მას მერე წარმატებით ოპერირებს. ტერიტორიაზე განთავსებულია ცნობილი რესტორანი "სოლიკო", რომელიც სტუმრებს სთავაზობს, ევროპულ, ასევე ტრადიციულ ქართულ კერძებს, სასტუმროში აგრეთვე განთავსებულია ლობი ბარი და ლაუნჯი საღამოს გართობისთვის, გამაახალგაზრდავებელ SPA ცენტრი ფინური და ორთქლის საუნებით, დახურული საცურაო აუზი, პადელის შიდა და გარე კორტები. აღსანიშნავია, რომ სასტუმროში მდებარეობს რეგიონის ერთადერთი ბოულინგისა და ბილიარდის გასართობი ცენტრი, რაც მას უნიკალურ ატრაქციონად აქცევს მთელს მიმდებარე ტერიტორიაზე.

"Marco Polo Hotel Gudauri" აცხადებს მასაჟისტის ვაკანსიას.

პირობები:

** დაქვემდებარება: სპა მენეჯერთან, სასტუმროს გენერალურ მენეჯერთან
** სამუშაო ადგილი: გუდაური, ყაზბეგის მუნიციპალიტეტი (კომპანიის მხრიდან უზრუნველყოფილია განთავსება, კვება და ჯანმრთელობის დაზღვევა; სამუშაო ანაზღაურება მოიცავს ფიქსირებულ ხელფასს და დამატებით ანაზღაურებას თითოეული პროცედურიდან)
** სამუშაო განაკვეთი და გრაფიკი: სრული, კვირაში 5 სამუშაო და 2 დასვენების დღე

ფუნქცია-მოვალეობები:

** სხვადასხვა სახეობის სპა-პროცედურების შეთავაზება/ჩატარება სასტუმროს სტუმრებისთვის
** სრულყოფილი ინფორმაციის გაზიარება სტუმრებისთვის სპა-შეთავაზებების, ფასდაკლებების და მსგავსი რელევანტური დეტალების შესახებ
** პროცედურებისთვის საჭირო პროდუქციის მიზნობრივი და რაციონალური გამოყენება
** სტუმრის გამოკითხვა ალერგენების, ჯანმრთელობის მდგომარეობისა და მსგავსი ინფორმაციის შესახებ, საჭიროებისამებრ
** სუფთა და მოწესრიგებული სამუშაო გარემოს უზრუნველყოფა
** სტუმრის მიერ ხარისხიანი სპა-გამოცდილების მიღების უზრუნველყოფა
** სპა-სერვისების კუთხით გასაუმჯობესებელი საკითხების განხილვა/ინიციირება უშუალო ხელმძღვანელთან
** სასტუმროს ჰიგიენისა და უსაფრთხოების სტანდარტების დაცვა
** ეფექტური კომუნიკაციის დამყარება როგორც კოლეგებთან, ასევე სტუმრებთან

მოთხოვნები და უნარები:

** მასაჟისტის პოზიციაზე მუშაობის გამოცდილება
** ინგლისური ენის ცოდნა (ქართულისა და ინგლისურის გარდა, ნებისმიერი დამატებით უცხო ენის ფლობა ჩაითვლება უპირატესობად)
** პასუხისმგებლობიანობა
** ორგანიზებულობა, დისციპლინურობა
** ეფექტური კომუნიკაციის უნარები

დაინტერესებულ პირებს გთხოვთ თქვენი რეზიუმე გამოგვიგზავნოთ შემდეგ მისამართზე: [email protected] და სათაურის ველში მიუთითოთ პოზიციის დასახელება.

აღნიშნულ ვაკანსიაზე მონაცემების გაგზავნით ადასტურებთ, რომ თანახმა ხართ, "Marco Polo Hotel Gudauri"-მ მონაცემთა დაცვის საერთაშორისო სტანდარტებისა და საქართველოს მოქმედი კანონმდებლობის შესაბამისად. შეაგროვოს, დაამუშაოს და შეინახოს წარდგენილი ინფორმაცია (რეზიუმე) თქვენი დასაქმებისთვის საჭირო პროცედურების წარმართვის მიზნით. პერსონალური მონაცემები გამოყენებული იქნება მხოლოდ აღნიშნული მიზნისთვის და თქვენი თანხმობის გარეშე არ გადაეცემა მესამე პირს.